Parliamnet Monitoring

  • Facebook
  • Twitter

News

Վահրամ Բաղդասարյան. «Որ 30-35% ձայն հավաքենք, վա՞տ է»

Վահրամ Բաղդասարյան. «Որ 30-35% ձայն հավաքենք, վա՞տ է»

Հարցազրույց Ազգային ժողովի «Հանրապետական» խմբակցության ղեկավար Վահրամ Բաղդասարյանի հետ

-Վանաձորի ավագանու երկրորդ նիստը ևս քվորում չլինելու պատճառով տապալվեց: Մամուլն օրերս գրել էր, թե հանրապետության նախագահը Ձեզ մեկ շաբաթ ժամանակ է տվել այս խնդրի կարգավորումը գտնելու համար: Համապատասխանո՞ւմ է սա իրականությանը:

-Բնականաբար, ոչ: Դա ընդամենը մամուլը առավել հետաքրքիր դարձնելու հնարք է: Նման խոսակցություն չի կարող լինել: Ես նման բանով չեմ զբաղվում, և որևէ հանրապետականի նման բան չի ասվել:

-Բայց չկա՞ մտահոգություն, որ Վանաձորում ավագանու նիստերի շարունակական տապալումները կարող են խնդիր դառնալ քաղաքի համար:

-Իհարկե, կա: Բայց դրա պատասխանատուն որոշ քաղաքական ուժեր են, որոնք իրենց մանր շահերը առաջ տանելու համար ցանկանում են պարալիզացնել քաղաքը: Նրանք չեն գիտակցում, որ մեղքի տակ են գցում ավագանու անդամներին, որոնք ընտրվել են քաղաքի խնդիրները լուծելու, բյուջեն հաստատելու ու ոչ թե երևանյան քաղաքական ինտրիգները առաջ տանելու համար:

-Լավ, բայց Դուք ինչպե՞ս եք պատկերացնում այս խնդրի լուծումը, ի՞նչ պետք է լինի:

-Իրենք պետք է գիտակցեն պահի լրջությունը: Վանաձորցիների համբերության բաժակը կարող է լցվել:

-Բաժակը որ լցվի, ի՞նչ կլինի, ինչ-որ հակաքա՞յլ կարվի:

-Հակաքայլ չի լինելու: Կլինի այն, ինչ օրենքն է թույլ տալիս: Թող նոր ընտրություն անցկացվի, ի՞նչ է պատահել, անհանգստանո՞ւմ են: «Հանրապետականը» բացարձակ անհանգիստ չէ:

-Բայց այսպես ասած՝ գլոբալ առումով ՀՀԿ-ն այս ընտրություններից հետո անհանգստանալու պատճառներ չունի՞:

-Բացարձակ. մենք ինչ նախատեսել էինք՝ 30-35%, ունեցել ենք, դեռ մի բան էլ ավելին, գերազանցել ենք: Մենք ընտրությունների արդյունքից եղել ենք գոհ ու չենք ձգտել 50%-ի:

-Իսկ առաջիկա խորհրդարանական ընտրություններում ՀՀԿ-ն քանի՞ տոկոս ձայն է նախատեսում ստանալ:

-Մոնիտորինգ կանենք, այն ժամանակ կասենք: Ի՞նչ է, որ լինի 30-35%, վա՞տ է:

-Բայց նախորդ ընտրություններից առաջ Սերժ Սարգսյանը ասել էր՝ որքան ուզենք, այնքան կխփենք, այսինքն, այնուամենայնիվ, իրավիճա՞կ է փոխվել:

-Մենք առայժմ ոչինչ չենք կանխատեսել: Ընտրությունները ավելի մոտ կլինեն, իրավիճակը կվերլուծենք, կտեսնենք:

-Նոյեմբերի 26-ին տեղի է ունենալու ՀՀԿ համագումարը. սպասվում է, որ դրա ընթացքում կուսակցության ներսում լուրջ փոփոխություններ նախանշող որոշումներ են կայացվելու: Կարդարացվե՞ն այդ սպասումները:

-Մեր յուրաքանչյուր համագումարից էլ սպասելիքներ եղել են: Ես ուղղակի չեմ հասկանում, թե ինչու են այս անգամ այսքան շատ խոսում այդ մասին:

-Գուցե առիթը նոր վարչապետն է: Հնարավո՞ր է, որ նա ու իր հետ եկած նախարարները այս համագումարում դառնան ՀՀԿ-ի անդամ:

-Վարչապետը մեր թիմից է՝ անկախ նրանից հանրապետական է թե ոչ: Ի վերջո, մեր խմբակցությունում կան 7 այլ ուժերի ներկայացուցիչներ, ու ամենևին պարտադիր չէ, որ նրանք դառնան ՀՀԿ-ական:

-Բայց Կարեն Կարապետյանը անկուսակցական է, նա այլ ուժի ներկայացուցիչ չէ:

-Մեր խմբակցությունում կան նաև անկուսակցականներ, չե՞նք կարողանում միասին աշխատել: Կարողանում ենք, չէ՞:

-Պարոն Բաղդասարյան, Ձեր խմբակցության անկուսակցականները իրենց օրենսդրական գործունեությամբ ամենաաննկատ պատգամավորներն են, նրանց ու գործադիրի ղեկավարի անկուսակցական լինելը նո՞ւյնն է:

-Կարեն Կարապետյանը կարող է դառնալ ՀՀԿ-ական, կարող է և չդառնալ: Կարևորը գործն է: Դեռ մեկ-երկու ամիս է անցել, սպասենք, որ տեսնենք նաև արդյունքը:

Քվեարկության պատմություն

Բաղդասարյան Վահրամ Վաղինակի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Բաղդասարյան Վահրամ «Հայաստանի հանրապետական կուսակցություն» 920 7 2 4 31 22 49
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները