Parliamnet Monitoring

  • Facebook
  • Twitter

News

Չեմ կարծում, որ կատարվածը Մհեր Սեդրակյանի քաղաքական վարքի բնութագիրն է

Չեմ կարծում, որ կատարվածը Մհեր Սեդրակյանի քաղաքական վարքի բնութագիրն է
 Հարցազրույց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանի հետ -Ինչպե՞ս եք գնահատում  խորհրդարանի աշխատանքը աշնանային նստաշրջանիօ ընթացքում: -Շատ արդյունավետ: Արդյունավետ էին ոչ միայն մշտական հանձնաժողովների աշխատանքները, այլ նաև ամբողջ խորհրդարանի առօրյան: Բավական հագեցած էր խորհրդարանի աշխատանքային օրակարգը, տարբեր հասարակական ու քաղաքաիական կազմակերպությունների հետ  համագործակցությունը: Կարծում եմ՝ սա շատ լավ սկիզբ էր, որ խորհրդարանն իր գործառույթներն իրականացնի բարձր մակարդակով: -Գործնականում, պարոն Զաքարյան, ինչպե՞ս է արտացոլվել ԱԺ-ի արդյունավետությունը: -Ընդունվել են օրենքներ, վավերացվել են միջազգային պայմանագրեր, կազմակերպվել  են հրապարակային քննարկումներ և դեբատներ, բարձրացվել են հանրային նշանակության խնդիրներ, որոնց վրա կառավարության ուշադրությունն է հրավիրվել, իրականացվել է վերահսկողություն կառավարության գործունեության, բյուջետային գործընթացի, նկատմամբ: Այսինքն,  խորհրդարանական գործունեություն, բայց  ոչ թե պասիվ, այլ ակտիվ ձևով: -Parliamentmonitoring.am-ի վիճակագրության համաձայն՝ Ազգային ժողովի կողմից ընդունված օրենքների գերակշիռ մասը կառավարության նախաձեռնություններ են: Սա  նորմա՞լ  եք համարում: -Կառավարությունը հայտարարել է բարեփոխումների իրականացման իր քաղաքականության մասին, և բարեփոխումների մեծ մասը օրենսդրական դաշտին վերաբերող աշխատանք է, և այո,  կառավարությունն ունի մեծ թվով հեղինակած օրենքներ: Սա նորմալ է, և բոլոր երկրներում էլ այդպես է: -Խորհրդարանական ընդդիմադիր խմբակցությունները նմուշի համար անցկացրած որևէ օրինագիծ չունեն, այդ դեպքում հարց է առաջանում Ձեր՝ իշխանությունների ինչի՞ն է պետք ընդդիմությունը ԱԺ-ում: -(Ծիծաղում է) Մեզ չի պետք, հասարակությանն է պետք, ժողովրդին է պետք, որովհետև ժողովրդի ընտրությունն այդպիսինն է. միշտ ընտրության արդյունքում ձևավորվում է քաղաքական մեծամասնություն և փոքրամասնություն, մեկի անունը դնում են իշխանություն, մյուսինը՝ ընդդիմություն: Ընդդիմությունը նրա համար է, որ ոչ թե օրենքի նախագիծ անցկացնի, այլ  որ պայքարի իր ծրագրերի համար, որ կարողանա դառնալ հավասարակշռող  և զսպող օղակ, որ կարողանա վեր հանել այն խնդիրները, որոնք հուզում են հասարակությանը և իշխանության ուշադրությունը հրավիրել այդ խնդիրների վրա: Իսկ օրենդրական նախաձեռնություններով հանդես գալը յուրաքանչյուր պատգամավորի իրավունքն է՝ անկախ նրանից ընդդիմություն է, թե իշխանություն: Եվ այդ պարագայում չպետք է դիտարկել ընդդիմության կամ իշխանության նախագիծ, այլ պետք է դիտարկել պատգամավորի կամ պատգամավորների նախագիծ: Իսկ քաղաքական մեծամասնությունը կամ իր հավանությունը տալիս է, կամ չի տալիս: Չի կարելի եզրակացնել, որ ընդդիմություն է դրա համար էլ որևէ նախագիծ չկարողացավ անցկացնել: Քաղաքական փոքրամասնություն է և պետք է իր կարողությունները գնահատի խորհրդարանում, և ես չեմ կարծում, որ իշխանական մեծամասնության պատգամավորները հատուկ դիրքորոշում են որդեգրել չընդունել ընդդիմության նախագծերը: -Լավ, պարոն Զաքարյան, այս Ազգային ժողովը որակապես որքանո՞վ է բարձր նախորդից  կամ  արդյոք բա՞րձր է: -Ես այս գումարման Ազգային ժողովում ավելի շատ մասնագիտական ներուժ եմ տեսնում: Դա նաև իմ սուբյեկտիվ ցանկությունն է, որ այդպիսին լինի: Բոլոր պատգամավորներն էլ, այդ թվում նաև ես, մասնագիտական կարողությունները հզորացնելու անհրաժեշտություն ունենք: Այս գումարման Ազգային ժողովը շատ բարձր ներուժ ունի, և ես համոզված եմ, որ հաջորդ տարիներին ավելի բարձր ու կայացած պառլամենտարիզմի գործունեություն է  իրականացվելու: -Դուք մասնագիտական ներուժ ասելով նկատի ունեք նաև խորհրդարանական ընդդիմությա՞նը: -Այո, բոլոր 131 պատգամավորներին: -Պարոն Զաքարյան, իսկ օրինակ, ձեր խմբակցության պատգամավոր Մհեր Սեդրակյանի  (Թոխմախի Մհեր) վարքը լրագրողի նկատմամբ որակական բաց չե՞ք համարում: Գիտեք, որակական բաց չեմ համարում, որովհետև միջանձնային հարաբերությունների դաշտից է, և միանալով իմ բոլոր գործընկերներին ափսոսանք եմ հայտնում: Չեմ կարծում, որ կատարվածը Մհեր Սեդրակյանի քաղաքական վարքի բնութագիրն է: Ոչ, ուղղակի տարբեր իրավիճակներում լինում են տարբեր հոգեվիճակներ: Ցավում եմ, որ նման բան է տեղի ունեցել, բայց միաժամանակ պետք է ասեմ, որ Մհեր Սեդրակյանի քաղաքական գործունեությունը դրանով չպետք է պայմանավորել: ախագահական ընտրություններից հետո, ի՞նչ եք կարծում, խորհրդարանում ուժերի վերադասավորումներ կլինե՞ն: -Կարծում եմ՝ մեծ վերադասավորումներ չեն լինի: -Ամենամեծ քաղաքական միավորումը՝ Հայ Ազգային կոնգրեսը,  բոյկոտում է նախագահական ընտրությունները: Ինչպե՞ս կմենկաբանեք  այդ որոշումը: -Ես չեմ կարծում, որ ընտրությունը բոյկոտելը քաղաքական գիծ է, որովհետև որևէ մեկը ընտրություն բոյկոտելու պատճառ չունի: Պատճառները այլ կարող են լինել՝ չկան համապատասխան թեկնածուներ, ովքեր կարող են առաջնորդին հատուկ հնարավորություններ ունենալ, չկա համապատասխան ռեսուրսը և քաղաքական վստահություն հասարակության մոտ: Ժամանակի ու տարածության մեջ քաղաքական ռեսուրսը սպառվում է, և եթե նոր ռեսուրս չես ներգրավում, թուլանում ու նվազում են հնարավորությունները: Այդ որոշումը քաղաքական որոշ պատճառներ է ունեցել և դրա անունը բոյկոտ դնել չի կարելի: Ես չեմ կարծում, որ դա բոյկոտ է, ուղղակի քաղաքական ու հանրային համապատասխան հեղինակության պակաս է: -Փետրվարի 18-ի նախագահական ընտրություններին  առաջադրված տասնյակ թեկնածուների շարքում հանրապետական թեկնածուին մրցակից տեսնո՞ւմ եք: -Մենք, որպես քաղաքական ուժ, ուշադրությամբ ու հարգանքով  ենք վերաբերվում   մրցակից թեկնածուների նախընտրական ծրագրերին, նրանց գործունեությանը : Այսպես թե այնպես մրցակցություն լինելու է, և խնդիրը մրցակցության ծավալների մեջ է: Գաղտնիք չէ, որ ունենք բազում չլուծված խնդիրներ, և նախագահական այս ընտրությունները հնարավորություն են ստեղծելու մասնակից թեկնածուների դիրքորոշումները հստակեցնել այդ խնդիրների լուծման ուղղությամբ: Հաշվի առնելով հասարակության շրջանում տիրող տրամադրությունները, քաղաքական իրավիճակը, կատարված աշխատանքները ՝ ես կարծում եմ, որ մենք լիարժեք հնարավորություն ունենք, որ մեր կուսակցության ղեկավարը երկրորդ անգամ ևս հնարավորություն ստանա ղեկավարել երկիրը:          
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները