«Հայաստանի հանրապետական կուսակցություն»
5-րդ գումարման Ազգային ժողովում ՀՀԿ-ն ունի բացարձակ մեծամասնություն:
Խմբակցությունում ընդգրկված է 69 պատգամավոր: Հանրապետական են նաև ԱԺ նախագահն ու երկու տեղակալները: 52-ն ընտրվել է համամասնական ընտրակարգով, 29-ը` մեծամասնական: <Հանրապետական> խմբակցությունում կան 9 անկուսակցական, 7 այլ կուսակցությունների անդամ պատգամավորներ, 9 կին: Հանրապետականներն են ղեկավարում Ազգային Ժողովի 12 մշտական հանձնաժողովներից 8-ը, հանձնաժողովների փոխնախագահներից 5-ը ևս հանրապետական են:
Կառավարությունը ձևավորվել է ՀՀԿ-ՕԵԿ կոալիցիայի սկզբունքով, որի համաձայն
ՕԵԿ-ին է տրվել 3 նախարարական պորտֆել և փոխնախարարի պաշտոններ: Կառավարությունում հանրապետական են 18 նախարարություններից 10-ի ղեկավարները եւ վարչապետ Տիգրան Սարգսյանը:
Խմբակցության ղեկավարը Գալուստ Սահակյանն է, քարտուղարը` Հովհաննես Սահակյանը:
Թիվ 1 ընտրատարածքից մեծամասնական ընտրակարգով պատգամավոր ընտրված Ռուբեն Հայրապետյանը մանդատից հրաժարվելու մասին դիմում ներկայացրեց ԱԺ 2-րդ նստաշրջանի մեկնարկին, 2012թ. սեպտեմբերի 28-ին Ռ. Հայրապետյանի պատգամավորական լիազորությունները համարվեցին դադարեցված:
Քաղաքական անցյալ: ՀՀԿ-ն ստեղծվել է 1990 թվականին, երկրի քաղաքական կյանքում լուրջ դերակատարություն է ստանձնել 1999թ.-ից: 1999-ի խորհրդարանական ընտրություններին ՀՀԿ-ն մասնակցեց «Հայաստանի ժողովրդական կուսակցության» հետ կազմած դաշինքով, որն ստացավ ընտրողների քվեների 42 տոկոսը: 2003-ի և 2007-ի ընտրություններին կուսակցությունը մասնակցել է միայնակ և խորհրդարանում մեծամասնություն ձևավորել. 3-րդ գումարման ԱԺ-ում ՀՀԿ-ն ուներ 40 մանդատ, 4-րդ գումարման ԱԺ-ում` 62:
Ունենալով միայնակ կառավարություն ձևավորելու հնարավորություն` միշտ նախապատվությունը տվել է կոալիցիոն կառավարությունների ձևավորմանը: