Parliamnet Monitoring

  • Facebook
  • Twitter

News

Ոչ մեկն էլ մեր աչքի լույսը չէ. Գալուստ Սահակյան

Ոչ մեկն էլ մեր աչքի լույսը չէ. Գալուստ Սահակյան
Parliamentmonitoring.am-ն ամփոփում է ԱԺ գարնանային նստարշրջանի արդյունքները խորհրդարանական խմբակցությունների պատասխանատուների հետ հարցազրույցներով: Մեր զրուցակիցը Ազգային ժողովի «Հանրապետական» խմբակցության ղեկավար Գալուստ Սահակյանն է:

-Վերհսկիչ պալատի հաշտվետվության քննարկման ժամանակ մեծամասնությունը հանդես եկավ աննախադեպ ինքնաքննադատությամբ. տպավոորություն էր, թե ուզում եք ընդդիմությունից վերցնել իշխանությանը քննադատելու իրավունքը:
-Ընդդիմությունը թող խանդով չվերաբերվի: Բազմիցս հայտարարել ենք, որ կուսակցությունները նպատակներ չեն, այլ միջոցներ: Եթե քննադատելու խնդիր կա, պիտի մենք քննադատենք, եթե պատժելու խնդիր կա, պիտի մենք պատժենք: Վերջին շրջանում քաղաքական անցքերը այնպիսին են, որ պահանջում են բարելավել ոչ միայն տնտեսությունը, այլև քաղաքական միկրոկլիման:


-Ումի՞ց է կախված քաղաքական միկրոկլիմայի բարեփոխումը:
-Մեզանից: Նաև մենք պետք է նպաստենք, որ ցանկացած քաղաքական ուժ մինչև վերջ կարողանա իր ասելիքն ասի, իրացվի քաղաքականության մեջ:  

-
Այսինքն, կկարողանա՞ք նպաստել, որ ԲՀԿ-ն էլ վերջնականապես կողմնորոշվի որպես ընդդիմություն կամ իշխանություն և իրացվի քաղաքականության մեջ: 

-Մենք չենք կարող որպես դատավոր վերաբերվել քաղաքական ուժերին: ԲՀԿ-ն ասում է, որ ես ոչ իշխանության հետ եմ համագործակցում, ոչ էլ ընդդիմության հետ: Դա իրենց դիրքորոշումն է:  

-
Այդ դիրքորոշումը քաղաքական միկրոկլիմայի վրա չի՞ անդրադառնում:

-ԲՀԿ-ն փորձում է նոր ռազմավարություն մշակել, ու այս պահին հնարավոր չէ մինչև վերջ գնահատականներ տալ:  

-
ԲՀԿ-ի պառակտումը հնարավոր համարո՞ւմ եք: 

-Պառակտվելը լավ բան չէ, ու այդ մասին խոսում են նրանք, ովքեր, երևի ցանկանում են, որ դա լինի: Ցանկացած քաղաքական թիմի պառակտում շատ վտանգավոր է առաջին հերթին մեծամասնության համար, որովհետև դա ազդում է քաղաքական դաշտի վրա:

-Իսկ հնարավո՞ր է, որ պառակտումներ լինեն ՀՀԿ-ում: Այդ մասին խոսակցություններն ակտիվացան դարձյալ Վերահսկիչ պալատի հաշվետվության քննարկումից հետո:
-Այդ քննարկումը բաց քննարկում էր, ու մենք բացահայտ ասացինք, որ մեղավորները պետք է պատասխան տան: Թեժ մթնոլորտ էր:

-Այսինքն, ՀՀԿ-ում թևեր չկա՞ն` Տիգրան Սարգսյանի, Հովիկ Աբրահամյանի, Սերժ Սարգսյանի: -Թևեր կլինեն թե չէ, բոլորը նվիրյալներ են`իրենց կուսակցության նախագահին, իսկ բանավեճեր միշտ կլինեն: Թիմային պառակտումները մեզ չեն վերաբերում:
-Հինգերորդ գումարման Ազգային ժողովի գործունեության առաջին տարին ավարտվեց: Իր նախընտրական ծրագրի քանի՞ տոկոսը ՀՀԿ-ն կարողացավ իրականացնել այս ընթացքում:
-Թիվ նշել չեմ կարող: Այնպես չէ, որ ինչ մտածում կամ նախատեսում ես, տանում ես մինչև վերջ: Հընթացս նաև փոփոխություններ են լինում, ավելի օպերատիվ միջոցառումների կարիք է զգացվում: Ամեն դեպքում` ՀՀԿ խմբակցության ակտիվությունը ես գնահատում եմ բարձր, որովհետև բազմաթիվ օրենսդրական նախաձեռնություններ ենք քննարկել և օրենք դարձրել:

 -Ընդդիմադիր խմբակցությունները նույն բանն ասել չեն կարող:
-Դե, հենց դրա համար էլ ընդդիմադիր են, պիտի տարաձայնություններ ունենան:

-Խոսքը ընդդիմության օրինագծերը ընդունելու, ավելի ճիշտ` չընդունելու  մասին է:
-Ուրեմն, պիտի ավելի լավ աշխատեն, ավելի շատ ձայն ունենան: Պիտի ասեմ նաև, որ  ընդդիմադիր հատվածը խորհրդարանում ավելի շատ հանպատրաստից հարցեր է առաջ քաշում` առանց քննարկելու: Կամ` ենթադրենք, թե ընդդիմության նախագիծն ընդունվում է, դրա պատասխանը ո՞վ պիտի տա:  Իհարկե, քաղաքական ուժը: Դրա համար պետք է քննարկել քաղաքական ուժերի հետ, պիտի կարողանան քննարկման փուլ սկսել, բայց չեն անում: Խոսում են քաղաքական  հարթության մեջ ու հանդես գալիս որպես քաղաքական ընդդիմադիրներ ու ոչ թե գործընկերներ:

-Իսկ մեծամասնությունը ինչո՞ւ, որպես գործընկեր, չի նպաստում, որ ընդդիմության օրենսդրական նախաձեռնություններն էլ ընդունվեն:
-Նրանք չունեն այնպիսի նախաձեռնություններ, որ մեր ծրագրերին հարիր լինեն: Ընդդիմությունը կարող է ասել` բերեք թոշակները բարձրացնենք 100.000.  մենք պիտի դա քննարկենք և ընդունե՞նք: Կամ ասում են` ընդունենք Ղարաբաղի անկախությունը: Խելամիտ չէ: Բայց մյուս կողմից, օրինակ, դաշնակցության հետ  համատեղ նախաձեռնություններ ենք քննարկել ու ընդունել, որովհետև մարդիկ նստում, խոսում,քննարկում են, մյուսները հանպատրաստից օրենքի վերնագիր են ասում,քննարկման դաշտը չեն ստեղծում:

-Բայց, ՀՅԴ-ի հետ համագործակցությունը ստացվել է միայն ոչ առանցքային հարցերի շուրջ: Նրանց արմատական փոփոխություններ առաջարկող նախագծերն էլ չեք ընդունել:
-Բնական է, եթե քաղաքական են եղել և մեր ծրագրերին ոչ համահունչ, չպիտի ընդունեինք:

 -Ո՞րն էր, Ձեր կարծիքով, ավարտված գարնանային նստաշրջանի ամենահետաքրքիր քննարկումը:
-Վերահսկիչ պալատի հաշվետվության քննարկումը: Բոլորը կարողացան իրենց մտքերը մինչև վերջ արտահայտել, որքան քննարկումը բաց ու թափանցիկ լինի, այնքան գործընթացները վերահսկելի կլինեն:  
-Ո՞րն էր նստաշրջանում ընդունված ամենակարևոր օրենքը:  
-Ընդդիմությունը շատ է խոսում այն մասին, որ իրենց գործունեությունը ԱԺ-ում մեծամասնությանը ստիպեց ավելի ակտիվ ու ավելի սթափ լինել: Ճի՞շտ են ասում:-Ո՞վքեր են այդ լավ աշխատող ընդդիմադիր գործիչները:
-Բագրատյանը, Նիկոլը, Արծվիկ Մինասյանը, Ռուստամյանը, Աղվան Վարդանյանը:

-«Ժառանգությունից» անուն չտվեցիք:
-«Ժառանգությունը» անհասկանալի երևույթ է: «Ժառանգություն» ասվածը ԱԺ-ում երկու անձ են: Ես ասել եմ` կան քաղաքականությամբ զբաղվողներ և քաղաքական գործիչներ: Այդ երկուսը` Ռուբեն Հակոբյանն ու Զարուհի Փոստանջյանը, քաղաքականությամբ զբաղվողներ են, քաղաքականության մասնակիցներ:

Քվեարկության պատմություն

Սահակյան Գալուստ Գրիգորի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Սահակյան Գալուստ «Հայաստանի հանրապետական կուսակցություն» 886 10 0 5 62 1 21
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները