Parliamnet Monitoring

  • Facebook
  • Twitter

News

Աշնանային նստաշրջանին ընդառաջ

Աշնանային նստաշրջանին ընդառաջ
ԱԺ աշնանային նստաշրջանում ուշացումով քննարկվելու է նաև Վերահսկիչ պալատի 2013թ. տարեկան հաշվետվությունը: Մինչդեռ «Վերահսկիչ պալատի մասին» օրենքի համաձայն՝ այն պետք է քննարկվեր գարնանային նստաշրջանի ընթացքում: 2013թ. ՎՊ-ն ստուգել է գնումների գործընթացը առողջապահության , շինարարության ոլորտներում, վարկային համակարգում և գրեթե ամենուր խախտումներ է հայտնաբերել: Օրինակ, 2012թ. և 2013թ. առաջին կիսամյակում Առողջապահության նախարարության կողմից մրցույթով «Նատալի ֆարմ» և «ՄԼՆ ֆարմ» ընկերություններից ձեռք է բերվել ավելի քան 224 հազար սրվակ ինսուլին, որի 1 սրվակի արժեքը եղել է 4800 դրամ: Հետագայում որոշվել է 2013-2019 թթ. բանակցային ընթացակարգով անհրաժեշտ ինսուլինը ձեռք բերել «Նովո Նորդիսկ Ա/Ս» ընկերությունից՝ 1 սրվակը 1345 դրամով: Այսինքն՝ երեքուկես անգամ ավելի էժան գնով, ինչի արդյունքում 2014թ.  պետբյուջեի խնայողությունը կկազմի 736 մլն դրամ, մինչդեռ նախարարությունը տարիներ շարունակ ինսուլինը ձեռք է բերել շատ ավելի թանկ գնով: 
Մանրամասն
05/09/2014

Ի՞նչ է արել Էթիկայի հանձնաժողովը

Ի՞նչ է արել Էթիկայի հանձնաժողովը

5-րդ գումարման 5-րդ նստաշրջանի ընթացքում ԱԺ էթիկայի ժամանակավոր հանձնաժողովը հրավիրել է 7 նիստ` քննարկման առարկա ունենալով ընդամենը 3 դիմում. «Սինջար եզդիների ազգային միավորում» և «Եզդիների ազգային կոմիտե» ՀԿ-ների դիմումը` ընդդեմ ՀՀԿ-ական պատգամավոր Մանվել Բադեյանի, լրագրողներ Գրիշա Բալասանյանի, Աննա Եղիազարյանի, Սարգիս Խանդանյանի և Հակոբ Կարապետյանի դիմումը` ընդդեմ ՀՀԿ-ական Առաքել Մովսիսյանի, և պատգամավոր Նիկոլ Փաշինյանի դիմումը, որը վերաբերում էր հենց իրեն՝ Փաշինյանին:


Քննարկված 3 դիմումներից միայն 1-ի դեպքում է հանձնաժողովը որոշել, որ պատգամավորը՝ Առաքել Մովսիսյանը, խախտել է էթիկայի նորմերը՝ անհարգալից վերաբերմունք ցուցաբերելով քննարկման մասնակիցների ու դիմողների նկատմամբ: Խոսքը 2013 թվականի դեկտեմբերի 13-ին գազային համաձայնագրերի վավերացման ընթացքում գրանցված հայտնի միջադեպի մասին է, երբ Մովսիսյանը, նկատի ունենալով դահլիճ մտած լրագրողներին, գոռացել էր՝ «էս կապիկներին դուրս արեք ըստուց»:

Մանրամասն
01/07/2014

Ի՞նչ է հայտնաբերել գազային հանձնաժողովը

Ի՞նչ է հայտնաբերել գազային հանձնաժողովը
Հանձնաժողովն իր միջանկյալ զեկույցում մի շարք մտահոգություններ է նշել: Դրանք հիմնականում վերաբերում են գազի սակագնի ձևավորմանը: Օրինակ, «ՀայռուսԳազարդի» աշխատավարձերի գծով ծախսը ավելացել է մոտ 8,9 մլրդ դրամով, ինչը պայմանավորված է եղել միջին ամսական աշխատավարձը 119 հազար դրամից 227 հազար դրամ բարձրացնելու հանգամանքով: Ինչպես նաև աշխատողների քանակը 4792-ից 5783 դարձնելու կամ մոտ 1000-ով ավելացնելու գործոնով: Հատկապես երկրորդ հանգամանքը հանձնաժողովում լուրջ մտահոգություններ է առաջացրել այն պատճառով, որ Հայաստանում գազիֆիկացումը գրեթե ավարտվել է, և այդ առումով լրացուցիչ աշխատուժ ներգրավելու անհրաժեշտություն, կարծես թե, չկա:
Մանրամասն
23/06/2014

ՀՀԿ-ն ընդունեց կուտակայինը. 3 ընթերցում ՝ մեկ օրում

ՀՀԿ-ն ընդունեց կուտակայինը. 3 ընթերցում ՝ մեկ օրում
Ազգային ժողովը միակուսակցական համերաշխության մթնոլորտում, հունիսի 21-ի արտահերթ նիստում միանգամից երեք ընթերցումներով ընդունեց «Կուտակային կենսաթոշակների մասին» օրենքի նախագիծն ու կից փաթեթը: Երեք քվեարկությունների մասնակիցը միայն ՀՀԿ խմբակցությունն էր ու երկու անկախ պատգամավոր: 

Առաջին ընթերցմամբ քվերակությունից հետո ոչ իշխանական ուժերը դուրս եկան դահլիճից` հայտարարելով, որ չեն ուզում մասնակցել ԱԺ կանոնակարգի խախտմամբ ընթացող նիստին: Ավելի ուշ քառյակը հայտարարություն տարածեց` չբացառելով, որ «Կուտակային կենսաթոշակային օրենքի» սահմանադրականությունը վիճարկելու խնդրով նորից կարող է դիմել Սահմանադրական դատարան: Քառյակը կուտակայինի քննարկումն ու ընդունումն անվավեր է համարում, հայտարարելով, որ փաթեթն ընդունվել է ԱԺ կանոնակարգ օրենքի կոպտագույն խախտումներով, պատգամավորների ու խմբակցությունների իրավունքների սահմանափակմամբ:
Մանրամասն
20/06/2014

Կուտակայինի քննարկումը սկսվեց

Կուտակայինի քննարկումը սկսվեց
«Այսինքն, կառավարությունը ընդառաջել է հասարակության պահանջին, որ պարտադիրը հանվում է, և ավելորդ սոցիալական բեռ չի լինելու, քանի ր աշխատավարձերի բարձրացում է լինելու»,-այս հուշող-համոզող նախադասությամբ դիմեց ԱԺ փոխնախագահ Էդվարդ Շարմազանովը Արտեմ Ասատրյանին, երբ վերջինս պատրաստվում էր ներկայացնել օրենսդրական փաթեթի փոփոխությունները: Նախարարը, բնականաբար, համաձայնեց և հարկ չհամարեց հիշեցնել, թե որքանով են բարձրանալու շարքային ուսուցչի, նախարարության շարքային աշխատակցի և պատգամավոր-նախարարի աշխատավարձերը: Նրանցից ոմանց համար աշխատավարձի բարձրացումը կլինի խիստ նկատելի, իսկ ոմանց համար նույնքան նկատելի կլինի պարտադիր պահումը սոցվճարի տեսքով:
Մանրամասն
18/06/2014

Արտահերթի ավանդույթներն ու անակնկալները

Արտահերթի  ավանդույթներն ու անակնկալները
Կառավարության օրակարգով հունիսի 18-ին հրավիրված Ազգային ժողովի արտահերթ նստաշրջանի օրակարգում 38 օրենսդրական նախաձեռնություն է և մեկ միջազգային համաձայնագիր: Ինչպես բոլոր արտահերթերի դեպքում, այս անգամ էլ անպատասխան մնաց հարցը, թե ինչով է կառավարությունը բացատրում այս բոլոր օրինագծերի ընդունման հրատապությունը: Նստաշրջանի մեկնարկին որոշ ընդդիմադիր պատգամավորներ նեղսրտեցին, թե արտահերթ ռեժիմով ներկայացվող հարցերը հանձնաժողովներում չեն քննարկվում, և խորհրդարանը նորից օրենքներ է ընդունելու առանց դրանց բովանդակությանը ծանոթանալու: ՀԱԿ պատգմավորների հորդորները՝ համոզել կառավարությանը որոշ նախագծեր հետ տանել, արդյունք չտվեցին: Լևոն Զուրաբյանի վերցրած 20 րոպեանոց ընդմիջումից հետո ԱԺ նախագահ Գալուստ Սահակյանը քվեարկության դրեց օրակարգում ընդգրկված նախագծերի քննարկման ընթացակարգի հարցը. այն տապալվեց: Տապալվեց նաև նախորդ քառօրյայում քննարկված օրենսդրական մի փաթեթի քվեարկություն: Ընդմիջում վերցնելու հերթը ՀՀԿ խմբակցության ղեկավար Վահրամ Բաղդասարյանինն էր:
Մանրամասն
17/06/2014

Ինչո՞ւ սպառողի հաշվին. հոսանքի թանկացումը ԱԺ լսումներում

Ինչո՞ւ սպառողի հաշվին. հոսանքի թանկացումը ԱԺ լսումներում
Հունիսի 17-ին Ազգային ժողովի տնտեսական հարցերով մշտական հանձնաժողովի կազմակերպած լսումների թեման էլեկտրաէներգիայի սակագնի սպասվող բարձրացումն էր: Հիշեցնենք՝ Հանրային ծառայությունները կարգավորող հանձնաժողովը հունիսի 3-ին սեփական նախաձեռնությամբ սկսել էր էլեկտրաէներգիայի սակագնի վերանայման գործընթաց և մոտ մեկշաբաթյա ուսումնասիրության արդյունքում հանգել էր այն եզրակացության, որ համակարգում առաջացած մոտ 20 մլրդ դրամ ֆինանսական ճեղքվածքը փակելու համար անհրաժեշտ է բարձրացնել էլեկտրաէներգիայի սակագինը: Խորհրդարանում հանձնաժողովի նախագահ Ռոբերտ Նազարյանը պատգամավորներին ու շահագրգիռ հասարակական կառույցների ներկայացուցիչներին պարզաբանում էր, թե որքանով է հիմնավորված հանձնաժողովի նման որոշումը:
Մանրամասն
16/06/2014

Ճոխ ընդունելություն, սկանդալային հայտարարություններ

Ճոխ ընդունելություն, սկանդալային հայտարարություններ
Ազգային ժողովում «Հայ-ռուսական խորհրդարանական ակումբի» հերթական՝ հունիսի 11-ի նիստը սկանդալային ընթացք ունեցավ «Ռուսաստանն այսօր» լրատվական գործակալության գլխավոր տնօրեն Դմիտրի Կիսելյովի մասնակցության շնորհիվ, ով համարվում է Կրեմլի ոչ պաշտոնական ներկայացուցիչը և քարոզիչը: Հայաստանի Հանրապետության խորհրդարանում նա բավական ներկայանալի ընդունելության արժանացավ: 

Դ.Կիսելյովին սպասարկող «Hummer» մեքենային թույլ էր տրվել մուտք գործել ԱԺ տարածք ու կայանել անմիջապես գլխավոր մուտքի մոտ: Ռուս լրագրողին մուտքի մոտ դիմավորել ու քննարկման սրահ էր ուղեկցել ԱԺ փոխնախագահ Հերմինե Նաղդալյանը, ով հայկական կողմից Հայ-ռուսական ակումբի համակարգողն է: Սովորաբար նման ընդունելության արժանանում են օտարերկրյա բարձրաստիճան պաշտոնյաները, մինչդեռ Դ.Կիսելյովն ընդամենը ռուսական լրատվական գործակալություններից մեկի ղեկավարն է: 
Կիսելյովի սկանդալային հայտարարությունները
Մանրամասն
11/06/2014

Քառյակը կոնկրետ հարցերի լուծում է պահանջում

Քառյակը կոնկրետ հարցերի լուծում է պահանջում
Խորհրդարանական ոչ իշխանական ուժերը հունիսի 10-ին հրապարակեցին համատեղ մշակված այն փաստաթուղթը, որը 12 պահանջ է ներառում և հասցեագրվում է իշխանություններին: Քառյակի ուժերը` ՀԱԿ-ը, «Բարգավաճ Հայաստան», «Դաշնակցություն» և «Ժառանգություն» խմբակցությունները որպես պահանջների կատարման վերջնաժամկետ նշում են սեպտեմբեր ամիսն ու խոստանում աշնանը, Ազատության հրապարակում համապետական հանրահավաք հրավիրել , ամփոփել իրենց պահանջների կատարումն ու ըստ դրա որոշել հետագա գործողությունները։
Մանրամասն
09/06/2014

Առաքել Մովսիսյան. ՀՀԿ-ի հերթական կանոնախախտը

Առաքել Մովսիսյան. ՀՀԿ-ի հերթական կանոնախախտը
Առաքել Մովսիսյանը երրորդ հանրապետականն է, ով, էթիկայի հանձնաժողովի կայացրած որոշման համաձայն, խախտել է պատգամավորի էթիկայի կանոնները: Նրանից առաջ հանձնաժողովը նման որոշումներ է ընդունել նաև Սամվել Ալեքսանյանի և Մհեր Սեդրակյանի վերաբերյալ. Ալեքսանյանի միջադեպը կապված էր ակտիվիստ Վարդգես Գասպարիի, իսկ Սեդրակյանինը՝ լրագրող Մհեր Արշակյանի հետ: Ուշագրավ է, որ այս երկու պատգամավորները մեկ անգամ չէ, որ էթիկայի հետ ունեցած խնդիրների պատճառով հայտնվել են լրատվամիջոցների ուշադրության կենտրոնում: Դժվար չէ ենթադրել, որ Առաքել Մովսիսյանի համար ևս հանձնաժողովի որոշումը դաս չի լինելու, քանի որ այդ որոշումը հրապարակվելուց բացի այլ բան չի ենթադրում: ԱԺ կանոնակարգ օրենքի համաձայն՝ Էթիկայի հանձնաժողովի նախագահը հանձնաժողովի որոշումը հրապարակում է առաջիկա քառօրյայի ընթացքում, ինչից հետո այն տեղադրվում է խորհրդարանի պաշտոնական կայքում, և վերջ: 
Մանրամասն
03/06/2014
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter