Parliamnet Monitoring

  • Facebook
  • Twitter

News

Կառավարության որոշումները քննարկելը կոռեկտ չէ

Կառավարության որոշումները քննարկելը կոռեկտ չէ

Հարցազրույց Ազգային ժողովի փոխնախագահ, ՀՀԿ անդամ Էդուարդ Շարմազանովի հետ:

-Սուրեն Խաչատրյանը, ում անունը կապվում է մի քանի քրեական պատմության հետ, նորից նշանակվեց Սյունիքի մարզպետ: Նշանակո՞ւմ է սա, որ ՀՀԿ-ում կադրերի պակաս կա:

-Ես կառավարության կադրային որոշումները  քննարկելը կոռեկտ չեմ համարում:

-Կուսակցության ղեկավար մարմիններում այս հարցը չի՞ քննարկվել:

-Ո՞նց չի քննարկվել, քննարկվել է: Հիմա կա կառավարության որոշումը, ու պետք է հետևել, որ բոլոր մարզպետները շատ լավ աշխատեն:

-Սուրեն Խաչատրյանը կարո՞ղ է շատ լավ աշխատել:

-Եթե կառավարությունը նշանակել է, կարծում եմ՝ այո: Ես ոչ Սուրեն Խաչատրյանի փաստաբանն եմ, ոչ էլ Սուրեն Խաչատրյանը փաստաբանի կարիք է զգում: Նրան մեղադրող եզրակացություն դատարանը, կարծեմ, չի հրապարակել, իսկ եթե որևէ հարց ունեք նրա մեղավորության հետ կապված, դիմեք դատարան:

-Պարոն Շարմազանով, կան ենթադրություններ, որ իշխանությունը Սուրեն Խաչատրյանին հենց այս օրերին նշանակեց Սյունիքի մարզպետ, որ եռյակի՝ Սյունիք այցի ժամանակ հնարավոր լինի վերահսկել իրավիճակը:

-Իշխանությունը այդպիսի խնդիր չունի: Հահավաքների անցկացումը յուրաքանչյուրի սահմանադրական իրավունքն է: Կարևոր է, ուղղակի, որ ամեն բան ընթանա կարգ ու կանոնի, քաղաքական էթիկայի սահմաններում:

-Այսինքն, հոկտեմբերի 10-ին նախատեսված հանրահավաքի ժամանակ իշխանությունը Վլադիմիր Գասպարյանի ասած «սառը ցնցուղին» չի՞ դիմի:

-Հենց որ լինի անհրաժեշտություն, այսինքն, օրենքի խախտում, սառը ցնցուղը կլինի: Ցանկացած իշխանություն, ցանկացած պետութոյւն ունի պետական կառույցներ, որոնք պետք է պաշտպանեն հասարակական կարգը: Ընդդիմություն թե իշխանություն, եթե խախտեն օրենքը, պետք է պատասխան տան:

-Ի՞նչ եք կարծում, ՀՅԴ-ն նորից կվերադառնա քառյակ, թե՞ կհամագործակցի իշխանության հետ:

-ՀՅԴ-ն ոչ մի տեղ չի գնացել: Ես որ խոսում եմ այս մասին, ասում են՝ Շարմազանովը ՀՅԴ-ին պաշտպանում է: ՀՅԴ-ն իմ պաշտպանության կարիքը չունի: 124-ամյա կուսակցություն է: Մենք կգանք,կգնանք, ՀՅԴ-ն կլինի:

-Մենք ասելով՝ նկատի ունեք ՀՀԿ-ի՞ն:

-Ես նկատի ունեմ անձամբ ինձ՝ նվաստիս, Էդուրադ Շարմազանովին: Ինչ վերաբերում է ՀՅԴ-ի՝ քառյակում լինել-չլինելուն, ասեմ՝ ՀՅԴ-ն ընդդիմություն է, քննադատել է, քննադատում է, իսկ սահմանադրական բարեփոխումների անցկացման հարցում պաշտպանում է այն, ինչի համար կռիվ է տվել 20 տարի: Անլուրջ չէ՞ր լինի, եթե ասեին՝ չէ, չենք պաշտպանում, որովհետև իշխանությունն է Սահմանադրությունը բարեփոխում: Մնացածը՝ եռյակ կլինեն, քառյակ թե հնգյակ, ինձ չի մտահոգում: Իսկ ընդհանրապես կարևոր է, որ գործընթացները քաղաքական հունով ընթանան, ազնիվ լինեն:

-Ի՞նչ նկատի ունեք:

-Նկատի ունեմ այն, որ երբ եռյակում քննադատում են ինչ-որ երևույթ, անուններ են տալիս ու ամենագլխավոր անունը չեն տալիս, ուրեմն, ազնիվ չեն ժողովրդի հետ: 2008-ին, 2009-ին, 2010-ին քննադատում էին ստվերը, օլիգարխիան, այսօր ջոկել, մի քանի անուն հանել են ու հիմա ասում են՝ սրանք վատն են: Ես էլ եմ դեմ օլիգարխիային, ստվերին, բայց եթե քննադատում ես, բոլորին քննադատիր, ոչ թե ձեռքը բռնած՝ գնա:

-Նկատի ունեք ՀԱԿ-ի՞ն:

-ՀԱԿ գոյություն ունի՞: Ես չգիտեմ, եթե ՀԱԿ-ը լիներ, Նիկոլ Փաշինյանն ու Բագրատյանը նրանց հանրահավաքներին կմասնակցեին: ՀԱԿ-ի առյուծի բաժինը դորս է եկել: Մնացել է Լևոն Տեր-Պետրոսյան քաղաքական թոշակառուն՝ մի քանիսի հետ:

-Բայց նույնիսկ այդ վիճակում իշխանությունը քննադատում է ոչ թե ԲՀԿ-ին, ՀՅԴ-ին կամ ՕԵԿ-ին, այլ հենց ՀԱԿ-ին: Ինչո՞ւ:

-Որովհետև հայհոյողը ՀԱԿ-ն է: Մենք նրանց չենք պատասխանում: Որ պատասխանենք, կկորեն:

Քվեարկության պատմություն

Շարմազանով Էդուարդ Հովսեփի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Շարմազանով Էդուարդ «Հայաստանի հանրապետական կուսակցություն» 895 9 1 4 54 12 33
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները