Parliamnet Monitoring

  • Facebook
  • Twitter

News

Ովքեր վախենում են նախագահից, քննադատում են վարչապետին

Ովքեր վախենում են նախագահից, քննադատում են վարչապետին
 Հարցազրույց Ազգային ժողովի ՀՀԿ խմբակցության պատգամավոր Սամվել Նիկոյանի հետ

-Երևանի ավագանու ընտրություններին ընդառաջ`ՀՀԿն քննադատում են ոչ միայն ընդդիմադիր ուժերն ու ԲՀԿ-ն, այլև կոալիցիոն ՕԵԿ-ը: Ինչպե՞ս եք վերաբերվում այս քննադատությանը:
-Ինչպես մնացած բոլոր ուժերը, այնպես էլ ՕԵԿ-ը, պետք է ապացուցեն, որ իրենք ավելի շատ բան կարող են անել, ու այդ իսկ պատճառով բնական է, որ պետք է գտնեն թվացյալ կամ գուցե նաև իրական թերություններ` ցույց տալու համար, որ իրենք ավելի լավ կարող են աշխատել: Դա վերաբերում է բոլորին, չնայած ես ՕԵԿ-ի կողմից նման քննադատություն չեմ նկատել: Ավելին, Արմեն Երիցյանը ասում է, որ ամեն բան լավ է կատարվել, բայց իրենք կարող են անել: Նորմալ է ու այս  ժամանակահատվածի  տրամաբանության մեջ, որովհետև նախընտրական շրջանում բոլոր քաղաքական ուժերը նման են սուտլիկ որսկանի. խոսում են բաներից, որոնք չեն կարող անել:

-Սուտլիկորսկանությունը ՀՀԿ-ի թեկնածուին չի՞ վերաբերում:
-Ի տարբերություն մյուս թեկնածուների` ՀՀԿ-ի թեկնածուն կոնկրետ արվածի մասին է խոսում, հետևապես, ոչ, մեր թեկնածուին չի վերաբերում:

-Տարոն Մարգարյանը չարած գործեր չունի՞:
-Այնքան ունի: Ոչ մեկը չի ասում, թե Երևանում խնդիրներ չկան: Աշխարհի բոլոր քաղաքներում էլ խնդիրներ կան, դրա համար էլ ՀՀԿ-ն և Տարոն Մարգարյանը շարունակելու են լուծել Երևանում եղած խնդիրները:

-Շատ է խոսվում, որ երևանցիները Տարոն Մարգարյանին սիրում են, բայց նույնքան դրական չեն վերաբերվում իշխող  Հանրապետականին:  Չունե՞ք մտավախություն, որ ՀՀԿ-ի նկատմամբ այս վերաբերմունքը կազդի Տարոն Մարգարյանի ընտրության վրա:   
-ՀՀԿ-ի վարկանիշի մասին Ձեր ասածը հիմա չվիճարկեմ: Մեր խնդիրը ընտրությունները շատ նորմալ ձևով կազմակերպելն ու անցկացնելն է, իսկ ընտրողը վաղը ընտրելու է Տարոն Մարգարյանին:

-Այսինքն, չի ընտրելու ՀՀԿ-ի ցուցակը:
-Ընտրելու է Տարոն Մարգարյանին` Հանրապետականի ամբողջ ցուցակով հանդերձ: Ինչքան էլ որոշ ուժեր ասեն, թե ավագանու ընտրությունը քաղաքական նշանակություն ունի, ընտրողը, բարեբախտաբար գիտի, որ ընտրում է քաղաքապետ` քաղաքի կոնկրետ խնդիրները լուծելու համար: Այնպես որ, իզուր են փորձում  ավագանու ընտրությունները հավասարեցնել նախագահական կամ խորհրդարանական ընտրություններին:

-Կարծում եք` հնարավոր չէ՞ քաղաքապետի ընտրությունով երկրում իրավիճակ փոխել:  
-Իրավիճակ փոխող ընտրությունները համապետական ընտրություններն են` նախագահական և պառլամենտական: Որոշ քաղաքական ուժեր նախագահական ընտրությունները բաց թողեցին, հիմա ուզում են բաց թողածը լրացնել այս ընտրություններով: Հետաքրքիր է, որ 4 տարի առաջ էլ էր ընդդիմությունը ավագանու ընտրություններին մասնակցում համակարգային փոփոխությունները կարգախոս դարձրած, բայց ընտրողը, միևնույն է, ընտրեց քաղաքի հարցերի լուծում խոստացող քաղաքական ուժին: Հիմա էլ գնում են տրորված ճանապարհով:

-Իսկ եթե, այնուամենայնիվ, քաղաքապետ դառնա ընդդիմադիր ուժի ներկայացուցի՞չը:
-Քաղաքապետը որ կուսակցությունից էլ լինի, նա լուծելու է այն խնդիրները, որոնք օրենքով են իրեն վերապահված. կանաչապատում, լուսավորում, աղբահանություն. ուրիշ խնդիրներով նա չի կարող զբաղվել: Կարող է ընդամենը անել ավելի լավ կամ վատ, իսկ եթե փորձ չունի` միանշանակ վատ:  Ընդդիմադիր թեկնածուն էլ գործելու է օրենքով, ու եթե անգամ օրենքը փոխելու անհրաժեշտություն առաջանա, հիշենք, որ օրենքը փոխվում է խորհրդարանում, որտեղ որոշիչը մեծամասնության ձայնով:

-Վերջերս  Րաֆֆի Հովհաննիսյանը խոսեց «Նոր Հայաստան» շարժում ստեղծելու մասին: Ինչպիսի՞ն կլինի այդ շարժումը: 
-Երբ Րաֆֆի Հովհաննիսյանը ամբողջովին պատկերացնի, ընդդիմադիրները միանան նրան, իրենք էլ պատկերացնեն, այդ պատկերացումը հրապարակայնորեն  ներկայացնեն, այդ ժամանակ էլ ես կխոսեմ դրա մասին: Իսկ իրականում, չնայած բոլորը պայքարում են Հանրապետականի դեմ, բայց ավելի դաժան պայքար է գնում ընդդիմության ներսում, ինչը ինձ թույլ է տալիս ասել, որ նրանց միանալու հեռանկարը ինձ անհավանական է թվում:

-ԲՀԿ-ն արդեն ասել է, որ չի միանալու Րաֆֆի Հովհաննիսյանի նոր շարժմանը: Այս դեպքում հնարավո՞ր է, որ ավագանու ընտրություններից հետո ԲՀԿ-ն կոալիցիա կազմի ՀՀԿ-ի հետ:
-Ես ոչինչ քաղաքականության մեջ չեմ բացառում, բայց ցանկությունը` մտնել կոլաիցիա և ունենալ նախարարություն, պետք է զուգակցվի պարտականությունների հետ: Մինչդեռ մենք այդ ճանապարհը անցել ենք ու գիտենք, որ պարտկանությունները չեն կատարում, գործում են միայն իրավունքները, ու հնչում է  քննադատությունը: Ամեն քաղաքական ուժի պետք է արժանապատվություն: Քաղաքական ուժը պետք է մտածի իր գործողությունների և դրանց հետևանքների մասին: Շատ կարևոր է, թե ինչ է մտածում հասարակությունը, ինչ գնահատական կտա: Եվ մեզ, եվ «Բարգավաճ Հայաստանին» այդ արժանապատվությունը շատ անհրաժեշտ է:

-Այսինքն, ԲՀԿ-ի համար պիտի արժանապատվությունից ցածր լինի՞ ՀՀԿ-ի հետ նորից կոալիցիա կազմելը:
-Ես կոալիցիայի բոլոր կողմերի մասին եմ ասում, բայց հիշենք հատկապես, թե ինչպիսի հասարակական սպասումներ կային նախագահական ընտրություններից առաջ: Պատկերացնու՞մ եք` այդ երկու ուժերը` ՀՀԿ-ն ու ԲՀԿ-ն, մտնեն կոալիցիայի մեջ, պատկերացնո՞ւմ եք` հասարակական գնահատականն ինչպիսին կլինի դրանից հետո:

-Բայց այդ սպասումները կային ԲՀԿ-ից, ու հիասթափությունն էլ է ԲՀԿ-ից լինելու:
-Հիասթափությունը ցանկացած քաղաքական ուժից` բերում է հիասթափության բոլոր ուժերից, մարդիկ ասում են` ուրեմն սրանց էլ պետք չէր հավատալ: Հավատի կորուստը վերածվում է հիասթափության երկրից, պետությունից ու, ի վերջո, պատճառ դառնում արտագաղթի:

-Արտագաղթի մասին խոսելիս` շատ է ասվում, որ վարչապետը իր ղեկավարած կառավարությամբ նպաստել է արտագաղթի աճին, մինչդեռ Տիգրան Սարգսյանը վերանշանակվեց իր պաշտոնում: ՀՀԿ-ում Տիգրան Սարգսյանին այլընտրանք չկա՞ր:
-Ես նախ պետք է շեշտեմ, որ Տիգրան Սարգսյանի գործիքակազմը տարբերվում է շատ ուժերի և քաղաքական լիդերների գործիքակազմից:  

՞նչը նկատի ունեք:
-Որոշ լիդերներ իրենց ձեռքի տակ ունեն կուսակցական մամուլ, ազդեցություն: Քարոզչություն են իրականացնում շատ փայլուն ձևով, բայց վարչապետի պարագայում այս դաշտը չկա:

-Այսինքն, չկա՞ն ԶԼՄ-ներ, որոնց վրա վարչապետը կարող է ազդեցություն ունենալ:
-Կամ չկան, կամ այդ ազդեցությունը շատ թույլ է: Սա չի մտնում նրա սկզբունքների կամ գործելաոճի մեջ: Բոլոր այն քաղաքական ուժերը, ովքեր վախենում են ուղիղ նախագահին քննադատելուց, սլաքը ուղղում են կամ վարչապետի դեմ կամ ընդհանուր  ձևակերպմամբ` իշխանություններին: Ի վերջո, եթե քո մրցակիցները որևիցե մեկին քո թիմից շատ են խփում, ուրեմն, կարևորում են նրան:

-Այսինքն, Տիգրան Սարգսյանին շատ խփում են, բայց ՀՀԿ-ն նրան պահում է վարչապետի պաշտոնում, որ շարունակեն խփել:
-Ոչ: Վարչապետի պաշտոնն է այդպիսին. ովքեր ուզում են նախագահին խփել, բայց վախենում են, սլաքը ուղղում են վարչապետի դեմ: Ասում են` վարչապետը թույլ է, բայց թույլի դեմ այդքան հզոր կամպանիա կծավալեի՞ն:

-Ձեր կարծիքով` մենք ունե՞նք ուժեղ վարչապետ:
-Մենք ունենք կիրթ, գրագետ, ներկայանալի վարչապետ:

-Ում այլընտրանք ՀՀԿ-ն չուներ:
-ՀՀԿ-ն այլընտրանք շատ ուներ, բայց կա համեմատություն: ՀՀ նախագահը գտել է, որ այս պահին պետք է վարչապետ վերանշանակվի Տիգրան Սարգսյանը, և մենք դա ողջունել ենք:

Քվեարկության պատմություն

Նիկոյան Սամվել Պարգեւի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Նիկոյան Սամվել «Հայաստանի հանրապետական կուսակցություն» 902 9 1 15 36 1 4
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները