Parliamnet Monitoring

  • Facebook
  • Twitter

News

Այնպես չէ, որ մեկ օրում ստարտ վերցնեք ու ակտիվանանք

Այնպես չէ, որ մեկ օրում ստարտ վերցնեք ու ակտիվանանք

Parliamentmonitoring.am-ի վիճակագրության համաձայն՝ Հանրապետական խմբակցության պատգամավոր Արմեն Կարապետյանը խորհրդարանական գործունեության 1 տարվա ընթացքում ընդամենը մեկ հարց է տվել, որևէ նախագծի քննարկման ժամանակ ելույթ չի ունեցել, օրենսդրական նախաձեռնությամբ հանդես չի եկել :

Հիշեցնենք, որ Ա.Կարապետյանը մեծամասնական ընտրակարգով պատգամավոր է ընտրվել Սյունիքի թիվ 38 ընտրատարածքից 2013թ. սեպտեմբերի 29-ին՝ Սուրեն Խաչատրյանի հրաժարականից հետո Սյունիքի մարզպետ նշանակված ՀՀԿ-ական պատգամավոր Վահե Հակոբյանի փոխարեն: Մինչ այդ Ա.Կարապետյանը զբաղեցնում էր Սյունիքի մարզպետի խորհրդականի պաշտոնը, իսկ դրանից առաջ Կապանի քաղաքապետն էր:

- Պարոն Կարապետյան, նախ որպես քաղաքապետ, ապա՝ մարզպետի խորհրդական երկար տարիներ աշխատել եք Սուրիկ Խաչատրյանի հետ: Ձեր կարծիքով հատկապես Բուդաղյանների դեպքերից հետո ճի՞շտ էր նրան նորից Սյունիքի մարզպետ նշանակելը:

- Նրա նշանակումը Հանրապետական կուսակցության քաղաքական որոշում էր, նրան նշանակում է վարչապետը: Եվ վարչապետն արդեն պատասխանել է, թե ինչ չափանիշներ է հաշվի առել այդ նշանակումը կատարելիս:

- Դուք ինքներդ ճ՞իշտ եք համարում այդ նշանակումը: Չէ որ Սյունիքում Սուրեն Խաչատրյանի անվան հետ բազմաթիվ  սկանդալային պատմություններ են կապվում:

- Ես նորից եմ կրկնում՝ այդ նշանակումը վարչապետի իրավասությունների շրջանակում էր, վարչապետն իր չափանիշներն է հաշվի առել, որ նրան նշանակել է: Եղա՞վ: Ես ավարտեցի իմ ելույթը:

- Պարոն Կարապետյան, Դուք Ազգային ժողովի, այսպես ասենք, ոչ ակտիվ պատգամավորներից եք: Ինչո՞վ եք բացատրում այդ հանգամանքը:

- Ընդամենը մեկ տարի է չէ՞, որ պատգամավոր եմ աշխատում:

- Այո, բայց այդ ընթացքում քննարկվող օրինագծերի վերաբերյալ որևէ հարց, կարծիք, առաջարկ չե՞ք ունեցել:

- Անցած օրը ես մի հարց բարձրացրել եմ: Եվ գիտեք, դժվար է այդպես միանգամից աշխատանքային փուլի մեջ մտնել: Ես երկար տարիներ գործադիր ոլորտում եմ աշխատել: Գործադիրից միանգամից  օրենսդիր տեղափոխվելը հեշտ չէ, այնպես չէ, որ միանգամից մտնես ու սկսես աշխատել: Ժամանակ է պետք, բայց այն, ինչ հնարավոր է, ձեռնարկում ենք: Եվ հետագայում ամեն ինչ ավելի ակտիվ կլինի:

- Այսինքն հետագայում օրենքի նախագծե՞ր կգրեք, ելույթնե՞ր կունենաք:

- Նախապատրաստվում ենք դրան:

- Փաստորեն հիմա Ձեզ համար Ազգային ժողովում աշխատելը դժվար է:

- Չէի ասի, թե դժվար է: Օրենսդիրում մեկ տարին էլ, երկու տարին էլ քիչ է, դու պետք է ինֆորմացվես, կանոնակարգվես: Այնպես չէ, որ մեկ տարվա ընթացքում մի քանի օրենք նախատեսես ու գրես: Այստեղ պատգամավորներ կան, որ 10 տարի աշխատում են ու նոր-նոր են օրինագծեր ներկայացնում:

- Ո՞ր պատգամավորներին նկատի ունեք:

- Գնացեք, ինքներդ ստուգեք:

- Իսկ Ձեզ ավելի շատ ո՞ր ոլորտն է հոգեհարազատ, ո՞ր խնդիրների վերաբերյալ եք պատկերացնում Ձեր օրենսդրական նախաձեռնությունները:

- Օրենսդրական դաշտում ինձ ավելի շատ հետաքրքրում են տարածքային կառավարման և ինքնակառավարման խնդիրները, որովհետև ես ինքս եղել եմ համայնքի ղեկավար: Այս ոլորտն ինձ համար բավականին հետաքրքիր է, և ես ակտիվ ներդրում կունենամ այդ բնագավառի օրենսդրական կարգավորումներում: Հետաքրքիր է համայնքներին հատկացվելիք դոտացիայի բանաձևի փոփոխության խնդիրը: Ես ընտրվել եմ սահմանամերձ գոտուց, ինձ հետաքրքիր են սահմանամերձ գոտու հետ կապված օրենսդրական փոփոխությունները, ընդհանրապես համայնքային աշխատանքին վերաբերող խնդիրները:

- Այդ դեպքում ե՞րբ եք պատրաստվում ակտիվանալ, Ձեր նշած խնդիրներին վերաբերող օրենսդրական առաջարկներ ներկայացնել:

- Այնպես չէ, որ մեկ օրում ստարտ վերցնենք ու ակտիվանանք: Օրեցօր ես ինձ ավելի վստահ եմ զգում, նախապատրաստվում եմ, ու սա կօգնի հետագայում ակտիվացնել իմ աշխատանքը:

Քվեարկության պատմություն

Կարապետյան Արմեն Սերյոժայի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Կարապետյան Արմեն «Հայաստանի հանրապետական կուսակցություն» 668 6 1 36 36 8 2
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները