Parliamnet Monitoring

  • Facebook
  • Twitter

News

Կենսաթոշակային բարեփոխումների քաղաքական գինն ավելին է, քան քաղաքական ընտրություններինը

Կենսաթոշակային բարեփոխումների քաղաքական գինն ավելին է, քան քաղաքական ընտրություններինը
- Պարոն Հակոբյան, կուտակային կենսաթոշակների պարտադիր բաղադրիչի կիրառման հետաձգումը 2017թ. մինչև 2018թ. քաղաքական ի՞նչ նպատակ էր հետապնդում: Քննարկման ժամանակ տեսակետ հնչեց, որ պայմանավորված է 2017թ. խորհրդարանական ընտրություններից առաջ սոցիալական դժգոհություն չբարձրացնելու հանգամանքով:

- Կուտակային կենսաթոշակների մասին օրենսդրական ողջ փաթեթը և ընդհանրապես կուտակային կենսաթոշակների գաղափարն իր էությամբ կանխարգելիչ է աղքատության համար: Սոցիալական ոլորտում որևէ գործողության արդյունքը շուտ չի լինում, տասնյակ տարիներ են անհրաժեշտ: Աղքատության վերացման, արժանապատիվ կենսաթոշակի ապահովման, աշխատատեղերի ստեղծման համար երկար ժամանակ է անհրաժեշտ: Այնպես որ, ցանկացած քաղաքական երևույթ ավելի փոքր է իր նշանակությամբ, քան կուտակային կենսաթոշակային համակարգի կիրառումը: Ողջամիտ տրամաբանությունն է ասում, որ պարտադիր կուտակային կենսաթոշակային բարեփոխումն իր էությամբ այնքան բարձր է, որ նրա քաղաքական գինն այսօր շատ ավելի մեծ է, քան բոլոր քաղաքական ընտրություններինը:
Մանրամասն
13/05/2016

Արտակ Զաքարյան. Կառավարության եզրակացությունը տվյալ իրավիճակին համապատասխան եզրակացություն է

Արտակ Զաքարյան. Կառավարության եզրակացությունը տվյալ իրավիճակին համապատասխան եզրակացություն է
Հարցազրույց Ազգային ժողովի արտաքին հարաբերությունների հանձնաժողովի նախագահ Արտակ Զաքարյանի հետ: 

-Լեռնային Ղարաբաղի անկախությունը ճանաչելու մասին մի քանի նախագիծ տարբեր ժամանակներում խորհրդարանում ներկայացվել է ու մերժվել՝ չարժանանալով նաև կառավարության հավանությանը: Այս մեկը կառավարությունը փաստորեն չի մերժում. ինչո՞ւ:

-Այս անգամ կառավարությունը նշում է, որ խնդրի ընդունումը պայմանավորվում է Հայաստանի և Արցախի միջև քննարկումներով, հետագա զարգացումներով, այդ թվում՝ նաև արտաքին գործոններով: Ընդունված որոշումն ու ձևակերպումները լիովին համապատասխանում են ստեղծված իրավիճակին, և այդ իրավիճակից ելնելով էլ ԱԺ արտաքին հարաբերությունների հանձնաժողովը կքննարկի նախագիծը: 
Մանրամասն
06/05/2016

«Համախմբումը» այլընտրանք է դառնալու. ԲՀԿ-ի նման

«Համախմբումը» այլընտրանք է դառնալու. ԲՀԿ-ի նման
Հարցազրույց Ազգային ժողովի «Բարգավաճ Հայաստան» խմբակցության անդամ Ստեփան Մարգարյանի հետ:

-Կուսակցությունը դեռ չստեղծված՝ ամենաշատը խոսվում է Ռոբերտ Քոչարյանի հետ կապի մասին: Կա՞ այդ կապը:

-Մաշված հարց է արդեն:

-Բայց ամենաքննարկվող հարցն է: 

-Ի՞նչ նշանակություն ունի, թե ով ում հետ է կապված: Դուք նախաձեռնողների ցուցակում տեսա՞ք Ռոբերտ Քոչարյանի անունը-ազգանունը: Վսհահ եմ, որ չտեսաք:
Մանրամասն
01/05/2016

Խ. Քոքոբելյան. ԵՏՄ-ն սահմանափակում է Հայաստանի զարգացման հնարավորությունները

Խ. Քոքոբելյան. ԵՏՄ-ն  սահմանափակում է Հայաստանի զարգացման հնարավորությունները
Parliamentmonitoring.am-ը զրուցել է Խաչատուր Քոքոբելյանի հետ:

- Հավանաբար գիտակցում եք, որ Ձեր նախագիծը խորհրդարանում մեծ աջակցություն չի ունենա և չի ընդունվի, քանի որ իշխող քաղաքական ուժի ներկայացուցիչները բազմիցս հայտարարել են, որ ԵՏՄ-ին անդամակցելը բխում է մեր երկրի շահերից: Իսկ 2014-ի դեկտեմբերին ԱԺ-ում անդամակցության համաձայնագրին դեմ քվեարկեց ընդամենը 7 պատգամավոր:


- Եկեք չմոռանանք, որ իշխող քաղաքական ուժի ներկայացուցիչները մինչև 2013թ. սեպտեմբերի 3-ը ջանասիրաբար հիմնավորում էին, թե այլընտրանք չկա, պետք է ստորագրենք ԵՄ Ասոցացման համաձայնագիրը: Այնպես որ, հայտարարությունները եկեք հիմք չընդունենք: Բայց նաև նկատի ունենանք այն հանգամանքը, որ այս նախաձեռնությունը ես չեմ ներկայացրել զուտ ներկայացնելու համար: Մի բացառեք, որ կլինեն այնպիսի իրողություններ, երբ ՀՀ պետական շահը կպահանջի դադարեցնել մեր անդամակցությունն այդ կառույցին: ՀՀ-ի համար կարևորագույն մարտահրավեր ԼՂՀ հակամարտությունից ելնելով՝ Հայաստանը ինքնամեկուսանալու իրավունք չունի: Դեռ անդամակցելու ժամանակ ես հարց բարձրացրեցի, որ ԼՂՀ-ն ու ՀՀ-ն միևնույն տնտեսական և անվտանգության համակարգում են, բայց դա անտեսվեց:
Մանրամասն
19/04/2016

ՀՀԿ-ՀԱԿ միջկուսակցական ջերմացում չկա

ՀՀԿ-ՀԱԿ միջկուսակցական ջերմացում չկա
Հարցազրույց ԱԺ ՀՀԿ խմբակցության պատգամավոր Սամվել Նիկոյանի հետ: 

-Ապրիլյան իրադարձությունների հենց առաջին օրերին Սերժ Սարգսյանը խոսեց Ղարաբաղի հետ փոխօգնության պայմանագիր կնքելու անհրաժեշտության մասին: Տեղյա՞կ եք, թե այս գործընթացը որ փուլում է, և արդյո՞ք այդ պայմանագրի անհրաժեշտությունը այսօր էլ կա, ինչպես 10 օր առաջ: 

-Դրա արդիականությունը այսօր էլ կա: Այդ պայմանագիրը ՀՀ-ին թույլ կտա դե ֆակտո համագործակցությանը տալ դե յուրե տեսք, միևնույն ժամանակ, համանախագահները շարունակում են ունենալ միջնորդական գործունեությամբ զբաղվելու հնարավորություն: Այսուհանդերձ, պայմանագիրը կարող է ձեռնտու չլինել ոչ համանախագահներին և ոչ էլ Ադրբեջանին, ու կարող են հնչել հորդորներ, որ Հայաստանը այդպիսի բան չանի: 

-Հնարավո՞ր է՝ այդ հորդորները արդեն հնչել են, ու դրա համար էլ գործընթացը առաջ չի գնում:

-Չեմ կարող ասել, տեղեկացված չեմ: Ամեն դեպքում՝ 10 օրվա ընթացքում պայմանագիրը չէր կարող ուղարկվել խորհրդարան: Այն պետք է կազմվի, մշակվի ու ընդունված ընթացակարգով ուղարկվի խորհրդարան, 10 օրը բավարար լինել չէր կարող: 
Մանրամասն
14/04/2016

Մենք հիմա մեկ խնդիր ունենք՝ հետ մղել թշնամուն

Մենք հիմա մեկ խնդիր ունենք՝ հետ մղել թշնամուն
Հարցազրույց ԱԺ «Ժառանգություն» խմբակցության պատգամավոր Ալեքսանդր Արզումանյանի հետ:

-Օրերս Սերժ Սարգսյանը հայտարարեց Լեռնային Ղարաբաղի հետ ռազմական փոխօգնության համաձայնագիր կնքելու անհրաժեշտության մասին. Ձեր կարծիքով՝ սա ինչպե՞ս կանդրադառնա հակամարտության կարգավորմամբ զբաղվող միջնորդների հայտարարությունների վրա: 

- Չեմ կարծում, թե որևէ փոփոխություն կլինի: Միջնորդները շարունակելու են երկու կողմերին էլ հորդորելու իրենց քաղաքականությունը: Դա միջնորդների հիմնական առաքելությունն է: Իսկ նախագահի ասածները շատ կարևոր էին, և այդ ուղղությամբ պետք է լրջորեն աշխատել: Իրոք, ժամանակն է, որ ռազմական փոխօգնության համաձայնագիր կնքվի:
Մանրամասն
06/04/2016

Այլանդակ ընտրություններ անցկացնելու իշխանության լիմիտը սպառվել է

Այլանդակ ընտրություններ անցկացնելու իշխանության լիմիտը սպառվել է
Հարցազրույց ԱԺ ԲՀԿ խմբակցության ղեկավար Նաիրա Զոհրաբյանի հետ: 

-ՀԱԿ խմբակցության ղեկավար Լևոն Զուրաբյանի առաջարկով ձևավորված 4+4+4 ձևաչափը 2 նիստ է գումարել: Կարծում եք՝ այս հանդիպումները կնպաստե՞ն, որ ունենանք բարեփոխված, ընտրակեղծքիները կանխող Ընտրական օրենսգիրք: 

-Գիտե՞ք, եթե անգամ ընդդիմադիր բոլոր քաղաքական ուժերի առաջարկությունները ընդունվեն, և ստեղծվի ամենաիդեալական Ընտրական օրենսգիրքը, առանց արդար ընտրություններ անցկացնելու քաղաքական կամքի 2017-ին կունենանք նույն վատ ընտրությունները, ինչպես մինչև այսօր: Առանց այդ կամքի իշխանությունը, ցանկացած օրենսգրքով, կգտնի կեղծիքների գնալու մեխանիզմներ:
Մանրամասն
03/04/2016

Եթե ցուցակները հրապարակվեն, 60-70%-ով կեղծիքները կնվազեն

Եթե ցուցակները հրապարակվեն, 60-70%-ով կեղծիքները կնվազեն
«Որոշ ընդդիմադիր ուժեր և ՀԿ ներկայացուցիչներ ԸՕ նախագծին վերաբերող 5 առաջարկությունների շուրջ ստեղծել են միասնական պլատֆորմ»,-այս մասին խորհրդարանում հրավիրված լսումների ժամանակ հայտարարեց ՀԱԿ խմբակցության ղեկավար Լևոն Զուրաբյանը: «Ովքեր են ծանոթ այդ միասնական պլատֆորմի ձևավորմանը, թող ձեռք բարձրացնի». դահլիճում ներկա քաղհասարակության ներկայցուցիչներին ուղղած Դավիթ Հարությունյանի հարցը մնաց անարձագանք: 

-Պարոն Զուրաբյան, Դուք հայտարարեցիք, թե ՀԿ սեկտորի հետ ԸՕ-ի առաջարկությունների շուրջ միասնական պլատֆորմ եք ձևավորել, բայց ՀԿ որևէ ներկայացուցիչ դահլիճում դրան տեղյակ չէր, ամեն դեպքում՝ այդ մասին չհայտարարեց: Ինչո՞ւ: 

-Դա Դավիթ Հարությունյանի շատ էժանագին հնարքն էր: Դահլիճում կային մարդիկ, որ մասնակցել էին մեր քննարկումներին, բայց ձեռք չբարձրացրեցին, որովհետև դա կնշանակեր ենթարկվել էժանագին հնարաքների: Պատահական չէ, որ երբ ես Դավիթ Հարությունյանի հարցրեցի՝ իսկ Դուք ծանո՞թ եք մեզ միացած ՀԿ-ների ցանկին, նա խուսափեց պատասխանից: 
Մանրամասն
22/03/2016

Վ. Բաղդասարյան. Օսկանյանը կուսակցություն ուներ, ինչո՞ւ է նորը ստեղծում

Վ. Բաղդասարյան. Օսկանյանը կուսակցություն ուներ, ինչո՞ւ է նորը ստեղծում
Հարցազրույց «Հանրապետական»  խմբակցության ղեկավար Վահրամ Բաղդասարյանի հետ:

- Ինչպե՞ս է ՀՀԿ-ն վերաբերվում պատգամավոր Վարդան Օսկանյանի՝ կուսակցություն ստեղծելու որոշմանը: Սա ձեզ չի՞անհանգստացնում: 

- Մենք միշտ ասել ենք, որ ողջունում ենք, երբ բավականին կայացած քաղաքական դեմքերը իրենց գործունեությունը ավելի են ակտիվացնում: Ինչպես կարող ենք չողջունել կուսակցությունների ստեղծումը, առավել ևս եթե դրանք լինեն առողջ և նպաստեն մեր երկրի զարգացմանը: Ինչ վերաբերում է անհանգստացնելուն՝ նման խնդիր չկա, պարզապես մնում է հաջողություն մաղթել: Չնայած պարոն Օսկանյանը կուսակցություն ուներ, չէ՞, ինչո՞ւ է նորը ստեղծում: Այդ կուսակցությունը շատ բարվոք վիճակում է, դա կարող էին ավելի ընդլայնել, բայց իրենց որոշելիք հարցն է:
Մանրամասն
15/03/2016

Ս.Ֆարմանյան. «Քաղաքականությունը երբեք չեմ համարել իմ ու իմ ընտանիքի բարեկեցության միակ ճանապարհը»

Ս.Ֆարմանյան. «Քաղաքականությունը երբեք չեմ համարել իմ ու իմ ընտանիքի բարեկեցության միակ ճանապարհը»
Մեծամասնական ընտրակարգով ընտրված ԱԺ 41 պատգամավորներին ներկայացնող մեր շարքի հերթական զրուցակիցը թիվ 2 ընտրատարածքից ընտրված պատգամավոր, ՀՀԿ-ական Սամվել Ֆարմանյանն է: 

-Որո՞նք են եղել Ձեր նախընտրական ծրագրի առաջնահերթությունները: 

-Թիվ 1 առաջնահերթությունը եղել է իմ ընտրատարածքի բնակչի ձայնը խորհրդարան հասցնելը, նրա դիրքորոշումը հնչեցնելը: Մեծամասնականի իրական հնարավորությունները և հանրության սպասելիքները դրանից՝ հաճախ չեն համապատասխանում: Ես փորձել եմ հավատարիմ մնալով իմ նախընտրական ծրագրին՝ բարձրաձայնել ընտրողի խնդիրները, դնել դրանք պետական տարբեր գերատեսչությունների առջև, լուծումներ ստանալ: 

-Ընտրողների հետ կապը պահելու համար ծրագրում նախատեսվում էր հանրային ընդունարաններ ստեղծել: Ստեղծեցի՞ք:

-Հանրային ընդունարանների գաղափարը փայլուն և շատ ամբիցիոզ գաղափար էր: Դրանք չստեղծվեցին ռեսուրսների բացակայության պատճառով: Որպեսզի ընդունարանները գործեին արդյունավետ, պիտի լինեին չեզոք ռեսուրսներ: Եղել են ֆինանսավորման առաջարկներ, բայց դրանք չեն եղել անաչառ առաջարկներ, որոնք կծառայեին բուն նպատակին:
Մանրամասն
09/03/2016
1 2 3 4 5 6 7 8 9 10 11
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter