Parliamnet Monitoring

  • Facebook
  • Twitter

News

Միությունում, որին մեր իշխանությունը պատրաստվում է միանալ, ընդունվում են զավեշտալի օրենքներ

Միությունում, որին մեր իշխանությունը պատրաստվում է միանալ, ընդունվում են զավեշտալի օրենքներ

Հարցազրույց ԱԺ արտաքին հարաբերությունների հանձնաժողովի փոխնախագահ, «Ժառանգություն» խմբակցության անդամ Ալեքսանդր Արզումանյանի հետ:

-Մաքսային միությանը վերաբերող հարցի քննարկման ժամանակ պատգամավորները նորից խոսեցին Ազգային ժողովի դերի մասին: Ձեր կարծիքով` այս մեկ տարվա ընթացքում ԱԺ դերակատարումը մեծացե՞լ է:

-Որոշ առումով ԱԺ-ն ավելի հետաքրքիր է դարձել, որովհետև ընդդիմությունը առավել մեծ ներկայացվածություն ունի, քան նախորդում էր, բայց կառավարության և Ազգային ժողովի աշխատաոճը չի փոխվել: Նույնն էլ վերաբերում է առանձին նախարարների հետ աշխատաոճին: Այսինքն, չկա դիալոգի միջոցով երկուստեք ընդունելի լուծումներ գտնելու ցանկություն, ու շատ հաճախ իշխանությունը, օգտվելով բացարձակ մեծամասնություն ունենալու փաստից, միանգամից ընդունում է հարցերի` իր համար ընդունելի տարբերակները: Իհարկե, ընդդիմության տեսակետները հանրությանը հասցվում են, հասարակությունը տեղյակ է դրանցից, բայց մինչև ԱԺ-ի դերակատարման բարձրացումը երկար ճանապարհ ունենք անցնելու:

-Կարծում եք դրա՞ արդյունքն էր, որ Մաքսային միությանը միանալու մասին նախագահը հայտարարեց` առանց ԱԺ-ին նախապես տեղյակ պահելու:

-Եթե ֆորմալ օրենքի տառին հետեւելով խոսենք, ապա պետք է ասեմ, որ նախագահը լիազորված է բանակցել, ստորագրել պայմանագրեր, դրանք քննարկել ՍԴ-ում, հետո բերել  մեր վավերացմանը: Դա նորմալ պրակտիկա է` կարգավորված «Միջազգային պայմանագրերի մասին» օրենքով: Այստեղ օրենքի տառի խախտում չկա, բայց օրենքը նաեւ ոգի է ունենում, այդ ոգին է խախտվել: Մենք խոսում ենք Հայաստանի Հանրապետւթյան ճակատագրի մասին: 4 տարի շարունակ հռչակվել է արտաքին քաղաքականության մի վեկտոր, կատարվել է ահռելի աշխատանք, մասնագետները կարողացել են «Խորը և համապարփակ առևտրի» մասին բարդ համաձայնագիրը հասցնել ավարտին, տեխնիկական որևէ խնդիր չի մնացել, ու հիմա դրան զուգնընթաց հայտարարել մի այլ գործընթցաի մասին, սա անընդունելի է: Այստեղ է, որ մենք պահանջում ենք, որ կիրառվի օրենքի ոգին: Ի վերջո`  որքանո՞վ է իշխանության ներքին լեգիտիմությունը թույլ տալիս, որ այս հարցը որոշվի առանց ԱԺ-ի և հանրության հետ քննարկման: Կան հարցեր, որոնք շատ ավելի լայն քննարկման կարիք ունեն, ու սա այդ հարցերից մեկն էր: Ես, սակայն, պետք է նաև նշեմ, որ այսօրվա խորհրդարանի արտաքին հարբերությունների հանձնաժողովին, ի տարբերություն նախորդների, ավելի հաճախ է հաջողվում տարբեր քննարկումների համար ԱԺ հրավիրել ԱԳՆ-ի ներկայացուցիչների, ղեկավարին, ու դրա մի օրինակն էլ  Էդվարդ Նալբանդյանի հետ այս կարևոր հարցի քննարկումն էր:

-Բայց Ձեր իսկ գնահատմամբ` դա քննարկում էր для галочки, չի՞ ստացվում, ուրեմն, որ այդ քննարկումները ավելի շատ ձևական բնույթ են կրում:

-Իհարկե, նաև դա կա: Դրա համար Թևան Պողոսյանի կողմից շրջանառության մեջ է դրվել մի օրենքի նախագիծ, որով կարգավորվելու են ԱԺ արտաքին հարաբերությունների հանձնաժողովի և ԱԳՆ-ի հարաբերությունները, մասնավորապես, առաջարկվում է, որ նորանշանակ դեսպանները պարտադիր այցելեն հանձնաժողով ու էլի մի շարք հարցեր, որոնք վերաբերում են ԱԳՆ-ի հետ հարաբերություններին:

-Գլխադասային հանձնաժողովը դրական եզրակացություն արդեն տվե՞լ է այդ նախագծին:

-Գլխադասայինը պետաիրավական հանձնաժողովն է:  Այստեղ կան որոշ առաջարկություններ, որոնք քննարկվում են, բայց եթե այս նախագիծը ընդունվի,կհաջողվի իմ ասած հարաբերությունները կանոնակարգել:

-Դրա միջոցով ԱԺ-ն փորձո՞ւմ է որոշակի վերահսկողություն սահմանել ԱԳՆ-ի նկատմամբ:

-Կարող եք ասել վերահսկողություն,կարող եք ասել համագործակցություն: Խնդիրն այն է, որ խորհրդարանական դիվանագիտությունը մեծ դեր է կատարում ամբողջ աշխարհում, Հայաստանն էլ մի քանի խորհրդարանական վեհաժողովների անդամ է, մենք պետք է իրազեկված լինենք:

-Դռնփակ քննարկումը ԱԳ նախարարի հետ առավելագու՞յնն էր, որ կարող էր անել ԱԺ-ն այս փուլում:

-Ոչ, դա նվազագույնն էր, որ պիտի արվեր:  Հանձնաժողովում քննարկման ժամանակ ես առաջարկել եմ, որ վարչապետին էլ հրավիրենք: Ի վերջո, նրա ղեկավարությամբ է իրականացվելայս ամբողջ գործընթացը, Էկոնոմիկայի նախարարությունն է վարել բանակցություններ: Կառավարությունն է ստեղծել  «Գիլյոտին» ծրագիրը, որը զբաղվում էր մեր օրենսդրույթունը եվրոպականին ներդաշնակեցնելով: Պետք է հասկանանք` շարունակվելու է այս գործընթացը թե ոչ: Միությունում, որին մեր իշխանությունը պատրաստվում է միանալ, գործում է ոչ եվրոպական օրենսդրություն, ընդունվում են զավեշտալի, խայտառակ օրենքներ: Եթե մենք կրկնօրինակելու ենք այդ ամենը, ապա անիմաստ էր մեր օրենսդրության ներդաշնակեցումը:

-«Ազատ դեմոկրատներ»-«Ժառանգություն» ապահարզանից հետո «Ժառանգությունը» պահանջում էր, որ Դուք հրաժարվեք արտաքին հարաբերությունների փոխնախագահի պաշտոնից: Այդ պահանջը այսօր արդեն չկա՞:

-Ամեն ինչ նորմալ է, այդ հարցը այլևս չկա, որովհետև խնդիրը կարգավորվում է ԱԺ կանոնակարգով:

Քվեարկության պատմություն

Արզումանյան Ալեքսանդր Ռոբերտի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Արզումանյան Ալեքսանդր «Ժառանգություն» 398 268 205 29 63 28 21
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները