Parliamnet Monitoring

  • Facebook
  • Twitter

News

Ընդդիմությունը թող դժգոհ զանգվածներին հավաքի ու մեծամասնություն կազմի

Ընդդիմությունը թող դժգոհ զանգվածներին հավաքի ու մեծամասնություն կազմի
Հարցազրույց Հանրապետական խմբակցության ղեկավար Վահրամ Բաղդասարյանի հետ:

- Պարոն Բաղդասարյան, սահմանադրական փոփոխությունների նախագծի վերջնական տարբերակը հոկտեմբերի 5-ին քվեարկվեց առանց քննարկվելու: Պատգամավորներից շատերը բողոքեցին, որ չհասցրեցին ծանոթանալ փոփոխությունների վերջնական տեքստին: Վերջին խմբագրումներից հետո նախագիծն ինչո՞ւ հապճեպ քվեարկության դրվեց:

- Պատգամավորներից շատերը բացարձակապես իրավունք չունեն բողոքելու, դրանք պարզապես պատրվակներ են: Մասնագիտական հանձնաժողովը խմբակցությունների կամ պատգամավորների հետ հանդիպումների ժամանակ նախապես ներկայացրել էր, թե որ առաջարկություններն են ընդունվել, որոնք՝ ոչ: Այդ հանդիպումներից հետո հանձնաժողովը պարզապես խմբագրական աշխատանք է արել: Այնուհետև հոկտեմբերի 5-ին, ժամը 9-ին վերախմբագրված նախագծը եկել է խորհրդարան: ՕԵԿ-ը հավանաբար ցանկանում էր արդարանալ, թե ինչու է ձեռնպահ կամ դեմ քվեարկել: Այսինքն՝ ուզում էին կողմ քվեարկել, բայց չհասցրեցի՞ն ծանոթանալ:
Մանրամասն
20/10/2015

Մեր և Հովիկ Աբրահամյանի միջև սև կատու չի անցել

Մեր և Հովիկ Աբրահամյանի միջև սև կատու չի անցել
Հարցազրույց Ազգային ժողովի ՕԵԿ խմբակցության ղեկավար Հեղինե Բիշարյանի հետ:

-ՕԵԿ-ի համար դժվա՞ր էր փոփոխությունների նախագծին կողմ չքվեարկելը. տպավորություն էր, թե խմբակցությունն ինչ-որ սպասելիք ուներ ու դրա համար էլ չէր շտապում հայտարարել իր վերջնական դիրքորոշումը:
 

-Այո, մենք ունեինք սպասելիք. սպասում էինք մեր առաջարկությունների ընդունմանը: Մասնագիտական հանձնաժողովն էլ կփաստի, որ մենք մինչև վերջ իրենց հետ աշխատել ենք: Ի վերջո, մենք կարողացանք մի քանի կարևոր հարց անցկացնել, դրա համար էլ որոշեցինք քվեարկությունը թողնել ազատ: Կողմ քվեարկել չէինք կարող, որովհետև փոփոխությունների նախագծում իշխանության թևերի հակակշռման, գերկենտրոնացման հարցերը մնում են չլուծված:
Մանրամասն
13/10/2015

Պուտինը դեմ է մեր սահմանադրական փոփոխություններին

Պուտինը դեմ է մեր սահմանադրական փոփոխություններին
Հարցազրույց Ազգային ժողովի «Ժառանգություն» խմբակցության պատգամավոր Ալեքսանդր Արզումանյանի հետ:

-Ստացվում է, որ փոփոխությունների նախագիծը փոփոխություններ է կատարում ընդդիմության դաշտում. Դուք հայտնի եք որպես ընդդիմադիր, բայց միանում եք իշխանությանը: Ինչո՞ւ ընդդիմության հետ չեք: 

-Ինձ համար շատ կարևոր է, որ ես լինեմ իմ սկզբունքների դաշտում: Եթե դու ԵՏՄ-ին դեմ ես քվեարկել, ապա այս Սահմանադրությունը ԵՏՄ-ի շրջանակում առավել լայն մանևրելու հնարավորություն է տալու, թույլ է տալու ճկուն քաղաքականություն վարել և թոթափել Ռուսաստանի դիկտատը: Սա կարող է լինել գործիք մեր երազած եվրոպական երկիրը կառուցելու ճանապարհին: Դրա համար գտնում ենք, որ սա այս պահին շատ ավելի ընդունելի է:
Մանրամասն
07/10/2015

Ես ուզում եմ, որ երկրում լինի ժողովրդի կողմից ընտրված ուժեղ նախագահ, եթե կուզեք՝ թագավոր

Ես ուզում եմ, որ երկրում լինի ժողովրդի կողմից ընտրված ուժեղ նախագահ, եթե կուզեք՝ թագավոր
Հարցազրույց ԱԺ պատգամավոր Հրանտ Բագրատյանի հետ:

- Պարոն Բագրատյան, սահմանադրական փոփոխությունների նախագծի քննարկման շրջանակներում հանդիպեցիք նախագահ Սերժ Սարգսյանի հետ: Փոփոխությունների հիմնական նպատակը անցումն է կառավարման խորհրդարանական համակարգին, որին Դուք դեմ եք: Այդ դեպքում ինչո՞ւ հանդիպեցիք:

- Այո, ես դեմ եմ, բայց դեմ լինելով՝ հանդիպել եմ, որովհետև ասելիք ունեի, որովհետև այդ նախագծում կան կոպտագույն սխալներ: Սոցիալ-տնտեսական գլուխների վրա որևէ մասնագետ չի աշխատել: Այդ ոլորտների հետ կապված իմ կողմից եղել է 12 լուրջ առաջարկություն: Օրինակ, նախագծի 10-րդ հոդվածում գրված է, թե Հայաստանն ունի սոցիալական շուկայական տնտեսություն: Ես փորձել եմ նախագահին համոզել, որ դա սխալ արտահայտություն է: Հետո նախագահի հանձնարարությամբ եղել է հանդիպում Սահմանադրական փոփոխությունների մասնագիտական հանձնաժողովի նախագահի հետ, և ես բացատրել եմ, թե մեր երկրում կենսաթոշակային համակարգն արդեն կայացել է, և սոցիալականությունն էլ շուկայի հետ կապ չունի: Շուկան կառավարում ես, շատ ես հարկերը սահմանում՝ 40-50 %, ստանում ես սոցիալական երկիր, քիչ ես սահմանում՝ 25 %, ստանում ես ոչ սոցիալական: Սոցիալական-շուկայական տերմինը տեղին կլինի օգտագործել այն դեպքում, երբ ընկերությունների վրա դրվում են սոցիալական պարտավորություններ:
Մանրամասն
01/10/2015

Ա. Մանուկյան. «Ոչ»-ի պայքարը կսկսվի Գյումրիի հանրահավաքով

Ա. Մանուկյան. «Ոչ»-ի պայքարը կսկսվի Գյումրիի հանրահավաքով
Հարցազրույց ՀԱԿ խմբակցության քարտուղար Արամ Մանուկյանի հետ

- Պարոն Մանուկյան, ՀԱԿ-ն ի սկզբանե դեմ էր նախագահ Սերժ Սարգսյանի նախաձեռնած սահմանադրական փոփոխություններին: Ինչպե՞ս եք պայքարելու այդ փոփոխությունների դեմ արդեն խորհրդարանից դուրս: Պայքարի ի՞նչ օրակարգ եք մշակել:

- Նախ՝ մենք սահմանադրական փոփոխությունների թեմայով որևէ քննարկման մեջ չենք մտնում, դրա անհրաժեշտությունը չկա, և ամեն ինչ անելու ենք, որ այն չընդունվի: Մենք ասում ենք, որ այդ փոփոխությունները կործանում են Հայաստանը, դա ավանտյուրա է, պետական կառավարման համակարգը քանդող արկածախնդրություն: Այդ պատճառով էլ բովանդակային որևէ քննարկման մեջ չենք ցանկանում ներքաշվել: Իսկ պայքարի առաջին քայլը կլինի Գյումրիի հանրահավաքն ու երթը, որը կազմակերպում է «Ոչ»-ի նախաձեռնող խումբը: Գյումրիում նախաձեռնող խումբը կհայտարարի իր հետագա ծրագրերի մասին, և մենք կմասնակցենք դրանց:
Մանրամասն
24/09/2015

Է.Մարուքյան. Չեմ կարծում, որ պետք է «Ոչ»-ի կամ «Այո»-ի քարոզի մաս դառնամ

Է.Մարուքյան. Չեմ կարծում, որ պետք է «Ոչ»-ի կամ «Այո»-ի քարոզի մաս դառնամ
Հարցազրույց ԱԺ անկախ պատգամավոր Էդմոն Մարուքյանի հետ:

- Պարոն Մարուքյան, եթե Ձեր առաջարկությունները չընդունվեն, Դուք միայն դեմ կքվեարկեք, թե՞ նաև կպայքարեք, որպեսզի նախագիծը հանրաքվեով չընդունվի՝ օրինակ Ձեր ընտրողներին ևս հորդորելով «դեմ» քվեարկել փոփոխություններին:


- Իմ ընտրողները շատ ուշադիր հետևում են իմ փաստարկներին, իրենք կորոշեն՝ ինչպես քվեարկել: Չեմ կարծում, որ պետք է որևէ քարոզի՝ ԱՅՈ-ի կամ ՈՉ-ի մասը դառնամ: Որպես պատգամավոր՝ ես կարող եմ իմ դիրքորոշումը հայտնել կամ ազդել նախագծի վրա, ինչը անում եմ: Կստացվի, թե ոչ՝ կտեսնենք ապագայում:
Մանրամասն
18/09/2015

Գ. Ջհանգիրյան. Ընտանեկան բռնությունը կենցաղային բնույթի հանցագործություն է

Գ. Ջհանգիրյան. Ընտանեկան բռնությունը կենցաղային բնույթի հանցագործություն է
-Ձեր կարծիքով՝ ինչո՞ւ է Հայաստանը դանդաղում կատարել իր ստանձնած պարտավորությունները: Պատճառը, այսպես ասած, ազգային մենթալիտե՞տն է, քաղաքական կամքի պակա՞սը, թե՞ այն, որ դրանք կարող են քաղաքական շահարկումների առիթ դառնալ: 

-Ես կարծում եմ՝ այս օրենքներին պետք է անդրադառնալ ոչ թե բովանդակային, այլ իրավունքի համակարգի տեսանկյունից: Մեր օրենսդրական համակարգը բացառում է այսպիսի առանձին օրենքների գոյությունը:

-Բայց մեր կյանքում խտրականության և բռնության բազմաթիվ դեպքեր են պատահում. չկա՞ դրանք օրենքով դատապարտելու կամ խնդիրը օրենքով կարգավորելու կարիք: 

-Դիցուք՝ դատապարտում ենք, բայց մեր իրավական համակարգը արգելում է բռնությունը բոլոր ոլորտներում, ինչո՞ւ պետք է ընտանեկան բռնության վերաբերյալ առանձին օրենք ընդունենք: Իսկ աշխատանքի կամ հանգստի ոլորտներում բռնության դրսևորումներ չե՞ն լինում:
Մանրամասն
18/08/2015

Հ. Բիշարյան. Ի՞նչ անի օրենքը, եթե կինը չի դիմում իրավապահներին

Հ. Բիշարյան. Ի՞նչ անի օրենքը, եթե կինը չի դիմում իրավապահներին
-Ինչո՞ւ է, Ձեր կարծիքով, Հայաստանը դանդաղում կատարել իր ստանձնած պարտավորությունները: Արդյո՞ք պատճառը հասարակության ոչ միանշանակ վերաբերմունքն է այս հարցերին, այսպես ասած, ազգային մենթալիտետը, քաղաքական կամքի պակասը, թե՞ այն, որ դրանք կարող են քաղաքական շահարկումների առիթ դառնալ: 

-Կարծում եմ, ձեր թվարկած պատճառներից յուրաքանչյուրն էլ առկա է: Սակայն դոմինանտ նշանակություն ունեն հասարակական ընկալումները, վերաբերմունքը, ինչ խոսք, նաև ազգային մենթալիտետով պայմանավորված պատճառները: 

-Այս հարցերն օրակարգ են ընդգրկվել առաջին հերթին որպես եվրաինտեգրման գործընթացով պայմանավորված հանձնառություններ. Հայաստանի արտաքին քաղաքական վեկտորի փոփոխությունը ԵՄ-ից ԵՏՄ անդրադարձավ այս պարտավորությունների կատարման վրա՝ փաստացի երկրորդ պլան մղելով դրանք:  Կարծում եք՝ Հայաստանը ստիպված է լինելու շրջանցե՞լ կամ հետաձգել այս հանձնառությունների կատարումը: 

-Կարծում եմ՝ ոչ: Արտաքին քաղաքական կուրսը մեծ հաշվով առնչություն չունի Հայաստանի ստանձնած այդ հանձնառությունների կատարման կամ չկատարման հետ, քանի որ քննարկվող հարցերը պետք է ընդունվեին Հայաստանի ԵԱՏՄ անդամկցելուց առաջ: 
Մանրամասն
10/08/2015

Ա. Վարդանյան. Օրենքներով կարգավորվում են տարբեր նրբերանգներ բովանդակող հարցեր

Ա. Վարդանյան. Օրենքներով կարգավորվում են տարբեր նրբերանգներ բովանդակող հարցեր
-Ձեր կարծիքով՝ ինչո՞ւ է Հայաստանը դանդաղում կատարել իր ստանձնած պարտավորությունները: Պատճառը, այսպես ասած, ազգային մենթալիտե՞տն է, քաղաքական կամքի պակա՞սը, թե՞ այն, որ դրանք կարող են քաղաքական շահարկումների առիթ դառնալ: 

-Քանի դեռ այդ փոփոխություննրը չեն հասել խորհրդարան, կդժվարանամ պատասխանել: Երբ դրանք Ազգային ժողովում կդրվեն շրջանառության մեջ, կքննարկվեն գլխադասային հանձնաժողովներում, կհետևենք, և մեր դիրքորոշումը կձևավորենք: 

-Իսկ այս օրենքներով կարագավորվող խնդիրների մասին Ձեր վերաբերմունքն ինչպիսի՞ն է: Օրինակ, ըստ Ձեզ՝ ինչո՞ւ «Խղճի ազատության և կրոնական կազմակերպությունների մասին» օրենքում փոփոխությունների նախագծերը չեն արժանանում Վենետիկի հանձնաժողովի դրական եզրակացությանը: 

-«Խղճի ազատության և կրոնական կազմակերպությունների մասին» օրենքն ընդունվել է 1991 թվականին, այսինքն, մենք ունենք դաշտը կարգավորող օրենք: Ձեր նշած փոփոխությունների նախագծերը խորհրդարան չեն եկել, թերևս բացի միայն մեկից, որը տարիներ առաջ հեղինակել էին հենց պատգամավորները:
Մանրամասն
27/07/2015

Է. Վարդանյան. Նախագծերի բովանդակային իրազեկումը բավարար չէ

Է. Վարդանյան. Նախագծերի բովանդակային իրազեկումը բավարար չէ
Ձեր կարծիքով՝ ինչո՞ւ է Հայաստանը դանդաղում կատարել իր ստանձնած պարտավորությունները: Պատճառը, այսպես ասած, ազգային մենթալիտե՞տն է, քաղաքական կամքի պակա՞սը, թե՞ այն, որ դրանք կարող են քաղաքական շահարկումների առիթ դառնալ: 

-Այստեղ պետք է մի քանի գործոն դիտարկել: Առաջինն այն է, որ այդ նախագծերի բովանդակությունը այնպես է մատուցվում, որ թյուրընկալումներ են առաջ գալիս: Այդպես եղավ, օրինակ, «Ընդդեմ ընտանեկան բռնության մասին» օրենքի նախագծի դեպքում: Աշխատանքի և սոցիալական հարցերի նախարարությունը և միջազգային կազմակերպությունները դրա վրա բավական երկար աշխատեցին, բայց երբ այն պատրաստի վիճակում էր, նախարարությունը գտավ, որ այդպիսի օրենքի կարիք չկա: Անձամբ ինքս կարծում եմ, որ այս օրենքը կյանքի կոչվելու իրավունք ունի, որովհետև դրանում շեշտը պետք է դրվի հատկապես ընտանեկան բռնության կանխարգելման, և ոչ թե բռնությունների հետևանքների վերացման վրա: Ցավոք, այս օրենքի նախագծի բովանդակությունը քարոզվեց այնպես, որ հասարակության մոտ տպավորություն ստեղծվեց, թե դրա նպատակը ընտանիքի գործերին միջամտելն է: Շատերին անհանգստացնում էին հատկապես բռնության ենթարկվածների համար նախատեսվող կենտրոնները: Մինչդեռ հանրությանը առավելապես պետք է մտահոգի այն, որ հայ ընտանիքում կանայք բռնությունների են ենթարկվում: Այսինքն, մեր ազգային մտածելակերպը կա, և դրա, այսպես ասած, առանձնահատկությունները գիտենք, բայց կարևոր է նաև խնդիրները կարգավորող նախագծերի բովանդակության ճշգրիտ իրազեկումը: 

Մանրամասն
20/07/2015
2 3 4 5 6 7 8 9 10 11 12
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter