Parliamnet Monitoring

  • Facebook
  • Twitter

News

Իրավունքների սահմանափակում՝ ջենտլմենական համաձայնությամբ

Իրավունքների սահմանափակում՝ ջենտլմենական համաձայնությամբ

Հարցազրույց ԱԺ ՀՀԿ խմբակցության պատգամավոր Սամվել Ֆարմանյանի հետ:

-Նախօրեին, երբ խոսեցիք ընդդիմության և մեծամասնության հարցեր տալու և հայտարարություններ անելու հնարավորության մասին, ԲՀԿ-ական Նաիրա Զոհրաբյանը դրա հետևում ԱԺ կանոնակարգը փոփոխելու միջոցով ընդդիմության իրավունքները սահմանափակելու մտադրություն տեսավ: Մեծամասնությունը իսկապե՞ս ունի այդպիսի մտադրություն:

-Իմ ասածի մեջ թաքնված ոչ մի ուղերձ չկար: Այդպիսի ուղերձ տեսնողները շտապեցին: Ես ընդամենը իմ մտահոգությունն եմ հայտնել: Այսօր հայտարարարություններ անելու և կառավարությանը հարցեր տալու առաջնահերթությունը ընդդիմությանն է: Տրամաբանությունը ճիշտ է, բայց արդյունքում ստացվում է, որ հաճախ մեծամասնությունն է այդ հնարավորությունից զրկվում: Ես խոսել եմ առանց ԱԺ կանոնակարգը փոփոխելու, առանց ընդդիմության քաղաքական իրավունքները ոտնահարելու, ջենտլմենական համաձայնությամբ հարցը քննարկելու և լուծում գտնելու մասին:

-Բայց ՀՀԿ-ն այդ լուծումը կարծեք գտել էր. կառավարության հետ վերջին երկու հարցուպատասխանը գրեթե ամբողջությամբ կազմված էր ՀՀԿ-ի գրավոր հարցերից, և ընդդիմությունը զրկվեց հարցի և հայտարարության հնարավորությունից:

-Մենք՝ որպես մեծամասնություն, կարող ենք ներկայացնել այդպես վարվելու մեզ ձեռնտու հիմնավորումները, ընդդիմությունը՝ իրենը. երկուս էլ ճիշտ կլինեն, բայց կլինեն նաև սխալ: Խորհրդարանական մեծամասնությունը կարող է գրավոր հարցեր ներկայացնելու բազմաթիվ պատճառներ ունենալ, ու ստացվում է, որ ընդդիմությունը չի օգտվում իր իրավունքից: Մենք էլ՝ մեծամասնության պատգամավորներս, հաճախ ունեցել ենք հրատապ հարցեր, որոնք չենք կարողացել հնչեցնել, որովհետև ընդդիմությունը օգտվել է բանավոր հարց տալու իր իրավունքից: Իմ ասածն ընդամենը և ընդդիմության, և իշխանության իրավունքը չոտնահարելուն է վերաբերում: Ընդառաջ կգնան առաջարկիս՝ լավ, չեն գնա՝ ես՝ որպես մեծամասնականով ընտրված պատգամավոր, իմ ճանապարհը կգտնեմ:

-Իսկ Դուք ինչպե՞ս եք պատկերացնում այդ ջենտլմենական համաձայնությունը ընդդիմության և իշխանության միջև:

-Ընդդիմադիր խմբակցությունների ղեկավարները, օրինակ, կարող են պայմանավորվել, որ հնչեցնելու են ոչ թե 3-ական հարց,ինչպես սահմանում է օրենքը, այլ 1 կամ 2:

-Բայց դա էլ, թեկուզ առանց օրենքում ամրագրելու, կդառնա ընդդիմության իրավունքների սահմանափակում:

-Ընդդիմության իրավունքների սահմանափակումները փնտրեք այլ աշխատասենյակներում, դա ինձ հետ կապ չունի:

-Կարո՞ղ է նկատի ունեք ԱԺ նախագահի աշխատասենյակը:

-ԱԺ նախագահին կարող եք 100 այլ հարցերում քննադատել, բայց ոչ անհանդուրժողականության մեջ: Գուցե բացառություն լինում է, բայց դա պահի թելադրանք է:

-Համամի՞տ եք Նաիրա Զոհրաբյանի այն գնահատականի հետ, թե մեծամասնության գրավոր հարցերը ու դրանց՝ կառավարության տված պատասխանները կրկնում են միմյանց՝ «տերևը կանաչ է», «այո, տերևը կանաչ է» տրամաբանության մեջ:

-Զոհրաբյանը, ինչպես միշտ, դիպուկ է արտահայտվում, բայց ափսոս, որ նրա ասածից տպավորություն ստացվեց, թե միայն մեծամասնությունն է նման հարցեր տալիս: Իրենք էլ են այդպիսի հարցեր տալիս՝ և կանաչ, և վարդագույն տերևների մասին:

Քվեարկության պատմություն

Ֆարմանյան Սամվել Ժորայի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Ֆարմանյան Սամվել «Հայաստանի հանրապետական կուսակցություն» 727 8 4 17 209 31 31
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները