Parliamnet Monitoring

  • Facebook
  • Twitter

News

Սուրբ տեղը դատարկ չի մնում. Հ. Նաղդալյան

Սուրբ տեղը դատարկ չի մնում. Հ. Նաղդալյան

-«Պետական պաշտոններ զբաղեցնող անձանց վարձատրության մասին» օրենքի քննարկման ժամանակ շատ խոսվեց այն մասին, որ նախարարի աշխատավարձը, օրենքի ընդունումից հետո, ավելի բարձր է լինելու, քան պատգամավորինը: Ձեզ համար ընդունելի՞  էին կառավարության բացատրությունները, թե ինչու պետք է նախարարը պատգամավորից ավելի բարձր աշխատավարձ ստանա:

-Նախ ասեմ, որ օրենքի քննարկումից սխալ տպավորություն ստացվեց: Կարևորը նախարարի ու պատգամավորի աշխատավարձի տարբերությունը չէր: Կարևորը օրենքի կարգավորման դաշտն էր, սկզբունքները, նպատակը: Այս օրենքով աշխատավարձի միասնական համակարգ է ձևավորվում: Սրան պետք է ուշադրություն դարձնել: Ինչ վերաբերում է պատգամավորների դժգոհությանը, խնդիրն այստեղ ոչ թե աշխատավարձի չափն է,այլ, պատգամավորի կարգավիճակը: Սահմանադրությունն է սահմանում իշխանության թևերի հավասարությունը, ու կառավարությունը առաջին հերթին սա պիտի հաշվի առներ նախագիծը գրելիս: 

-Մինչև հիմա հաշվի առնվել էր, հիմա ինչո՞ ւ շրջանցվեց: 

-Հիմնական զեկուցողը բացատրեց, որ փոխվել է մեթոդիկան, և հաշվի են առնվել իրենց անցկացրած հարցումները: Բայց ես պիտի նկատեմ, որ մենք քննարկում ենք օրենսդրական նախաձեռնությունը և ոչ թե հարցումները: Պատճառաբանություններից մեկն էլ նախարարի ծանրաբեռնվածությունն էր ու պատասխանատվությունը:

՞ւմ պատասխանատվությունն է մեծ` նախարարի՞, թե՞ պատգամավորի:

-Չէի ուզենա այդպիսի հարց քննարկել: Ինձ համար այս հարցի մեջ բանավեճ չկա. առաջնայինը քաղաքական պատախանատվությունն է, մանդատն է, օրենսդիրն է: Սահմանադրական մոտեցումները անբեկանելի են: Պարզ է, որ օրենսդիրն է ձևավորում  կառավարություն ու պատասխանատու է այդ կառավարության համար, այսինքն, հիմնարարի և ածանցյալի կապը բացարձակ պարզ է, և հարցումների տարբերակը ընդունելի չէ:

-Գալուստ Սահակյանն ասաց, որ բարձր աշխատավարձ ստացող պաշտոնյան երկրի իմիջն է ձևավորում: Իսկ ցածր աշխատավարձ ստացող բժիշկն ու ուսուցիչը, Ձեր կարծիքով երկրի իմիջի ձևավորման վրա չե՞ ն ազդում:

-Երկրի իմիջը բոլորս ենք ձևավորում, և ոչ մի կառավարություն չի ուզենա, որ ուսուցիչը ցածր աշխատավարձ ստանա: Ուսուցչի աշխատավարձն էլ տարիների ընթացքում բարձրացել է, բայց  Գալուստ Սահակյանը նկատի ուներ այն բարձրաստիճան պաշտոնյաներին, ովքեր դրսում են երկիրը ներկայացնում, շփումներ են ունենում, կապեր են ստեղծում:

-Դուք միջազգային պատվիրակություններում աշխատելու հարուստ փորձ ունեք: Անդրադառնո՞ ւմ է աշխատավարձը դրսում աշխատանքների վրա:

-Ես միայն մեկ տարբերություն նշեմ. ոչ միայ հզոր, այլ նույնիսկ մեր հարևան երկրկներից պատվիրակությունները գալիս են բազմաթիվ օգնականներով, փորձագետներով, լրատվամիջոցներով, սպասարկող անձնակազմով, ինչը մենք չունենք: Սրա մասին է խոսքը, և ոչ թե այն մասին, որ ինչ- որ մեկը ուտում կամ հագնում է ավելին, քան մեր պաշտնյաները: 

-Եվ  դրանց չինելուց տուժու՞ մ է մեր պատվիրակությունների աշխատանքը:

-Իհարկե, տարիներ շարունակ մենք աշխատել ենք, որ տանուլ չտանք, բայց եթե մենակ ես ու քեզ զինված չես զգում, դրանից հաստատ աշխատանքը չի հեշտանում, մենք դա զգում ենք:

-Տիկին Նաղդալյան, Դուք հիշո՞ ւմ եք որևէ դեպք, որ պատվիրակության անդամին պատվիրակությունից հանելու համար փոխեն պատվիրակությունների կազմավորման կարգը, ինչպես եղավ Զարուհի Փոստանջյանի հայտնի հարցից հետո: 

-Նման դեպք չէր կարող լինել, որովհետև անհրաժեշտություն չի եղել: Այս խորհրդարանում նոր իրավիճակ է ստեղծվել. այսօր ունենք փոքրաթիվ պատգամավորներով 4 խմբակցություն: Դեռ անցած տարի ԵԽԽՎ պատվիրակությունը ձևավորելիս որոշվեց, որ գործելու է ռոտացիայի սկզբունքը, որպեսզի փոքր խմբակցությունները ներկայացված լինեն, ու այս նոր կարգը երևի պիտի դեռ տարվա սկզբին կիրառած լինեինք: Իրականում, որևէ առանձնահատուկ փոփոխություն ես այստեղ չտեսա:

-Բայց արդյունքում «Ժառանգությունը» դուրս մնաց ԵԽԽՎ պատվիրակությունից:

-Մեկը պիտի դուրս մնար:

-Այսինքն, Զարուհի Փոստանջյանի հարցը դրանում ոչ մի դեր չխաղա՞ ց: 

-Դուք կարող եք շարունակել մտածել, որ Փոտանջյանի հարցը դեր խաղացել է, բայց մեկ տարի առաջվա որոշման մասին տեղյակ էին բոլորը: Փոստանջյանի` պատվիրակությունում չլինելը հիմա աղմուկ է բարձրացրել, բա ինչո՞ ւ ՕԵԿը ձայն չէր հանում ու լուռ սպասում էր իր հերթին: Եկեք արդարամիտ լինենք:

-Արմեն Ռուստամյանը ասում էր, որ Զարուհի Փոստանջյանի` պատվիրակությունում չլինելով աշխատանքի մի մեծ հատված բաց է մնում: Դուք ի՞ նչ եք կարծում այս առումով:

-Ես կարծում եմ, որ ես էլ, երբ պատվիրակությունում էի,  ինչ- որ մի դաշտ ունեի, սակայն եկավ մի ժամանակ, հասկացա, որ հիմա արդեն ուրիշ բանով պիտի զբաղվեմ: Սուրբ տեղը դատարկ չի մնում: Ես շատ սիրում ու հարգում եմ Փոստանջյանին, բայց կարո՞ ղ եմ, չէ՞ , հարցնել` երբ ինքը չի եղել պատվիրակության կազմում, ի՞ նչ են արել: Այսինքն, նրանից առաջ էլ, չէ՞ , ինչ- որ մեկը այդ նույն գործը անում էր:

-Տիկին Փոստանջյանն ասաց, թե Հովիկ Աբրահամյանին դժվար օրեր են սպասվում: Կարծում եք` Հովիկ Աբրահամյանը դժվարություններ ունենալո՞ ւ է այս որոշման հետ կապված:

-Զարուհու հետ հարաբերվելու դժվարություն, հնարավոր է, ուրիշ դժվարություն չեմ պատկերացնում:

-Տիկին Նաղդալյան, էթիկայի հանձնաժողովի վերջին նիստում քննարկված հարցը Ձեզ էր վերաբերվում: Անհանգստություն չունեցա՞ք, երբ իմացաք, որ  հանձնաժողովը Ձեր դեմ դիմում է ստացել:

-
Չանհանգստացա ընդհանրապես, որովհետև այն, ինչ պահանջում է օրենքը, ես արել եմ:  Ավելին, անձամբ ինքս բիզնես գործունեությամբ չեմ զբաղվում 90-ականների սկզբից, երբ առաջին անգամ ընտրվեցի Ձեռնարկատերերի միության նախագահ:  Իսկ իմ պատգամավորական գործունեությունը բոլորի աչքի առաջ է. ես ակտիվ պատգամավորներից եմ, մասնակցում եմ օրենքների ստեղծմանը, աշխատում եմ միջազգային պատվիրակություններում, մշտապես զբաղված եմ, ու եթե ուզեի էլ զբաղվել բիզնես-գործունեությամբ, ժամանակ չէի ունենայի: Այդ խոսակցությունները` բիզնես վուման, հանքատեր, ՀԷԿ-երի տեր… տարիներ շարունակ ես լսում եմ:

-Այսինքն, դրանք ընդհանրապե՞ս չեն համապատասխանում իրականությանը:

-Այն, ինչ ես ունեմ, դա ձեռնարկության 100 տոկոս մասնաբաժինն է, որը ներկայացված է իմ հայտարարագրում: Ձեռնարկության գործունեությամբ էլ զբաղվում է ամուսինս, ով նախկինում պետական աշխատող էր, բայց թողեց և հիմա զբաղվում է գործարարությամբ: 

-Այսինքն, ինչպես նախագահն էր ասել` Ձեզ մո՞տ էլ «թղթերով ամեն ինչ կարգին է»:

-Այո, կարգին է: Բայց բացի այն, որ «թղթերով ամեն ինչ կարգին է», ես նաև լավ աշխատող, ակտիվ պատգամավոր եմ, իսկ պատգամավորի` գործարարությամբ չզբաղվելու մասին խոսվում էր այն տեսանկյունից, որ բիզնեսը թույլ չի տալիս օրենսդրական գործունեությամբ զբաղվել, մինչդեռ պատգամավորի իմ ակտիվ գործունեությունը, խնդրեմ, բոլորի աչքի առաջ է:

Քվեարկության պատմություն

Նաղդալյան Հերմինե Միքայելի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Նաղդալյան Հերմինե «Հայաստանի հանրապետական կուսակցություն» 792 9 1 20 141 15 27
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները