Parliamnet Monitoring

  • Facebook
  • Twitter

News

Տիեզերքից մինչև դառը իրականություն. 7-րդ նստաշրջանի մեկնարկից առաջ

Տիեզերքից մինչև դառը իրականություն. 7-րդ նստաշրջանի մեկնարկից առաջ
Արտաքին հարաբերությունների մշտական հանձնաժողովը հունվարի 30-ի նիստում քննարկելու է «տիեզերական» նշանակության հինգ միջազգային փաստաթուղթ: Հայաստանը ցանկանում է միանալ «Տիեզերական տարածության, այդ թվում` Լուսնի եւ այլ երկնային մարմինների հետազոտման ու օգտագործման ոլորտում պետությունների գործունեությունը կարգավորող սկզբունքների մասին», «Տիեզերագնացներին փրկելու, տիեզերագնացների վերադարձի եւ տիեզերական տարածություն արձակված օբյեկտների վերադարձի մասին», «Տիեզերական օբյեկտների կողմից հասցված վնասի համար միջազգային պատասխանատվության մասին», «Տիեզերական տարածություն արձակված օբյեկտների գրանցման մասին», «Լուսնի եւ այլ երկնային մարմինների վրա պետությունների գործունեության կարգավորման մասին» միջազգային համաձայնագրերին: Եվ սա այն դեպքում, երբ մեր երկիրը երբևէ որևէ թռչող սարք չի ուղարկել տիեզերք կամ ՀՀ որևէ քաղաքացի Լուսնի վրա դեռ ոտք չի դրել: Բայց քանի որ չի բացառվում, որ ապագայում դա տեղի ունենա, ԱԺ-ն 7-րդ նստաշրջանում կքննարկի և, ամենայն հավանականությամբ, նաև կվավերացնի այս փաստաթղթերը:
Մանրամասն
28/01/2015

Բազմաթիվ զգացմունքային հարցեր և մեկ ժխտող պատասխան

Բազմաթիվ զգացմունքային հարցեր և մեկ ժխտող պատասխան
Հունվարի 22-ին ԱԺ պետաիրավական հարցերի մշտական հանձնաժողովը լսումներ կազմակերպեց Գյումրիում ռուսական 102-րդ ռազմաբազայի զինծառայող Վալերի Պերմյակովի կողմից հունվարի 12-ին Ավետիսյանների 7 հոգանոց ընտանիքի սպանության և ողբերգական դեպքին առնչվող իրավական գործընթացների վերաբերյալ: Գործի մանրամասների ու ընթացող քննության մասին պատգամավորների հարցերին պատասխանում էր ՀՀ գլխավոր դատախազ Գևորգ Կոստանյանը: Նախապես հայտարարվել էր, որ կհրավիրվեն համատեղ լսումներ ԱԺ երեք՝ պետաիրավական, արտաքին և պաշտպանության ու ազգային անվտանգության հարցերի մշտական հանձնաժողովների նախաձեռնությամբ: Այդ դեպքում լսումներին Գ.Կոստանյանի հետ միասին կմասնակցեին նաև Արտաքին գործերի նախարարության և Ազգային անվտանգության ծառայության ներկայացուցիչները: 
Մանրամասն
22/01/2015

Ազգային ժողովն օրակարգի պահպանման խնդիր ունի

Ազգային ժողովն օրակարգի պահպանման խնդիր ունի
Հանրապետական խմբակցության ղեկավար Վահրամ Բաղդասարյանը վստահեցնում է. ՎՊ ծրագիրը չեն մոռացել, պարզապես աշնանային նստաշրջանը ծանրաբեռնված էր 2015թ. բյուջեի նախագծի, Եվրասիական տնտեսական միությանն անդամակցելու պայմանագրի, դրանից բխող օրենսդրական փաթեթի ու ընթացիկ այլ նախագծերի քննարկումներով: Իսկ ՎՊ-ի ծրագիրն անպայման քվեարկության կդրվի փետրվարի 2-ին: « Նստաշրջանն ավարտելուց հետո ժամանակը չբավարարեց, դրանից հետո գումարված արտահերթ նստաշրջանը կառավարության նախաձեռնությունն էր: Բայց ինչ-որ բան կփոխվի՞, որ փետրվարի 2-ին քվեարկենք: Հաշվետվությունը նույնպես կներկայացվի փետրվարի 2-ին սկսվող քառօրյայում: Մենք նման նախադեպ էլի ենք ունեցել »,- բացատրեց Վ.Բաղդասարյանը:
Մանրամասն
16/01/2015

ԱԺ-ում խառն էին. Վերահսկիչ պալատը 2015թ. ծրագիր չունի

ԱԺ-ում խառն էին. Վերահսկիչ պալատը 2015թ. ծրագիր չունի
Ազգային ժողովի 5-րդ գումարման 6-րդ նստաշրջանի ավարտից հետո խորհրդարանում ևս 3 արտահերթ նստաշրջան գումարվեց, բայց Վերահսկիչ պալատի 2015 թվականի տարեկան գործունեության ծրագիրը այդպես էլ քվեարկության չդրվեց: Ազգային ժողովում, ամենայն հավանականությամբ, մոռացել էին, որ ծրագիրը քննարկել, բայց չեն քվեարկել, թեպետ մինչև նոր տարվա սկիզբ այդ ծրագրի հաստատումը ԱԺ-ի կողմից օրենքի պահանջ է:

Վերահսկիչ պալատի մասին օրենքը սահմանում է, որ Պալատի տարեկան գործունեության մասին ծրագիրը հաստատվում է Ազգային ժողովի որոշմամբ, ինչը նշանակում է, որ ծրագիրը քննարկվում է Ազգային ժողովում ու քվեարկվում: Հենց այդ քվեարկությամբ է խորհրդարանը ընդունում իր որոշումը ՎՊ-ի տարեկան ծրագիրը հաստատելու կամ չհաստատելու մասին:

Մանրամասն
23/12/2014

Մաքսային կարգավորումների փաթեթն ընդունվեց բոյկոտի պայմաններում

Մաքսային կարգավորումների փաթեթն ընդունվեց բոյկոտի պայմաններում
Ազգային ժողովը դեկտեմբերի 17-ին ձայների 71 «կողմ», 5 «դեմ» հարաբերակցությամբ, երրորդ ընթերցմամբ և ամբողջությամբ ընդունեց «Մաքսային կարգավորման մասին» և «ՀՀ և Եվրասիական տնտեսական միության անդամ երկրների միջև անուղղակի հարկերի հաշվարկման և վճարման առանձնահատկությունների մասին» օրինագծերը՝ հարակից նախագծերով, որոնք փոփոխություններ են առաջարկում «Ավելացված արժեքի հարկի մասին» ու «Ակցիզային հարկի մասին» օրենքներում: Փաթեթի երկու նախագծերը մայր օրենքներ են՝ յուրաքանչյուրը մի քանի հարյուր էջ ծավալով, երկու հարյուրից ավելի հոդվածներով:

Օրենսդրական փաթեթն ընդունվեց հատուկ կարգով. երկրորդ և երրորդ ընթերցումները կազմակերպվեցին 24-ժամյա ռեժիմով: Դեմ քվեարկեցին «Ժառանգություն» խմբակցության պատգամավոր Ալեքսանդր Արզումանյանն ու Թևան Պողոսյանը, ՀԱԿ խմբակցության պատգամավոր Նիկոլ Փաշինյանը, ինչպես նաև՝ անկախ պատգամավորներ Խաչատուր Քոքոբելյանն ու Էդմոն Մարուքյանը: 
Մանրամասն
19/12/2014

ԱԺ-ին պակասում էր Սեյրան Սարոյանի անկեղծությունը

ԱԺ-ին պակասում էր Սեյրան Սարոյանի անկեղծությունը
Դեկտեմբերի 15-ին կառավարության նախաձեռնությամբ հրավիրված ԱԺ արտահերթ նստաշրջանի հենց սկզբում ոչ իշխանական 4 խմբակցություններ՝ ԲՀԿ, ՀԱԿ, ՕԵԿ եւ «Ժառանգություն», ԱԺ նախագահ Գալուստ Սահակյանին առաջարկեցին ընդհատել սկսված նստաշրջանը ու պատգամավորների նախաձեռնությամբ հրավիրել մեկ այլ նստաշրջան, որի ընթացքում կքննարկվեին վերջին օրերին տեղի ունեցած բռնության դեպքերը, և Ազգային ժողովը հայտարարություն կընդուներ դրանց վերաբերյալ: ԱԺ նախագահը քառյակի այս առաջարկը մերժեց՝ այն համարելով հակասահմանադրական, բայց դա չխանգարեց, որ խորհրդարանի ու մամուլի ուշադրության կենտրոնում հայտնվեին ոչ թե կառավարության արտահերթը, այլ ոչ իշխանականների առաջ քաշած հարցն ու արտահերթ նստաշրջան հրավիրելու  ջանքերը: 
Մանրամասն
16/12/2014

Ավանդույթի ուժով, անդամակցության պահանջով

Ավանդույթի ուժով, անդամակցության պահանջով
ԱԺ նախագահի որոշմամբ դեկտեմբերի 15-ին խորհրդարանն արտահերթ նստաշրջան կհրավիրի: Նախաձեռնությունը գործադիրինն է, առաջարկվող օրակարգը նույնպես: Խորհրդարանի քննարկմանն է սպասում 3 տասնյակ հարց` 8 միջազգային համաձայնագիր, 22 օրենսդրական փաթեթ, որոնք փոփոխություն ու լրացում են առաջարկում ավելի քան 60 օրենքներում: Նախագծերի մեծ մասը կառավարությունն անհետաձգելի է համարել, ինչը նշանակում է, որ օրենսդրական փաթեթները կքվեարկվեն մի քանի ընթերցումներով: Օրակարգում նաև այլ հարցեր են, բայց առանցքայինը ԵՏՄ անդամակցությամբ պայմանավորված օրենսդրական փոփոխություններն են:
Մանրամասն
13/12/2014

ՀՀԿ-ի բյուջեի նախագիծը

ՀՀԿ-ի բյուջեի նախագիծը
«Հարցը կքննարկվի 2016-18 թվականների ՄԺԾԾ շրջանակներում», «Օրակարգային չէ», «Առաջարկությունը չի ընդունվել ՀՀ 2015 թվականի պետական բյուջեի նախագծով կանխատեսվող բյուջետային մուտքերի մակարդակից և ծախսերի առաջնահերթությունից ելնելով». այսպիսի և առավել ծավալուն հիմնավորումներ է բերել կառավարությունը՝ 2015 թվականի բյուջեի նախագծի վերաբերյալ ստացված առաջարկությունները մերժելու համար: 

Ամենաշատ առաջարկությունները կառավարությունը ստացել է ՀՀԿ խմբակցությունից և ՀՀԿ-ական պատգամավորներից, և հենց այս պատճառով էլ ամենաշատ մերժված առաջարկությունները ևս ՀՀԿ-ականներինն են: Ստացված 367 առաջարկությունից ավելի քան 300-ը ՀՀԿ-ինն են: Եվ սա պատահական չէ. բյուջե 2015 թվականին կողմ քվեարկեց միայն Հանրապետականը: 
Ազգային ժողովի 12 մշտական հանձնաժողովներից 2015 թվականի բյուջեի նախագծի վերաբերյալ առաջարկություններ էին ներկայացրել միայն 5-ը. սոցիալական, գիտության-կրթության, առողջապահության, մարդու իրավունքների և տարածքային հարցերի հանձնաժողովները: 
Մանրամասն
11/12/2014

Հայաստանի խորհրդարանը վավերացրեց ԵՏՄ-ին անդամակցելու պայմանագիրը

Հայաստանի խորհրդարանը վավերացրեց ԵՏՄ-ին անդամակցելու պայմանագիրը
Հայաստանի Ազգային ժողովը եռօրյա քննարկումից հետո դեկտեմբերի 4-ին ձայների 103 «կողմ», 7 «դեմ» և 1 «ձեռնպահ» հարաբերակցությամբ վավերացրեց 2014թ. հոկտեմբերի 10-ին Մինսկում «Հայաստանի հանրապետության՝ «Եվրասիական տնտեսական միության մասին» 2014թ. մայիսի 29-ի պայմանագրին միանալու մասին» պայմանագիրը: Դեմ քվեարկեցին «Ժառանգություն» խմբակցության անդամները, ՀԱԿ խմբակցության պատգամավոր Նիկոլ Փաշինյանը, անկախ պատգամավորներ Էդմոն Մարուքյանն ու Խաչատուր Քոքոբելյանը: Միակ «ձեռնպահ»-ը ՀՅԴ խմբակցության քարտուղար Աղվան Վարդանյանն էր: ԱԺ 6 խմբակցություններից 5-ը՝ ՀՀԿ-ն, ԲՀԿ-ն, ՀԱԿ-ը, ՕԵԿ-ը և ՀՅԴ-ն,  «կողմ» քվեարկեցին պայմանագրին
Մանրամասն
04/12/2014

ՀՀԿ-ն գաղափարներին կողմ է, նախագծերին՝ դեմ

ՀՀԿ-ն գաղափարներին կողմ է, նախագծերին՝ դեմ
Խորհրդարանական մեծամասնությունը հաճախ է ընդդիմության նախագծերը մերժում հիմնավորմամբ, թե կողմ է գաղափարին, բայց գաղափարը վատ է իրականացվել, այսինքն, նախագիծը թերի է: Սա նշանակում է, որ մեծամասնությունը մտադիր է այդ լավ գաղափարը ներկայացնել սեփական նախաձեռնությամբ, սեփական օրենքի նախագծով: Իսկ այսպիսի ցանկացած նախագծի կողքին ընդդիմության ցանկացած նախագիծ դուրս է մրցակցությունից: 

Այս քառօրյայում «ոչ մրցունակ» այսպիսի երկու նախագիծ կար: Երկուսի վերաբերյալ էլ գլխադասային հանձնաժողովները դրական եզրակացություն չէին տվել:
Մանրամասն
02/12/2014
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter