Parliamnet Monitoring

  • Facebook
  • Twitter

News

Թ. Պողոսյան. Փոփոխությունների պետք է հասնենք ստորակետով, տառով

Թ. Պողոսյան. Փոփոխությունների պետք է հասնենք ստորակետով, տառով
-Ձեր կարծիքով՝ ինչո՞ւ է Հայաստանը դանդաղում կատարել իր ստանձնած պարտավորությունները: Պատճառը, այսպես ասած, ազգային մենթալիտե՞տն է, քաղաքական կամքի պակա՞սը, թե՞ այն, որ դրանք կարող են քաղաքական շահարկումների առիթ դառնալ: 

-Ես չեմ կարծում, թե որևէ օրենք պետք է հատկապես առանձնացնել: Օրենքների ընդունման գործընթացը շարունակական է, ու դրանք էլ կընդունվեն: Կան բազմաթիվ օրենքներ, որոնք ԱԺ օրակարգում են, առանց քննարկվելու նստաշրջանից նստաշրջան են տեղափոխվում, բայց եվրաինտեգրմամբ պայմանավորված պարտավորվածություններ չեն ու կապ չունեն որևէ գործընթացի հետ:

-Բայց «Ընտանեկան բռնության» կամ «Խտրականության մասին» օրինագծերը դեռևս օրենք չեն դարձել: Սոցիալական հարցերի նախարարությունը, Պաշտպանի գրասենյակը այդ նախագծերը 2 տարի առաջ մշակել են, սակայն գործընթացը անավարտ է մնացել: Ինչո՞ւ: 

-Այդպիսի նախաձեռնություններն էլ քիչ չեն: Օրինակ, «Հասարակական կազմակերպությունների մասին» օրենքի նախագիծը: Գիտենք, որ կա նոր նախագիծ, որը ավելի լավն է, քան գործողը, բայց այն ԱԺ չի գալիս: Պետք է սպասել:

Մանրամասն
13/07/2015

Մ. Եսայան. Հազիվ թե պատկերն այլ լիներ, եթե ընդդեմ ընտանեկան բռնության հատուկ օրենք ունենայինք

Մ. Եսայան. Հազիվ թե պատկերն այլ լիներ, եթե ընդդեմ ընտանեկան բռնության հատուկ օրենք ունենայինք
-Ձեր կարծիքով՝ ինչո՞ւ է Հայաստանը դանդաղում կատարել իր ստանձնած պարտավորությունները: Պատճառը հասարակության ոչ միանշանակ վերաբերմո՞ւնքն է, քաղաքական կամքի պակա՞սը, թե՞ այն, որ դրանք կարող են քաղաքական շահարկումների առիթ դառնալ:

-Չեմ կարծում, թե դանդաղում է: Որոշ օրենքների ընդունման համար պիտի լինեն օբյեկտիվ եւ անհրաժեշտ պայմաններ, համապատասխան դաշտ: Ձեզ հետաքրքրող օրենքները այս պահին ընդունելու հասարակական և քաղաքական պահանջ չկա: Սրանք, այո, այն օրենքներն են, որոնք մեր երկիրը ինչ-որ ժամանակահատվածում խոստացել է ընդունել: Սա, սակայն, չի նշանակում, թե մենք դա պետք է անենք անպայման կամ ցանկացած գնով: Իմ կարծիքով՝ այս օրենքներն առայժմ ցավագին կընդունվեն հասարակության կողմից: 

-Դուք կարծում եք`վերոնշյալ օրենքները մեր հասարակությանը պետք չե՞ն:

-Ես կարծում եմ, որ չի կարելի օդից վերցրած օրենքներ ընդունել: Այն խնդիրները, որոնք պետք է կարգավորվեն Ձեր նշած օրենքներով, մեր հասարակության կյանքում կամ չկան, կամ էլ կան այնպիսի ծավալով, որ դրանց կարգավորման համար գործող օրենսդրությունը միանգամայն բավարար է: 
Մանրամասն
04/07/2015

Պետք չէ կառավարության երիկամներին այդքան ուժեղ խփել. նա ցանկանում է ուղղվել

Պետք չէ կառավարության երիկամներին այդքան ուժեղ խփել. նա ցանկանում է ուղղվել
Հարցազրույց Ֆինանսների փոխնախարար Ատոմ Ջանջուղազյանի հետ:

- Պարոն Ջանջուղազյան, համաձա՞յն եք ընդդիմադիր պատգամավորների այն պնդումների հետ, թե «Պետական պարտքի մասին» օրենքում փոփոխություններով կառավարությունը ցանկանում է ընդլայնել պարտք վերցնելու հնարավորությունները:

- Ոչ, համաձայն չեմ, որովհետև այդ նախագիծը այլ նպատակ է հետապնդում՝ օրենսդրությունը համահունչ դարձնել միջազգայնորեն ընդունված այն մոտեցումներին, որոնցով սովորաբար գնահատվում է այս կամ այն երկրում պարտքի բեռը: Նախ՝ պարտքի մասին օրենքներում սահմանափակումները նախատեսվում են հայտնի Մաստրիխտի համաձայնագրի համաձայն, որը, ըստ էության, Եվրամիությունը ստեղծելու համաձայնագիրն է: Դրա արձանագրություններից մեկը նախատեսում է, որ որոշակի կողմնորոշիչ ցուցանիշներ պետք է համաձայնեցվեն, որպեսզի ԵՄ երկրները ունենան մակրոկայունություն: Դրանցից մեկը վերաբերում է պարտքին, մյուսը բյուջեի դեֆիցիտին: Հստակ սահմանված է, որ կառավարության պարտքը չպետք է գերազանցի ՀՆԱ-ի 60 %-ը: Այս նախագծով փորձում ենք տրամաբանության մեջ դնել սահմանափակումները: Գործող օրենքում ունենք պարտքի համար դրված սահմանապակում՝ պարտքը չպետք է գերազանցի նախորդ տարվա ՀՆԱ-ի 60%-ը: Բայց կա նույն հոդվածի մեկ այլ մաս. եթե պարտք/ՀՆԱ-ն գերազանցի 50 %-ը, ապա պետական բյուջեի պակասուրդ/ՀՆԱ-ն չպետք է գերազանցի 3 %-ը: Դա նշանակում է, որ մենք հիմա պետք է մտնենք պարտք ներգրավելու ավելի զգուշավոր ռեժիմի մեջ:
Մանրամասն
26/06/2015

Ինչո՞ւ էթիկայի հանձնաժողովն այլևս դիմումներ չի ստանում

Ինչո՞ւ էթիկայի հանձնաժողովն այլևս դիմումներ չի ստանում
Հարցազրույց ԱԺ էթիկայի հանձնաժողովի նախագահ Արփինե Հովհաննիսյանի հետ:

-Էթիկայի հանձնաժողովն այս նստաշրջանի ընթացքում գերազանցեց բոլոր ռեկորդները. որևէ նիստ չգումարեց, որևէ դիմում չստացավ, հետևաբար որևէ որոշում էլ չկայացրեց: Որպես հանձնաժողովի նախագահ՝ ո՞րն է Ձեր բացատրությունը, սա արդյոք չի՞ նշանակում, որ հանձնաժողովին այլևս ոչ ոք չի վստահում:

-Ես այդպես կատեգորիկ չէի գնահատի: Կարող եմ ասել, որ շատերը խոսում են էթիկայի կանոնների խախտումների մասին, դեպքեր են մատնանշում, բայց որևէ մեկը չգիտես ինչու չի դիմում: Եվ սա այն դեպքում, երբ հանձնաժողովի գործունեության վիճակագրությունը փաստում է, որ և հանրապետական, և ոչ հանրապետական պատգամավորների նախագահության շրջանում եղել են որոշումներ հենց հանրապետական պատգամավորների մասին: Այսինքն՝ հանձնաժողովն ապացուցել է, որ կուսակցական կաշկանդվածություն չունի և ազատ է իր որոշումների մեջ:
Մանրամասն
18/06/2015

ԱԺ-ն դատախազությանը ցուցում տվող մարմին չէ. Է. Մարուքյան

ԱԺ-ն դատախազությանը ցուցում տվող մարմին չէ. Է. Մարուքյան
Հանրապետության գլխավոր դատախազն այս տարի առաջին անգամ դատախազության նախորդ տարվա գործունեության մասին հաշվետվությունը խորհրդարանին ներկայացրեց բանավոր ընթացակարգով: Երկար ու բուռն քննարկումից հետո ԱԺ-ն այն ընդունեց առանց քվեարկության: Parliamentmonitoring.am-ի զրուցակիցն այս քննարկումն ապահոված օրենսդրական փոփոխության հեղինակներից Էդմոն Մարուքյանն է:

- Պարոն Մարուքյան, ինչպե՞ս եք գնահատում Գլխավոր դատախազի հաղորդման քննարկումը, ո՞րն էր դրա արդյունքը: 

- Կարծում եմ՝ քննարկումը խորհրդարանի վերահսկողական գործառույթի կիրարկման լավագույն օրինակներից մեկն էր, որովհետև մի բան է, երբ փաստաթուղթը պարզապես ուղարկվում է խորհրդարան և այն ոչ ոք չի կարդում, մեկ այլ բան, երբ դառնում է քննարկման առարկա: Այն, ինչ տեղի ունեցավ խորհրդարանում, կարծում եմ, կարևոր պրակտիկա է և կարող է զարգանալ: Ժամանակի ընթացքում դատախազությունը կարող է խորհրդարանին ավելի համապարփակ զեկույցներ ներկայացնել, պատգամավորներն էլ այդ գերատեսչության գործունեության մասին իրենց մտահոգությունները, հարցերը, առաջարկություններն ու քննադատությունը հնչեցնեն:
Մանրամասն
11/06/2015

Էլեկտրաէներգիայի սակագինը չի կարող 6-7 դրամից ավելի բարձրանալ

Էլեկտրաէներգիայի սակագինը չի կարող 6-7 դրամից ավելի բարձրանալ
Հարցազրույց ԱԺ տնտեսական հարցերի մշտական հանձնաժողովի նախագահ Վարդան Այվազյանի հետ:

- Պարոն Այվազյան, հիմնավո՞ր եք համարում ՀԷՑ-ի՝  էլեկտրաէներգիայի սակագինը 17 դրամով թանկացնելու հայտը:

- Առայժմ չեմ կարող ասել, որովհետև ընկերությունը ներկայացնում է իր ծախսերը, հանձնաժողովն էլ դիտարկում է դրանց հավաստիությունը: ՀԷՑ-ը, օրինակ, ներկայացրել է, որ պետք է 3,6 միլիարդ դրամի շինարարական աշխատանք կատարի: Հանձնաժողովը հարցրել է, թե կոնկրետ ինչ աշխատանք, ընկերությունից հիմնավորումները չեն ներկայացրել և այդ ծախսն ամբողջությամբ հանել են: Սա նշանակում է, որ այդ ծախսը էլեկտրաէներգիայի սակագնի մաս չի կազմի: Մենք առաջիկայում խորհրդարանական լսումներ ենք հրավիրելու, որի ժամանակ այդ բոլոր հարցերը պետք է քննարկենք: Օրինակ, հնչեցվում Լեքսուս մեքենաներ ու շքեղ առանձնատներ վարձակալելու վրա ծախսված մեծ գուրմարների մասին: Պետք է պարզել, թե այդ գումարն իրենց շահութի՞ց է հատկացվել, թե՞ այդ ծախսը ներառվել է սակագնի մեջ: Եվ նման բազմաթիվ այլ հարցեր:
Մանրամասն
04/06/2015

Լյուդմիլա Սարգսյանի նկատմամբ խտրականություն է դրսևորվել

Լյուդմիլա Սարգսյանի նկատմամբ խտրականություն է դրսևորվել
Հարցազրույց ԱԺ ՀԱԿ խմբակցության պատգամավոր Լյուդմիլա Սարգսյանի հետ: 

- Տիկին Հարությունյան, 2014թ. բյուջեի սոցիալական ոլորտի կատարողականի քննարկման ժամանակ վրդովվեցիք ու լքեցիք դահլիճը: Ի՞նչն էր պատճառը: 


- Դա իմ դժգոհության արտահայտման ձևն էր: Որպես Ազգային ժողովի սոցիալական հարցերի մշտական հանձնաժողովի անդամ՝ ես ունեի հարց տալու առաջնային իրավունք, որի մասին մի քանի անգամ տեղյակ պահեցի նախագահողին՝ հանձնաժողովի նախագահ Հակոբ Հակոբյանին, բայց դա անտեսվեց: Դրանից հետո ինձ մնում էր լքել դահլիճը և այդպիսով ցույց տալ իմ դժգոհությունը: Հումորով կարող եմ ասել, որ քննարկման ժամանակ սեռական խտրականություն տեղի ունեցավ, որովհետև միակ կին պատգամավորն էի, որ հարց ունեի ուղղելու: Բայց ինձ այդ հնարավորությունը չտրվեց:
Մանրամասն
29/05/2015

Իրավունքների սահմանափակում՝ ջենտլմենական համաձայնությամբ

Իրավունքների սահմանափակում՝ ջենտլմենական համաձայնությամբ
Հարցազրույց ԱԺ ՀՀԿ խմբակցության պատգամավոր Սամվել Ֆարմանյանի հետ:

-Նախօրեին, երբ խոսեցիք ընդդիմության և մեծամասնության հարցեր տալու և հայտարարություններ անելու հնարավորության մասին, ԲՀԿ-ական Նաիրա Զոհրաբյանը դրա հետևում ԱԺ կանոնակարգը փոփոխելու միջոցով ընդդիմության իրավունքները սահմանափակելու մտադրություն տեսավ: Մեծամասնությունը իսկապե՞ս ունի այդպիսի մտադրություն: 

-Իմ ասածի մեջ թաքնված ոչ մի ուղերձ չկար: Այդպիսի ուղերձ տեսնողները շտապեցին: Ես ընդամենը իմ մտահոգությունն եմ հայտնել: Այսօր հայտարարարություններ անելու և կառավարությանը հարցեր տալու առաջնահերթությունը ընդդիմությանն է: Տրամաբանությունը ճիշտ է, բայց արդյունքում ստացվում է, որ հաճախ մեծամասնությունն է այդ հնարավորությունից զրկվում: Ես խոսել եմ առանց ԱԺ կանոնակարգը փոփոխելու, առանց ընդդիմության քաղաքական իրավունքները ոտնահարելու, ջենտլմենական համաձայնությամբ հարցը քննարկելու և լուծում գտնելու մասին:
Մանրամասն
20/05/2015

Ի՞նչ է անում Ի.Զաքարյանը, այդ մարդուն այլևս թույլ չե՞ն տալիս գալ Ազգային ժողով

Ի՞նչ է անում Ի.Զաքարյանը, այդ մարդուն այլևս թույլ չե՞ն տալիս գալ Ազգային ժողով
Հարցազրույց ՀԱԿ խմբակցության ղեկավար Լևոն Զուրաբյանի հետ:

- Պարոն Զուրաբյան, Հյուսիս-հարավ ճանապարհային միջանցքի կառուցման ընթացքին վերաբերող խորհրդարանական լսումների ժամանակ մտահոգություններ հայտնեցիք ծրագրում տեղ գտած չարաշահումների մասին: Ինչի՞ մասին է խոսքը:

- Այդ լսումների ժամանակ ներկայացվեց հոյակապ, տպավորիչ մի կլիպ, գլամուրային մի պատկեր, ֆանտաստիկ մի տեսարան, որը մեզ բոլորիս ոգևորում էր: Մենք հասկանում ենք, թե ինչպիսի կարևոր ռազմավարական օբյեկտ է կառուցվում, որն, իսկապես, կնպաստի տնտեսության զարգացմանը և ժողովրդի համար աշխատատեղերի ստեղծմանը: Այո, այդ ամենի հետ մենք համաձայն ենք: Բայց եթե գումարների մեծ մասը թալանվում է և եթե վտանգ կա, որ այդ ֆանտաստիկ ձեռնարկը չի հասնի ավարտին կամ չի պսակվի հաջողությամբ, ինչպե՞ս կարելի է դրա մասին չխոսել: Ինչպե՞ս կարելի է խոսել վերը նշված դրականի մասին և անտեսել Վերահսկիչ պալատի բացահայտումները: Եվ ես հիմա հարց եմ բարձրացնում. լսումներին ինչո՞ւ ներկա չէին ՎՊ ներկայացուցիչները: Որ այսպես ֆանֆառներով նիստ են կազմակերպել, իրենց մտքով չի՞ անցել, որ պետք է հրավիրեն նաև ՎՊ ներկայացուցիչներին: Այնքան բացահայտումներ եղան, դրանց մասին լրատվամիջոցներում այնքան գրվեց: Եթե հրապարակված բացահայտումները չեն լուծվելու, ուրեմն ի՞նչ նպատակ է հետապնդում այս ներկայացումը, ո՞ւմ է պետք այդ քարոզչությունը: Այդ վիրտուալ իրականությա՞նը պիտի խաբվենք, երբ գիտենք որ իրականում թալան է տեղի ունենում:
Մանրամասն
17/05/2015

Նախկին ԲՀԿ-ից միայն անունն է մնացել. Գ. Ջհանգիրյան

Նախկին ԲՀԿ-ից միայն անունն է մնացել. Գ. Ջհանգիրյան
Հարցազրույց ՀԱԿ խմբակցության պատգամավոր Գագիկ Ջհանգիրյանի հետ:

- Պարոն Ջհանգիրյան, ԱԺ արտահերթ նիստում քննարկվեցին Քրեական և Քրեական դատավարության օրենսգրքերում առաջարկող փոփոխությունները, որոնցով նախատեսվում է խստացնել խոշտանգումների համար նախատեսված պատժամիջոցները: Այս նախաձեռնությունը կարծես թե պաշտպանում էիք:

- Այո, մենք դրան դեմ չէինք: Պատասխանատվության խստացումն անհրաժեշտ է: Պարզապես պետք է համադրել այդ տիպի այլ արարքների, Քրեական օրենսգրքի ընդհանուր պատժային համակարգի հետ և ընդունելի լուծում գտնել: Պատժի որոշումը քրեական իրավունքում քամ քրեական օրենսդրության մեջ ամենավիճելի խնդիրն է:
Մանրամասն
09/05/2015
3 4 5 6 7 8 9 10 11 12 13
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter