Parliamnet Monitoring

  • Facebook
  • Twitter

News

Վահրամ Բաղդասարյան. «Որ 30-35% ձայն հավաքենք, վա՞տ է»

Վահրամ Բաղդասարյան. «Որ 30-35% ձայն հավաքենք, վա՞տ է»
Հարցազրույց Ազգային ժողովի «Հանրապետական» խմբակցության ղեկավար Վահրամ Բաղդասարյանի հետ

-Վանաձորի ավագանու երկրորդ նիստը ևս քվորում չլինելու պատճառով տապալվեց: Մամուլն օրերս գրել էր, թե հանրապետության նախագահը Ձեզ մեկ շաբաթ ժամանակ է տվել այս խնդրի կարգավորումը գտնելու համար: Համապատասխանո՞ւմ է սա իրականությանը: 

-Բնականաբար, ոչ: Դա ընդամենը մամուլը առավել հետաքրքիր դարձնելու հնարք է: Նման խոսակցություն չի կարող լինել: Ես նման բանով չեմ զբաղվում, և որևէ հանրապետականի նման բան չի ասվել:

-Բայց չկա՞ մտահոգություն, որ Վանաձորում ավագանու նիստերի շարունակական տապալումները կարող են խնդիր դառնալ քաղաքի համար:

-Իհարկե, կա: Բայց դրա պատասխանատուն որոշ քաղաքական ուժեր են, որոնք իրենց մանր շահերը առաջ տանելու համար ցանկանում են պարալիզացնել քաղաքը: Նրանք չեն գիտակցում, որ մեղքի տակ են գցում ավագանու անդամներին, որոնք ընտրվել են քաղաքի խնդիրները լուծելու, բյուջեն հաստատելու ու ոչ թե երևանյան քաղաքական ինտրիգները առաջ տանելու համար:
Մանրամասն
13/11/2016

Ֆինանսների նախարարը` Հայաստանի տնտեսության և ֆուտբոլի դաշտի նմանության մասին

Ֆինանսների նախարարը` Հայաստանի տնտեսության և ֆուտբոլի դաշտի նմանության մասին
Ազգային ժողովի մշտական հանձնաժողովների համատեղ նիստերում ավարտեցին 2017թ. բյուջեի նախագծի քննարկումները: Պատգամավորները կարծում են, որ ներկայացված նախագիծը զարգացում ապահովող փաստաթուղթ չէ . այն հաջորդ տարվա համար ընդամենը 3,2 տոկոս տնտեսական աճ է նախատեսում, իսկ հարկային եկամուտները նախորդ տարվա համեմատ ավելանում են միայն 24 մլրդ դրամով:

Parliamentmonitoring.am-ի զրուցակիցը ֆինանսների նախարար Վարդան Արամյանն է:

- Պարոն Արամյան, համաձա՞յն եք գնահատականին, որ 2017թ. բյուջեն ոչ թե տնտեսության զարգացում, այլ ընդամենը գոյատևում ապահովող փաստաթուղթ է:

- Որպեսզի զարգացում ունենանք, նախ պետք է տնտեսվարողների համար կանխատեսելի պայմաններ ստեղծենք: Դա մակրոտնտեսական կայունությունն է, որի բացակայության դեպքում զարգացման ինչ ծրագիր էլ ունենաս, դատապարտվելու է ձախողման: Մեր գերնպատակն է, որ առաջիկա տարիներին ստեղծենք հարկաբյուջետային կոնսոլիդացիա, որն էլ կբերի պարտքի կայունության: Եթե դա ապահովում ենք, նշանակում է` ազդում ենք տնտեսվարողների վարքագծի վրա: Հակառակն այն քաղաքականությունն է, որի արդյունքում շատ ավելի արագ աճում է պարտքի բեռը, քան` տնտեսությունը: Իհարկե, երբեմն ստիպված ես լինում նաև այդպես անել, բայց այդ գործիքը կարող ես օգտագործել մեկ-երկու տարի, բայց ոչ անվերջ:
Մանրամասն
08/11/2016

Հ. Բագրատյան. Հաջորդ տարվա բյուջեն ոչ մի լարում չի պահանջում

Հ. Բագրատյան. Հաջորդ տարվա բյուջեն ոչ մի լարում չի պահանջում
Parliamentmonitoring.am-ի զրուցակիցը ԱԺ ՀԱԿ խմբակցության պատգամավոր, նախկին վարչապետ Հրանտ Բագրատյանն է:

- Պարոն Բագրատյան, իշխանություններն ասում են, թե օրերս ներկայացված և խորհրդարանի հավանությանն արժանացած ծրագրով կառավարությունն իր առջև հավակնոտ խնդիրներ է դրել: Ձեր կարծիքով 2017թ. բյուջեի նախագծում արտացոլվա՞ծ են այդ խնդիրները:

- Ծրագրում նոր բաներ կային, հավակնոտ նպատակներ` նույնպես: Բայց ամբողջ խնդիրն այն է, թե ինչպես եք կարողանում հավակնոտ ծրագիր իրագործել, իսկ բյուջեում դա չարտացոլել:

- Ի՞նչն էր հավակնոտ, որը բյուջեում չի արտացոլվել:

- Ծրագրում կա համահայկական ներդրումային հիմնադրամ ստեղծելու վերաբերյալ մի շատ ճիշտ կետ: Մենք բյուջեում արդեն պետք է տեսնեինք տնտեսության վրա դրա արդյունքը: Կամ՝ մենք բյուջեում պիտի տեսնեինք, որ կտրուկ բարձրացնում ենք ներքին պարտքը: Արտաքին պարտքը մեծացնելու փոխարեն կարելի էր ներքին պարտքն ավելացնել: Դա տնտեսության ֆինանսավորման ճիշտ եղանակ է:
Մանրամասն
02/11/2016

Մ. Մելքումյան. Ի՞նչ երաշխիք, որ այս կառավարությունն էլ նախորդների նման չի տապալվի

Մ. Մելքումյան. Ի՞նչ երաշխիք, որ այս կառավարությունն էլ նախորդների նման չի տապալվի
Հարցազրույց ԱԺ ԲՀԿ խմբակցության անդամ Միքայել Մելքումյանի հետ: 

- Պարոն Մելքումյան, ինչպե՞ս եք գնահատում Կարեն Կարապետյանի կառավարության ծրագիրը:

- Սա կարելի է համարել տնտեսական բնույթի միջոցառումների ծրագիր: Ժամանակին ես նույնպես ասում էի, որ պետք է պարզ քայլերով ցույց տալ գործողությունների պլանը, թե մեկ կամ չորս ամսում ինչ է պետք անել: Այդ առումով ծրագիրն արժեվորում եմ: Բավական դրական քայլեր են նշվել՝ պարզեցնել, աջակցել, քննարկել, վերլուծել բիզնեսի խնդիրները: Այդ քայլերը հանգեցնելու են տնտեսության առկա վիճակի՝ ստատուս քվոյի ջարդմանը: Իսկ դա իր հերթին բերելու է այդ ստատուս քվոն կրողների հակազդեցությանը: Ունի՞ արդյոք կառավարությունն այն քաղաքական պաշտպանությունը, այն քաղաքական հենարանը, որ հակազդեցության դեպքում կարողանա առաջ շարժվել: Սա է խնդիրը:
Մանրամասն
23/10/2016

Խաչատուր Քոքոբելյան. Կառավարության ծրագիրը պիտի հստակ փոփոխություններ ու ժամկետներ բովանդակի

Խաչատուր Քոքոբելյան. Կառավարության ծրագիրը պիտի հստակ փոփոխություններ ու ժամկետներ բովանդակի
Հարցազրույց ԱԺ պատգամավոր, «Ազատ դեմոկրատներ» կուսակցության նախագահ Խաչատուր Քոքոբելյանի հետ

-Հոկտեմբերի 14-ին Երևանում անցկացվեց ՀԱՊԿ հերթական գագաթնաժողովը՝ անդամ երկրների ղեկավարների մասնակցությամբ: Հայաստանի սպասելիքները այս ժողովից չարդարացան: Ինչո՞ւ: 

-Ես, իհարկե, կուզեի, որ հակառակը լիներ, չնայած մեր կուսակցությունը, ինքս անձամբ չենք կարծում, թե ՀԱՊԿ-ը կարող է ծառայել Հայաստանի անվտանգության ապահովմանը: Ուզում եմ հիշեցնել, որ ռուսական մամուլում հստակ խոսվել էր ՀԱՊԿ ռազմավարության մասին՝ մինչև 2025 թվականը, և Ռուսաստանի արտգործնախարարության հատուկ հանձնարարություններով դեսպան Վասիլևը ԻՆՏԵՐՖԱՔՍ-ին տեսակետ էր հայտնել, որ այդ ռազմավարությամբ պայմանավորված՝ Երևանում կայանալիք գագաթնաժողովում կառաջարկեն, որ ՀԱՊԿ-ը, որպես թիրախ, որպես սպառնալիք անդամ երկրներին՝ հստակեցնի ՆԱՏՕ-ի և Միացյալ նահանգների հակահրթիռային պաշտպանության համակարգի հետ կապված խնդիրը: Խոսքը Լեհաստանում և Ռումինիայում տեղակայված համակարգերի մասին է: Այդ առաջարկությունը արվեց, ու դա չի բխում Հայաստանի և մյուս երկրների շահերից: Այս թիրախավորմամբ մենք դառնում ենք ՌԴ- արևմուտք հակասության հետևանքների կրողը: Սա այդ գագաթնաժողովի՝ Հայաստանի համար ոչ նպաստավոր դրսևորումներից է, որի մասին այդքան էլ շատ չի խոսվում:
Մանրամասն
18/10/2016

Հակակոռուպցիոն կառույցի ղեկավարումը կտրվի՞ ընդդիմությանը

Հակակոռուպցիոն կառույցի ղեկավարումը կտրվի՞ ընդդիմությանը
- Տիկին Հովհաննիսյան, պատգամավորները հարց են բարձրացնում, որ եթե մինչև հիմա տեղի ունեցած ապօրինի հարստացումն այս նախագծերով պատասխանատվության դաշտ չի բերվում, ուրեմն կոռուպցիայի դեմ կառավարության նախաձեռնած պայքարը կիսատ և թերի է:

- Եկեք այս փաթեթի արժեքը չթերագնահատենք այդ հանգամանքով: Օրենքի հետադարձ ուժ չունենալը պայմանավորված է ոչ թե մեր կամքով, այլ ` Սահմանադրությամբ և միջազգային պայմանագրերով: Մենք այս փուլում ենք որոշել լուծել այդ խնդիրը, և դրանից նախագծի արժեքը չի նվազում: Այնպես որ` նախագծերը որքան շուտ կյանքի կոչվեն, այնքան լավ:
Մանրամասն
13/10/2016

Էլինար Վարդանյան. Մեր կուսակցությունը ոչ մեկից ոչինչ չի խնդրել և չի ակնկալել

Էլինար Վարդանյան. Մեր կուսակցությունը ոչ մեկից ոչինչ չի խնդրել և չի ակնկալել
Հարցազրույց ԱԺ ԲՀԿ խմբակցության պատգամավոր, «Համախմբում» կուսակցության անդամ Էլինար Վարդանյանի հետ

-Մամուլը գրում է, որ Գագիկ Ծառուկյանը հանդիպել է ԲՀԿ անդամների հետ, և քննարկվել է նրա վերադարձի հարցը: Դուք չե՞ք ափսոսում, որ շատպեցիք ու դուրս եկաք կուսակցությունից: 

-Ես այդ տեղեկատվությանը տիրապետում եմ այնքան, որքան դուք, այդ մասին գիտեմ մամուլից: Ինչ վերաբերում է ափսոսալ դուրս գալուն, հիշեցնեմ, որ ինձ կուսակցությունից հեռացրել են, որովհետև ես անհամաձայնություններ ունեի կուսակցության հետ, հետևաբար, այստեղ խնդիրը իմը չէ: 

-Հավանական համարո՞ւմ եք Ծառուկյանի վեադարձը:

-Ես զերծ կմնամ որևէ գնահատական հնչեցնելուց: Իրադարձությունները ցույց կտան, թե ինչպիսի զարգացումներ կլինեն:
Մանրամասն
08/10/2016

Գ. Ջհանգիրյան. Կառավարությունը համաներում է մինչ այժմ տեղի ունեցած ապօրինի հարստացումը

Գ. Ջհանգիրյան. Կառավարությունը համաներում է  մինչ այժմ տեղի ունեցած ապօրինի հարստացումը
- Կառավարությունը խորհրդարան է ներկայացրել Քրեական, Քրեադատավարական օրենսգրքերում և մի քանի այլ օրենքներում փոփոխություններ նախատեսող նախագծեր: Սա հակակոռուպցիոն պայքարի շրջանակներում գործադիրի խոստացած օրենսդրական առաջին փաթեթն է: Ձեր կարծիքով այս նախաձեռնությունը կկասեցնի՞ ՀՀ պաշտոնյանների կողմից իրենց հայտարարագրերում ոչ ճիշտ տվյալներ ներկայացնելու ավանդույթը:

- Հայաստանում ավելի քան տասներկու տարի պաշտոնատար անձինք գույքի ու եկամուտների հայտարարագրեր են ներկայացնում: Սկզբում դրանք ներկայացվում էին հարկային մարմիններին, հետո արդեն` Բարձրաստիճան պաշտոնյաների էթիկայի հանձնաժողովին: Բայց այդ տարիներին ներկայացված հայտարարագրերը և դրանցում երբեմն առկա եկամուտների, ունեցվածքի, գույքի և իրականության միջև առկա ծայրահեղ անհամապատասխանությունները որևէ պրոցեսուալ շարունակություն չեն ունեցել: Ես, այդ տարիներին աշխատելով իրավապահ մարմիններում, ունենալով որոշակի տեղեկատվություն, որևէ դեպք չգիտեմ, երբ հայտարարագրերում կեղծ տվյալ ներկայացնելու, հայտարարագրածի և իրական ունեցվածքի միջև առկա հակասությունների հետևանքով պատասխանատվություն իրականացվի:
Մանրամասն
04/10/2016

Լ. Զուրաբյան. Այս իշխանությունը փոփոխությունների մասին խոսելու իրավունք չունի

Լ. Զուրաբյան. Այս իշխանությունը փոփոխությունների մասին խոսելու իրավունք չունի
Հարցազրույց ՀԱԿ խմբակցության ղեկավար Լևոն Զուրաբյանի հետ:

- Այս ընթացքում փոխվեց նաև կառավարության ղեկավարը: Նախագահ Սերժ Սարգսյանը վարչապետ Կարեն Կարապետյանի թեկնածությունը ներկայացնելիս՝ հայտարարեց, որ նա բարեփոխումների խորհրդանիշ է լինելու: Ի՞նչ սպասելիքներ ունեք նոր վարչապետից:

- Մենք շատ լավ հիշում ենք, որ ընդամենը երկու տարի առաջ փոփոխությունների խորհրդանիշ էր Հովիկ Աբրահամյանը, դրանից առաջ՝ Տիգրան Սարգսյանը: Ես զարմանում եմ, որ ինչ-որ մեկը կարծում է, թե ժողովրդի հիշողությունը կարճ է և նորից փորձում է հանդես գալ «Հավատանք, որ փոխենք» կարգախոսով: Ավելի դեմագոգիկ բան դժվար է պատկերացնել: Սա այն իշխանությունն է, որը տասնութ տարի կառավարել է և երկիրը հասցրել այս վիճակին: Այս իշխանությունը փոփոխությունների մասին խոսելու իրավունք չունի: 
Մանրամասն
24/09/2016

Ս. Նիկոյան. Կարեն Կարապետյանը լավ պատկերացնում է, որ անկախ Հայաստանի վարչապետն է

Ս. Նիկոյան. Կարեն Կարապետյանը լավ պատկերացնում է, որ անկախ Հայաստանի վարչապետն է
Parliamentmonitoring.am-ի զրուցակիցը ԱԺ նախկին նախագահ, ՀՀԿ խմբակցության պատգամավոր Սամվել Նիկոյանն է:

- Պարոն Նիկոյան, ինչո՞վ էր պայմանավորված Հովիկ Աբրահամյանի հրաժարականը: Նա չկարողացա՞վ Հայաստանի տնտեսությունն ու երկիրը դուրս բերել ճգնաժամային իրավիճակից:

- Կիսամյակի տվյալներով արտահանման ծավալների ավելի քան 20% աճ է գրանցվել: Սա նշանակվում է, որ գործադրված ջանքերն ու տնտեսության կառուցվածքային փոփոխությունը բերել են արտահանման աճի և ներկրման նվազման: Սա նաև բավարար հիմք է, որ նոր կառավարությունը կարողանա արդյունավետ գործել: Բայց բոլորս էլ գիտենք, որ իշխանություններից հանրային սպասումներն այլ են` թե ներքաղաքական, թե բարոյահոգեբանական առումով: Մեր երկրում առկա բազմաթիվ խնդիրները լուծելու համար անհրաժեշտ է նոր մտածողություն, նոր գործելաոճ և գործիչ, որն ասոցացված չլինի որևէ կուսակցության հետ: Կարեն Կարապետյանը կուսակցական չէ, մաքուր կենսագրություն ունի, կիրթ է, նորարար և լավ վարչարար, կարողանում է լավ հարաբերություններ ունենալ հանրության հետ: Նա տիրապետում է Հայաստանի տնտեսական և բարոյահոգեբանական վիճակին, ունի գաղափարներ ու ցանկություն արագ բարեփոխումներ իրականացնելու: Ահա թե ինչու է ՀՀ նախագահը կանգ է առել նրա ընտրության վրա:
Մանրամասն
13/09/2016
1 2 3 4 5 6 7 8 9 10 11
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter