Parliamnet Monitoring

  • Facebook
  • Twitter

News

Ա. Վարդանյան. Մեզ հարկավոր է նոր որակի իշխանություն

Ա. Վարդանյան. Մեզ հարկավոր է նոր որակի իշխանություն
Հարցազրույց ԱԺ ՀՅԴ խմբակցության քարտուղար Աղվան Վարդանյանի հետ: 

-Ինչպե՞ս եք գնահատում Հովիկ Աբրահամյանի պաշտոնավարման շրջանը: 

-Հովիկ Աբրահամյանը վարչապետ դարձավ մեր երկրի համար բարդ ժամանակահատվածում, և ստանձնած գործառույթներից շատերը կարողացավ իրականացնել: Ես կուզեի սովորեինք գնացողի հետևից միայն վատը չասել և կարողանայինք գնահատել արածը: 

-Այնուամենայնիվ, ունե՞ք պատասխանը, թե ինչու հենց այս օրերին Հովիկ Աբրահամյանը հրաժարական տվեց, ու առաջ եկավ վարչապետ ու կառավարություն փոխելու կարիքը:

-Թե ինչու վարչապետը հրաժարական տվեց, այդ մասին ինքը ասել է կառավարության նիստում: Ես միայն կարող եմ ավելացնել, որ սա դառնալու է նոր, համակարգային փոփոխությունների սկիզբ, ու սահմանվելու են խաղի նոր կանոններ:
Մանրամասն
08/09/2016

Ն. Զոհրաբյան. Չկա ընդդիմադիր ուժ, որի հետ ԲՀԿ-ն կարող է քաղաքական օրակարգ ձևավորել

Ն. Զոհրաբյան. Չկա ընդդիմադիր ուժ, որի հետ ԲՀԿ-ն կարող է քաղաքական օրակարգ ձևավորել
«Հունիսի կեսերից ես ահազանգում էի, որ խոստացված գումարը՝ 16 միլիոն եվրոն, որն անհրաժեշտ էր ընտրողներին նույնականացման քարտերով ապահովելու և 10 մատի մատնահետք բեռնելու համար, կա, բայց իշխանությունը չի շտապում բանակցել տեխնիկական խնդիրները լուծող ընկերությունների հետ: Միտումնավոր էր ձգձգվում, որ գայինք հասնեինք այս օրվան, ու ասեին, թե հիմա արդեն հնարավոր չէ: Հազար ու մի պատճառ էին բերում՝ Հայաստանում չեն, ներքաղաքական վիճակն է լարված, հնարավոր չէ հավաքվել իրար գլուխ, ու այս ամենի արդյունքում չենք ունենա կրկնաքվեարկությունը բացառող մի քանի կարևոր մեխանիզմ».  հարցազրույց Ազգային Ժողովի «Բարգավաճ Հայաստան» խմբակցության ղեկավար Նաիրա Զոհրաբյանի հետ:
Մանրամասն
01/09/2016

Մեզ նայելով՝ հանրապետականները սկսեցին կարդալ, գրագիտանալ

Մեզ նայելով՝ հանրապետականները սկսեցին կարդալ, գրագիտանալ
Parliamentmonitoring.am-ը ԱԺ խմբակցությունների հետ ամփոփում է 9-րդ նստաշրջանի արդյունքները: Մեր զրուցակիցը  ՀԱԿ խմբակցության քարտուղար Արամ Մանուկյանն է:

- Պարոն Մանուկյան, ինչպե՞ս եք գնահատում գարնանային նստաշրջանի ընթացքում խորհրդարանի աշխատանքը, ի՞նչ եք առանձնացնում: 

- Ձեր կազմակերպությունը կուսումնասիրի և կտեսնի, որ արտահերթ ռեժիմով կրկին ավելի շատ օրենք է ընդունվել, քան հերթականով: Այդ օրենքները «թըփ-շըփ»-ի ռեժիմով են քննարկվում, փորձաքննություն չեն անցնում, հասարակությունը դրանց մասին բավարար տեղեկություններ չի ստանում: Հասարակական կառույցներն ու քաղաքացիական խմբերը, որոնք հետաքրքրված են այդ օրենքներով, չեն հասցնում դրանց հետևել: Մենք էլ ֆիզիկապես չենք հասցնում կարդալ այդ նախագծերը, ուր մնաց` ուսումնասիրենք կամ վերլուծենք: Նույն ռեժիմով են անցնում նաև վարկային համաձայնագրերը, որոնք միայն այս կիսամյակ կազմեցին շուրջ կես մլրդ դոլար: Մենք այս արագությամբ երբեք վարկեր չենք վերցրել: Արտաքին պարտքն արդեն 5,5 մլրդ դոլարի է հասնում, դա ՀՆԱ-ի 50%-ից ավելին է: Այս վիճակը, բնականաբար, անդրադառնում է մեր օրենսդրության վրա:
Մանրամասն
16/07/2016

«Ժառանգությունն» իր սխալներից դասեր է քաղել

«Ժառանգությունն» իր սխալներից դասեր է քաղել
Parliamentmonitoring.am-ը ԱԺ խմբակցությունների հետ ամփոփում է 9-րդ նստաշրջանի արդյունքները: Մեր զրուցակիցը «Ժառանգություն» խմբակցության պատգամավոր Զարուհի Փոստանջյանն է:

- Տիկին Փոստանջյան, ավարտված նստաշրջանն ըստ էության նախավերջինն էր այս խորհրդարանի համար: Ինչպե՞ս եք ամփոփում այն, ո՞ր իրադարձություններն եք կարևորում:

- Առանցքայինը ապրիլյան պատերազմն էր: Այն ցույց տվեց, որ խնդիր ունենք քաղաքական ողջ համակարգում: Պատերազմը հենց այնպես չեղավ՝ բաց հայտարարություններ արվեցին, թե 80-ականների զենքով ենք պաշտպանվում: Մինչդեռ վերջին օրերին, երբ ԱԺ-ում քննարկվում էր Ռուսաստանի հետ միավորված հակաօդային պաշտպանական համակարգ ստեղծելու նախագիծը, ասում էին, թե ՀԱՊԿ-ը մեզ հնարավորություն է տվել ունենալ ժամանակակից սպառազինություն, Ռուսաստանից մատչելի գնով զենք գնելու հնարավորություն: Բայց պարզվում է, մենք ոչինչ չունենք, դարձել ենք արբանյակ պետություն, որը չունի այլընտրանքներից օգտվելու որևէ հնարավորություն: 
Մանրամասն
08/07/2016

Որպեսզի բյուջե շատ գումար մտնի, պետք է շատ աշխատողներ ունենանք

Որպեսզի բյուջե շատ գումար մտնի, պետք է շատ աշխատողներ ունենանք
Հարցազրույց ԱԺ սոցիալական հարցերի մշտական հանձնաժողովի նախագահ Հակոբ Հակոբյանի հետ

- Պարոն Հակոբյան, Դուք քննադատեցիք նոր Հարկային օրենսգրքի նախագիծը, բազմաթիվ մտահոգություններ հայտնեցիք, բայց առաջին ընթերցման քվեարկության ժամանակ կողմ քվեարկեցիք: Ինչո՞ւ:

- Հարկային դաշտը կարգավորող մայր օրենսդրությունը վերջին 15-18 տարիներին չի փոխվել: Եղել են մոտ 500 փոփոխություններ ու լրացումներ, որոնք հիմնական օրենքները դարձրել են խճճված: Այնպես որ, հարկային նոր օրենսգիրք ունենալու անհրաժեշտություն կա, և գործատուների համար որոշ սկզբունքային հարցեր ընդգրկված են նախագծում: Եթե դեմ քվեարկեի, ապա դեմ կարտահայտվեի այն առաջադեմ քայլին, որը կատարվում է կառավարության կողմից: Ես քվեարկել եմ կողմ՝ համաձայնելով Հարկային օրենսգիրքը փոխելուն և իմ մտահոգությունն եմ արտահայտել այն երևույթների կապակցությամբ, որոնք ուղիղ կապ ունեն ԱԺ սոցիալական հարցերի մշտական հանձնաժողովի գործունեության հետ:
Մանրամասն
22/06/2016

Էդուարդ Շարմազանով. Գոլ խփելը իշխանության գործն է

Էդուարդ Շարմազանով. Գոլ խփելը իշխանության գործն է
Parliamentmonitoring.am-ը ԱԺ խմբակցությունների հետ ամփոփում է 9-րդ նստաշրջանի արդյուքները : Մեր զրուցակիցը  Ազգային ժողովի նախագահի տեղակալ Էդուարդ Շարմազանովն է:

-Հենց ընդդիմադիր գործիչները քննադատում են իշխանության գործունեությունը, ՀՀԿ-ականները ասում են, թե նրանք նախընտարական շրջան են մտել ու փորձում են սիրաշահել իշխանությունից  դժգոհողներին: ՀՀԿ-ն արձագանքեց նաև Հարկային օրենսգրքի նախագիծն ու 2015թվականի բյուջեի կատարողականը քննադատողներին: Տպավորություն է, թե խորհրդարանաակն մեծամասնությունը գտել է իրեն ուղղված քննադատությունը շրջանցելու ամենակարճ ճանապարհը: 
 
-Ոչ, դա այդպես չէ: Մինչև հաջորդ խորհրդարանական ընտրություններ մնացել է 1 տարուց քիչ ժամանակ, և մեր ընդդիմադիր գործընկերների հայտարարությունները իսկապես նախընտրական տրամադրության արտահայտություն են: Այդ ելույթները նկատելի շատացել են: Բայց ես ասել եմ, որ սա ֆալստարտ է, որովհետև ընտրությունից մի տարի առաջ պայքարն սկսելը, իրար քննադատել ճիշտ չէ:
Մանրամասն
18/06/2016

Աղվան Վարդանյան. «Որտեղ շատ աշխատանք կա, Դաշնակցությունն այնտեղ իրեն լավ է զգում»

Աղվան Վարդանյան. «Որտեղ շատ աշխատանք կա, Դաշնակցությունն այնտեղ  իրեն լավ է զգում»
Parliamentmonitoring.am-ը ԱԺ խմբակցությունների հետ ամփոփում է 9-րդ նստաշրջանի արդյունքները: Մեր զրուցակիցը «Դաշնակցություն» խմբակցության քարտուղար Աղվան Վարդանյանն է: 

- Պարոն Վարդանյան, Դաշնակցության համար ինչո՞վ նշանավորվեց գարնանային նստաշրջանը: Հիմնական փոփոխությունը Հանրապետական կուսակցության հետ համագործակցության հուշագիր ստորագրելն ու իշխանության մաս կազմե՞լն էր: 

- Հերթական նստաշրջան էր` ընթացիկ օրակարգերով: Այո, հիմնական փոփոխությունը պայմանավորված է հանգամանքով, որ մենք այլևս քաղաքական համագործակցության համաձայնագիր ունենք Հանրապետական կուսակցության հետ, փորձում ենք մեր մոտեցումները համադրել, գտնել ընդհանուր եզրեր: Այլ առաջնահերթություններ ունեինք, բայց, ցավոք, ապրիլյան պատերազմը խանգարեց: Արդեն տեղի է ունեցել համակարգող խորհրդի առաջին նիստը, որին ՀՀԿ-ից մասնակցում էին հանրապետության նախագահը, վարչապետը, ԱԺ խորհրդարանական խմբակցության ղեկավար Վահրամ Բաղդասարյանը և կուսակցության փոխնախագահ Արմեն Աշոտյանը: ՀՅԴ-ից մասնակցում էինք Արմեն Ռուստամյանը, Սպարտակ Սեյրանյանը, Արսեն Համբարձումյանը և ես:
Մանրամասն
14/06/2016

Արամ Մանուկյան. «Կարող է ունենանք զրո արդյունք, բայց մեր խիղճը հանգիստ է»

Արամ Մանուկյան. «Կարող է ունենանք զրո արդյունք, բայց մեր խիղճը հանգիստ է»
Հարցազրույց Ազգային ժողովի ՀԱԿ խմբակցության քարտուղար Արամ Մանուկյանի հետ:

-Պարոն Մանուկյանը, ՀԱԿ-ը դեռ հույս ունի, որ նոր Ընտրական օրենսգիրքը առաջիկայում կփոփոխվի՞

-Այո, հույս ունեմ: Աշխատանքներ տարվում են, հատկապե միջազգային կառույցների հետ, և քննարկումները շարունակվում են: Գուցե լավատեսույթունս շատ է, բայց կարծում եմ, որ 4+4+4 ձևաչափը դեռ ամբողջոււթյամբ չի փակվել: 

-Լավատեսության հիմքը ո՞րն է:

-Այն, որ հանդիպումներ ենք անցկացնում դեսպանների, միջազգային կառույցների հետ, ներկայացնում մեր պահանջները, հանդիպում ենք քաղհասարակության ներկայացուցիչներին, և ես դեռ գործընթացը ավարտված չեմ համարում: Այս պահին կոնկրետ պայմանավորվածություն չկա, բայց բանակցությունները շարունակվում են:
Մանրամասն
09/06/2016

Վարդան Այվազյանը պայքարելու «խասյաթ» ունի

Վարդան Այվազյանը պայքարելու «խասյաթ» ունի
- Պարոն Այվազյան, Պետեկամուտների կոմիտեի պետի տեղակալ Արմեն Ալավերդյանը հայտարարեց, թե ստվերը եղել է, կա ու կլինի: Այդ դեպքում ինչո՞ւ եք պայքարում ստվերի և կոռուպցիայի դեմ:

- Իմ գործի բնույթն էլ էդպիսին է: Ես պայքարելու խասյաթ ունեմ, միշտ էլ պայքարելու եմ: Եթե մի բան կա, որ վատ է, պետք է վերացվի:

- Ստվերի, կոռուպցիայի դեմ պայքարի մասին վարչապետ Հովիկ Աբրահամյանի վերջին հայտարարությունից կարելի էր եզրակացնել, թե մինչև հիմա պայքար չի տարվել կամ տարված պայքարը որևէ արդյունք չի տվել: 

- Ամեն անգամ, երբ խոսում են առողջության պահպանման մասին, հո չի՞ նշանակում, թե նախկինում նման խնդիր չի եղել: Դա մշտական գործընթաց է: Պարոն Ալավերդյանն էլ ասում էր, թե քանի դեռ գոյություն ունի շահ կամ շահերի բախում, դա նշանակում է, որ այդտեղ կարող է ստվեր լինել: Քանի դեռ մարդը մտածելու ունակություն ունի և ուզում է պահպանել այդ հնարավորությունը, փորձում է ավելի քիչ հարկ վճարել: Դա էլ հենց ստվերն է:
Մանրամասն
01/06/2016

Մուրադ Մուրադյան. «Կարգախոսը բուկլետի վրա գրած ա»

Մուրադ Մուրադյան. «Կարգախոսը բուկլետի վրա գրած ա»
Մեծամասնական կարգով ընտրված ԱԺ 41 պատգամավորներին ներկայացնող մեր շարքի հերթական զրուցակիցը թիվ 16 ընտրատարածքից ընտրված պատգամավոր Մուրադ Մուրադյանն է: 

-Պարոն Մուրադյան, Դուք երկու անգամ պատգամավոր եք ընտրվել մեծամասնական ընտրակարգով, իսկ նոր Սահմանադրության համաձայն՝ այդ ընտրակարգն այլևս գոյություն չունի. կարծում եք՝ առաջիկա ընտրություններին կմասնակցե՞ք: 

-Ես չեմ կարծում, թե պարտադիր ա, որ ես լինեմ Ազգային ժողովում: Կգա ժամանակը, ամեն ինչը կերևա, ինչի՞ մասին ա խոսքը: Ես այդ փոփոխությունց այդքան էլ չեմ անհանգստանում: 

-Բայց կա տեսակետ, որ այս ընտրակարգից հրաժարվելու արդյունքում կկտրվի կապը մարզերի հետ: 

-Ո՞նց կարող ա կտրվել: Երբ որ համամասնական ցուցակները կազմեն, մարզերից էլ կլինեն: 

-Կարո՞ղ է՝ Դուք էլ այդ եղանակով նորից գաք խորհրդարան: 

-Այդ ժամանակ կերևա, թե ոնց կլինի: Եղանակով չէ, եղանակը ի՞նչ կապ ունի ընտրության հետ:
Մանրամասն
19/05/2016
1 2 3 4 5 6 7 8 9 10 11
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter