Parliamnet Monitoring

  • Facebook
  • Twitter

News

Հանրապետականը խուսափում է կոնկրետ խոստումներից

Հանրապետականը խուսափում է կոնկրետ խոստումներից
Հարցազրույց ԱԺ պատգամավոր, «Ազատ դեմոկրատներ» կուսակցության ցուցակով առաջադրված Հրանտ Բագրատյանի հետ:

- Պարոն Բագրատյան, Հանրապետական կուսակցության նախընտրական ծրագրում գերակշռում են ընդհանուր բնույթի ձևակերպումները: Չկան կոնկրետ խոստումներ, թե առաջիկա հինգ տարիներին մեր երկրի տնտեսությունն ինչ աճ կունենա, տնտեսության այս կամ այն ոլորտում ինչ փոփոխություններ կլինեն: Իշխանություններն ինչո՞ւ են խուսափել կոնկրետ խոստումներից:

- Խնդիրը միայն Հանրապետական կուսակցությանը չէ: Ընդհանրապես, երբ տնտեսական ծրագիր եք ներկայացնում, պետք է ցույց տաք, թե ինչի եք ունակ, ինչքան կարող եք աճեցնել հանրապետության ՀՆԱ-ն, փոփոխել մակրոտնտեսական ցուցանիշները: Դրանից հետո նոր կկարողանաք սոցիալական խոստումներ տալ: Այս առումով ՀՀԿ-ի ծրագիրը շահեկանորեն պետք է տարբերվեր մյուսներից, վերջին հաշվով իշխող քաղաքական ուժ է: Բայց երբ կարդում ես այդ ծրագիրը, տեսնում ես, որ ծրագիր չկա: Այսինքն՝ վիճակն այնքան բարդ է, որ ՀՀԿ-ն բացահայտորեն խուսափում է որևէ թիվ, որևէ կոնկրետություն նշելուց:
Մանրամասն
16/03/2017

Գ. Մինասյան. ՀՀԿ ցուցակը լավ չեք ուսումնասիրել

Գ. Մինասյան. ՀՀԿ ցուցակը լավ չեք ուսումնասիրել
Հարցազրույց ԱԺ ֆինանսավարկային և բյուջետային հարցերի մշտական հանձնաժողովի նախագահ, Հանրապետական կուսակցության ԳՄ անդամ Գագիկ Մինասյանի հետ:

- Պարոն Մինասյան, ՀՀԿ ռեյտինգային ցուցակում խորհրդարանական գործունեությամբ երբևէ աչքի չընկած, բայց տարբեր սկանդալային միջադեպերով հայտնի բազմաթիվ դեմքեր են՝ Նահապետ Գևորգյան, Առաքել Մովսիսյան, Սամվել Ալեքսանյան, Մանվել Գրիգորյան: Նրանց ավելացել է նաև օֆշորային սկանդալի հերոս, ԴԱՀԿ նախկին պետ Միհրան Պողոսյանը: Դուք աննախադեպ բարեփոխումների մասին հայտարարություններ եք անում, այս դեմքերով կհաջողվի՞:

- Լավ չեք ուսումնասիրել մեր ցուցակը, եթե լավ ուսումնասիրած լինեիք, կտեսնեիք, որ թեկնածուների մեծ մասը բժիշկներ, ուսուցիչներ են: Մեր ցուցակը մեր ժողովրդի հայելին է. ցանկացած շերտի ներկայացուցիչ կա: Ինչ վերաբերում է ռեյտինգայինին թեկնածուներին, ապա ժողովուրդն ինքը պիտի ընտրի նրան, ով իրեն հոգեհարազատ է, և ով, իր կարծիքով, իր խնդիրներն ավելի լավ կներկայացնի խորհրդարանում:
Մանրամասն
20/02/2017

Ընտրություններին Մխիթարյանի նման պասեր ենք տալու

Ընտրություններին Մխիթարյանի նման պասեր ենք տալու
Parliamentmonitoring.am-ի զրուցակիցը ՀԱԿ խմբակցության քարտուղար Արամ Մանուկյանն է:

- Պարոն Մանուկյան, այս խորհրդարանական ընտրություններն ինչո՞վ են տարբերվում նախորդներից:

- Բավականաչափ թատերականացված են: Միշտ եղել է այդ էլեմենտը, բայց հիմա, բացի թատերականից, ուրիշ բան չի մնացել: Իշխանությունները մշակված գործիքներ են կիրառում՝ ընդդիմադիրներ են սարքում, որոնք սկսում են ընդդիմությունից բարձր հայհոյել, ու շփոթվում ես, թե էս ինչ է կատարվում: Սա իշխանական ծրագիր է, որը դեռ հաջողությամբ է իրականացվում: Մյուս կողմից էլ՝ թեպետ ֆորմալ առումով դա իրականացնում են, բայց բոլորը հասկանում են, որ ընդամենը մի քանի ամիս առաջ բարձր պաշտոն զբաղեցրած անձը, որը խոցելի է, հանկարծ հայտնվել է հակառակ բլոկում և կուրծք ծեծելով արդարություն է պահանջում:
Մանրամասն
11/02/2017

Կողմ կլինենք այն կոալիցիաներին, որտեղ առանցքային դերակատարում կունենանք

Կողմ կլինենք այն կոալիցիաներին, որտեղ առանցքային դերակատարում կունենանք
Հարցազրույց ԱԺ ՕԵԿ խմբակցության պատգամավոր Հովհաննես Մարգարյանի հետ:

- Պարոն Մարգարյան, Շիրակի մարզում ռեյտինգային ընտրակարգով առաջադրվելո՞ւ եք:

- Այո, կառաջադրվեմ: Ես այդ տարածքում բոլոր ընտրություններին մեծամասնական ընտրակարգով առաջադրվել եմ: 2012թ. խորհրդարանական ընտրություններին մոտ 10 հազար ձայն եմ ստացել, որն ընդհանուրի մոտ 40 տոկոսն էր: Որոշել ենք, որ ռեյտինգային ընտրակարգով կառաջադրվեն կուսակցության տարածքային կառույցների համակարգողները:

- ՕԵԿ-ի որոշումը վերջնակա՞ն է՝ միայնակ մասնակցել խորհրդարանական ընտրություններին, թե՞ այլ ուժերի հետո քննարկումներ վարում եք:

- Նախ՝ «Հայկական վերածնունդը» բավական լայն դաշինք է, բայց նաև կան քննարկումներ առանձին անհատների ու կուսակցությունների հետ: Բայց ես ձեռնպահ կմնամ այդ հարցին պատասխանելուց, որովհետև ասում են՝ երբեք մի ասա երբեք: Չեմ ուզում ժամանակից առաջ ընկնել, քանի որ տարբեր հանգուցալուծումներ են հնարավոր:
Մանրամասն
04/02/2017

Դեռ հայտնի չէ, թե ով կգլխավորի Հանրապետական կուսակցության համամասնական ցուցակը

Դեռ հայտնի չէ, թե ով կգլխավորի Հանրապետական կուսակցության համամասնական ցուցակը
Parliamentmonitoring.am-ի զրուցակիցը Հանրապետական խմբակցության անդամ Սամվել Նիկոյանն է:

- Պարոն Նիկոյան, փաստորեն Հանրապետական կուսակցությունը չի կարող վարչապետ Կարեն Կարապետյանին ընդգրկել համամասնական ցուցակում, քանի որ նա վերջին չորս տարիներին մշտապես Հայաստանում չի բնակվել:

- Մեր ցուցակը կազմվելու է այնպես, որ որևէ խնդիր չառաջացնի: Մենք սրբորեն պահպանելու ենք մեր Սահմանադրության և օրենքների պահանջները: Նախկինում եղել են դեպքեր, երբ որևէ պաշտոնի համար ներկայացված թեկնածուի փաստաթղթերի իսկության նկատմամբ հանրության մեջ կասկած է առաջացել: Կարծում եմ՝ մենք այդ ճանապարհով չենք գնա:
Մանրամասն
16/01/2017

Կոռուպցիայի բարձր մակարդակի պատճառով Հայաստանի վրա միջազգային ճնշում կա

Կոռուպցիայի բարձր մակարդակի պատճառով Հայաստանի վրա միջազգային ճնշում կա
Դեկտեմբերի 13-ի արտահերթ նստաշրջանի ընթացքում Ազգային ժողովն ընդունեց Քրեական և Քրեական դատավարության մասին օրենսգրքերում կառավարության առաջարկած փոփոխությունները, որոնցով ապօրինի հարստացման քրեականացում է նախատեսվում: Սա կառավարության խոստացած հակակոռուպցիոն փաթեթի քայլերից մեկն է: Նախաձեռնության առաջին քայլով կարգավորվեց բարձրաստիճան պաշտոնյանների գույքի ու եկամուտների հայտարարագրման ինստիտուտը. պատասխանատվություն նախատեսվեց հայտարարագրերը Բարձրաստիճան պաշտոնյաների էթիկայի հանձնաժողով սահմանված ժամկետում չներկայացնելու, դրանցում ոչ ամբողջական կամ կեղծ տվյալներ ներկայացնելու համար: Երկրորդ փաթեթով կառավարությունն առաջարկում է քրեականացնել ապօրինի հարստացումը: Մասնավորապես, 3-ից 6 տարի ազատազրկում է նախատեսվում այն դեպքերի համար, երբ էական անհամապատասխանություն է բացահայտվում պաշտոնյայի գույքի և օրինական եկամուտների միջև: Որպես անհամապատասխանության էական շեմ սահմանվում է 5 միլիոն դրամը: 

Թեմայի շուրջ Parliamentmonitoring.am-ը զրուցել է պատգամավոր Էդմոն Մարուքյանի հետ:

- Պարոն Մարուքյան, քննարկմանը կարծիք հայտնեցիք, որ գույքի ու եկամուտների անհամապատասխանության 5 մլն դրամի շեմը պետք է նվազեցվի: Մինչդեռ պատգամավորների մի մասը կարծում է, որ այդ սահմանաչափը պետք է ավելի բարձրացնել:

- Ես 460.000 դրամ աշխատավարձ եմ ստանում և գտնում եմ, որ այդ 5 մլն դրամը մեծ գումար է: Եթե մարդիկ կան, որոնք դոլարով միլիոնատեր են, կարող են նման հայտարարություններ անել: Երկրի սոցիալ-տնտեսական վիճակից ելնելով պետք է գնահատենք՝ մե՞ծ գումար է, թե՞ ոչ: Ես ասում եմ, որ մեծ գումար է: Եթե ամեն տարի ես 5 մլն դրամ չհիմնավորված փող ունենամ, հինգ տարում դա բավական մեծ գումար կկազմի:
Մանրամասն
17/12/2016

Կառավարության ծրագիրն արտացոլված չէ 2017թ. բյուջեում

Կառավարության ծրագիրն արտացոլված չէ 2017թ. բյուջեում
«Բարգավաճ Հայաստան» խմբակցությունը դեմ քվեարկեց 2017թ. բյուջեի նախագծին: Խմբակցության անդամ Միքայել Մելքումյանը հայտարարեց, որ ՀՀԿ-ն՝ որպես քաղաքական մեծամասնություն, ձախողել է իր հնգամյա ծրագիրը: Բյուջեի ու ՀՀԿ-ի ծրագրի ձախողման մասին Parliamentmontitoring.am-ը զրուցել է Մ.Մելքումյանի հետ: 

- Պարոն Մելքումյան, տնտեսական ի՞նչ ձեռքբերումներ է խոստանում 2017թ. բյուջեն:

- Ես նախ կասեմ, որ նոր կառավարության ծրագիրը բյուջեի հետ քիչ կապ ունի: Կառավարության ծրագրում ավելի հավակնոտ և ավելի լուրջ արդյունքներ ստանալու խոստումներ կային թե հակակոռուպցիոն, թե մենաշնորհների դեմ պայքարի, թե ընդհանրապես տնտեսական զարգացման առումով: Մինչդեռ բյուջեում հազիվ ծայրը ծայրին հասցնելու վիճակ է նկարագրված: Հուլիս-օգոստոս ամիսներից մեր տնտեսության զարգացումը անկումային է: Երրորդ եռամսյակում ունենք ընդամենը 2,6 տոկոս ՀՆԱ-ի աճ, մոտ 400 մլրդ դրամի անվանական ՀՆԱ-ի անկում, որից 21 տոկոսը հարկերն են. 80 մլրդ դրամից ավելի պետական բյուջե թերհավաքագրում կա: 
Ամեն անգամ կայունացման վարկ ենք վերցում, որ այդ դեֆիցիտը փակենք:
Մանրամասն
10/12/2016

Եթե կուսակցությունները չունեն ներքին ժողովրդավարություն, չեն կարող ժողովրդավարության ջատագով լինել

Եթե կուսակցությունները չունեն ներքին ժողովրդավարություն, չեն կարող ժողովրդավարության ջատագով լինել
Նոյեմբերի 28-30-ի արտահերթ նիստում Ազգային ժողովն առաջին ընթերցմամբ ընդունեց Կուսակցությունների մասին օրենքի նախագիծը: Parliamentmonitoring.am-ը թեմայի շուրջ զրուցել է Հանրապետական խմբակցության անդամ, Քրիստոնեադեմոկրատական կուսակցության նախագահ Խոսրով Հարությունյանի հետ:

-Եկեք անկեղծ լինենք ու ասենք՝ ՀՀԿ-ից բացի ԱԺ-ում ներկայացված ո՞ր կուսակցությունը կարող է կառավարության կազմ ներկայացնել: Ոչ մեկը:

- ՀՀԿ-ն էլ չկարողացավ: Վարչապետին ու մի շարք նախարարներին դրսից բերեց: Մյուսներն էլ կարող են այդպես վարվել:

- Ոչ, ՀՀԿ-ն կարող է կազմել, այլ հարց է նպատակահարմարությունը: Ես գտնում եմ, որ կուսակցությունը ընտրության գնալուց առաջ պետք է ներկայացնի իր կառավարության կազմը: Սահմանադրական փոփոխություններից առաջ ես առաջարկում էի ամրագրել, որ համապետական ընտրություններին մասնակցող կուսակցությունը պետք է առաջարկի իր կառավարության կազմը: Եթե մենք կարողանայինք դա ամրագրել, ես վստահ եմ, որ լրատվամիջոցները կհրավիրեին հնարավոր բոլոր գյուղնախարարներին կամ էկոնոմիկայի նախարարներին, և քննարկում կկազմակերպվեր: Եվ տեսեք, թե նախընտրական պայքարն ինչ կոնկրետ կդառնար:
Մանրամասն
03/12/2016

Ա. Մանուկյան. ԲՀԿ-ի հետ կիսելու բան չեմ ունեցել

Ա. Մանուկյան. ԲՀԿ-ի հետ կիսելու բան չեմ ունեցել
Հարցազրույց ԱԺ ԲՀԿ խմբակցության անդամ Աբրահամ Մանուկյանի հետ: 

- Հավանաբար սպասում եք Գագիկ Ծառուկյանը որոշմանը՝ վերադառնո՞ւմ է ակտիվ քաղաքականություն, թե՞ ոչ:


- Դա էլ կարող ենք հաշվի առնել:

- Եթե Ծառուկյանը նորից գլխավորի ԲՀԿ-ն, կվերադառնա՞ք ԲՀԿ:

- Միանշանակ: Նա իմ երկար տարիների ընկերն է` անկախ կուսակցության պատկանելությունից:
Մանրամասն
21/11/2016

Վարդան Այվազյանը հանրային դժգոհություն չի տեսնում

Վարդան Այվազյանը հանրային դժգոհություն չի տեսնում
Նոյեմբերի 10-ին խորհրդարանն ավարտեց մարտական գործողությունների ժամանակ զոհված կամ հաշմանդամ դարձած զինծառայողների ընտանիքների հատուցմանը վերաբերող օրենսդրական փաթեթի եռօրյա բուռն քննարկումը: Նոյեմբերի 11-ին փաթեթն առաջին ընթերցմամբ ընդունվեց ձայների 102 կողմ, 3 դեմ հարաբերակցությամբ: Parliamentmonitoring.am-ը թեմայի շուրջ զրուցել է ԱԺ տնտեսական հարցերի մշտական հանձնաժողովի նախագահ Վարդան Այվազյանի հետ:

Չե՞ք կարծում, որ թե ընդհանուր առմամբ, թե կոնկրետ բանակում չարաշահումները, կոռուպցիան, պաշտոնյանների շքեղ ծառայողական մեքենաներն ու տներն այնքան սուր խնդիր են դարձել, որ ցանկացած նախագծի քննարկում վերածվում է այդ երևույթի քննադատությանը:


- Միանշանակ: Կառավարությունում արդեն ապօրինի հարստացման, պաշտոնյայի եկամուտների ու ծախսերի անհամարժեքության վերաբերյալ նախագծեր կան: Այ, երբ այդ նախագծերը կգան ԱԺ, ու հանկարծ Այվազյան Վարդանը կասի՝ ինչու եք բերել, այդ ժամանակ ինձ քննադատեք: 
Մանրամասն
17/11/2016
1 2 3 4 5 6 7 8 9 10 11
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter