Parliamnet Monitoring

  • Facebook
  • Twitter

News

Իշխանությունը ոչ մեկի կարիքը չունի

Իշխանությունը ոչ մեկի կարիքը չունի

«Կուտակային կենսաթոշակների մասին» օրենքում փոփոխություններ առաջարկող նախագիծը մայիսի 13-ին  առաջին ընթրցմամբ ընդունվեց 67 կողմ, 12 դեմ, 35 դեմ ձայներով. կողմ քվեարկեց միայն ՀՀԿ-ն: Ձեռնպահ քվեարկած ԲՀԿ, ՕԵԿ, ՀՅԴ խմբակցությունները հայտարարեցին, թե կառավարությունը կիսաքայլ է արել, և իրենք այդ քվեարկությամբ ուզում են օգնել, որ առաջիկայում առավել ամբողջացնի իր քայլերը: «Ժառանգությունն» ու ՀԱԿ-ը դեմ քվեարկեցին: Այս քվեարկության պատճառների շուրջ է հարցազրույցը ՀԱԿ խմբակցության ղեկավար Լեւոն Զուրաբյանի հետ:

-Վերջին օրերին, երբ խորհրդարանում քննարկվում էր կուտակային կենսաթոշակի պարտադիր բաղադրիչի հարցը, տպավորությունն այնպիսին էր, թե քառյակի ներսում այս հարցի շուրջ  հակասություններ կան: Նկատի ունեմ դիրքորոշումների տարբերությունը. ՀՅԴ-ն, օրինակ, դրական շատ բան է տեսնում կառավարության նոր նախագծում, իսկ ՀԱԿ-ը այն մերժում է ընդհանրապես: Ձեր ելույթից հետո էլ Աղվան Վարդանյանը հորդորեց իրենց խրատներ չտալ: Ինչպե՞ս կազդեն այդ հակասությունները քառյակի գործունեության վրա:

-Կուտակայինի շուրջ տարաձայնություններ կան, բայց ես չեմ հասկանում այն համառությունը, որով քառյակի ամեն մի տարաձայնություն հռչակվում է քառյակի վերջ կամ թաղում: Տարաձայնություններ կան ու միշտ էլ կլինեն: Մենք հավաքվել ենք տարբեր խնդիրներ լուծելու համար, որոշները դրանցից կարողացել ենք լուծել, բայց նաև կարող են լինել տարաձայնություններ: Իսկ Դաշնակցությանը ոչ մի խրատ ՀԱԿ-ը չի տվել, բայց մենք ունենք մեր դիրքորոշումը ու այն հիմնավորում ենք:

-Այդ դիրքորոշումը քառյակի մյուս ուժերի դիրքորորշումներից, փաստորեն, տարբերվում է:

-Ես չեմ ուզում խոսել տարբերությունների մասին, որովհետև այդ դեպքում ես պիտի անդրադառնամ նաև քառյակի մյուս ուժերի դիրքորոշումներին: Ես կարող եմ խոսել կամ քառյակի միասնական դիրքորոշման, կամ միայն ՀԱԿ-ի դիրքորոշման մասին:

-ՀՅԴ-ի երեկվա ելույթից իշխանությունը եզրակացրել էր, որ խմբակցությունը նախագծին կողմ է քվեարկելու, մինչդեռ այսօր հայտարարվեց ձեռնպահ քվեարկելու մասին: Այս փոփոխությունը Ձեզ համար անսպասելի չէ՞ր:

-Ոչ մի անսպասելի բան չկար, որովհետև ՀՅԴ-ից Արծվիկ Մինասյանն արդեն ինձ ասել էր, որ խմբակցությունը քվեարկելու է ձեռնպահ: Ես չգիտեմ, թե ինչու են մարդիկ տպավորությունների վրա եզրակացություններ կայացնում: Տպավորությունները շատ հաճախ խափուսիկ են:

-Դեռ հնարավո՞ր է, որ քառյակը ստորագրահավաք անցկացնի պարտադիրի շուրջ արտահերթ հրավիրելու համար:

-Ոչ թե հնարավոր է, այլ մենք ամեն ինչ անելու ենք դրա համար: Եվ կարծում եմ` դա կլինի, որովհետև ակնհայտ է, թե ինչպես է իշխանությունը փորձում ցանկացած գնով պահել պարտադիր բաղադրիչը: Ասում են`դիմում գրեք, հրաժարվեք` լավ իմանալով, որ դրանից կօգտվի հանրության միայն ակտիվ զանգվածը, հազիվ 10-15.000 մարդ: Սա շատ ցինիկ լուծում էր, որն առաջարկել էր իշխանությունը:

-Բայց ինչպես ասաց ՀՀԿ-ական Հակոբ Հակոբյանը, այդ լուծումը բազմաթիվ մարդկանց հնարավորություն կտա ազատվել տույժերից: Դուք դրան դե՞մ եք:

-Ինչո՞ւ են ՀՀԿ-ականները այդպես կոկորդիլոսի արցունք թափում: Խնդրեմ, անցկացրեցին իրենց ուզած տարբերակը, ի՞նչ են ուզում: Ուզո՞ւմ են, որ ՀՅԴ-ի նման մյուս խմբակցություններն էլ իրենց օգնեն այդ հարցում: Բայց ինչո՞ւ պետք է օգնենք: Ես չեմ ուզում անդրադառնալ, թե որ խմբակցությունը ինչ է ուզում անել: Ասեմ միայն, որ ինչ փոփոխություն իշխանությունը անում է, անում է ճնշման արդյունքում` «Դեմ եմ»-ի, քառյակի, հանրության: Չլիներ այդ ճնշումը, մեկ քայլ անգամ իրենց արածներից հետ չէին կանգնի, իրենց մեծամասնությունով անցկացնելու էին ցանկացած քվեարկություն, իրենք որևէ մեկի օգնության կարիքը չունեն: Մեր «դեմը» նրա համար է, որպեսզի շարունակենք պահել ճնշումը իշխանության վրա, որ հետագայում էլ գնան զիջումների:

-Ասում եք` «մեր դեմը», բայց դեմ քվեարկածները ընդամենը 12-ն էին: Ի՞նչն է խանգարում, որ քառյակը ամբողջ կազմով շարունակի իր ճնշումը իշխանության վրա:

-Ես պատասխանատու եմ միայն Կոնգրեսի համար:

-Այդ դեպքում` ինչպե՞ս է քառյակը արտահերթ հրավիրելու:

-Արտահերթի մասին տարբեր պատկերացումներ կան: Մեծ հաշվով` բոլորն էլ համաձայն են, բայց ժամկետների շուրջ կան տարբերություններ: Մենք դեռ արտահերթ հրավիրելու հարցը ամբողջությամբ չենք քննարկել, միևնույն ժամանակ ուզում եմ հիշեցնել, որ չեք կարող ասել, թե քառյակը ամբողջությամբ հավանության է արժանացրել կառավարության այս նախագիծը:
Ամբողջությամբ` ոչ, բայց, օրինակ, ՀՅԴ-ն ու ԲՀԿ-ն սա համարում են կիսաքայլ:
Մենք դա կիսաքայլ չենք համարում: Դա խաբեություն է, ցինիկություն:

Քվեարկության պատմություն

Զուրաբյան Լեւոն Արամի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Զուրաբյան Լեւոն «Հայ ազգային կոնգրես» 269 159 152 82 302 69 78
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները