Parliamnet Monitoring

  • Facebook
  • Twitter

News

Կառավարությունը պատգամավորներին նախագծեր է նվիրում

Կառավարությունը պատգամավորներին նախագծեր է նվիրում

Հարցազրույց ԱԺ ՀԱԿ խմբակցության անդամ Գագիկ Ջհանգիրյանի հետ: 

-Արդադարադատության նախարարի և իրավական ոլորտի մասնագետ պատգամավորների մասնակցությամբ Ազգային ժողովի նախագահի մոտ օրերս հրավիրվել էր քննարկում` հասկանալու համար` ուներ իրավունք «Նուբարաշեն» ՔԿՀ-ի պետը պատգամավոր Նիկոլ Փաշինյանին թույլ չտալ մտնել ՔԿՀ ու տեսակցել նոյեմբերի 5-ից հետո կալանավորվածների հետ: Ինչ-որ բան որոշակիացա՞վ այդ հանդիպման արդյունքում:

-Որոշակի բան քննարկվեց, բայց չեմ կարծում, թե դրանից խնդրի կարգավորման մեջ որոշակիություն մտավ: Իշխանության ներկայացուցիչները բաժանվել են երկու մասի: Մի մասը պնդում է, որ քրեակատարողական հիմնարկի պետի գործողությունները իրավաչափ են, մի մասը` իրավաչափ չեն: Ես երկրորդ տեսակետի կողմն եմ ու հակված եմ «Ձերբակալվածների և կալանավորվածների մասին» օրենքի 48 հոդվածը մեկնաբանել այնպես, ինչպես նախատեսում է այդ հոդվածը: Պատգամավորը անարգել մւտքի իրավունք ունի ՔԿՀ-ներ և ձերբակալվածներին պահելու վայրեր, ունի նաև առանց սահմանափակման ձերբակալվածներին տեսակցելու իրավունք, և դա հոդվածի իմպերատիվ պահանջն է: Թույլ չտալը քրեակատարողական հիմնարկի պետի որոշման շրջանակից դուրս է: Թե այս քննարկմանը ինչ զարգացումներ կհաջորդեն, չեմ կարող ասել:

-Ոչ իշխանական ուժերի նախաձեռնությամբ նոյեմբերի 15-ին արտահերթ նիստ է հրավիրվելու: Կհաջողվի՞ այս անգամ նիստն անցկացնել, Ձեր կարծիքով`մեծամասնությունը քվորում կապահովի ՞: 

-Դժվար է ասել: Բայց նախորդ արտահերթի տապալումից հետո, երբ դիմեցինք ՍԴ, պարզվեց, որ ըստ Սահմանադրության` պատգամավորը պարտավոր է գալ ու մասնակցել նիստին: Եթե չգան, չմասնակցեն, կստացվի, որ արհամարհում են նիստն ու օրենքը: 

-Պարոն Ջհանգիրյան, անդրադառնանք այս շաբաթ Ձեր հնչեցրած հայտարարությանը` ԱԺ-ի օրենսդրական գործունեության մասին, որի հիմքում parliamentmonitoring.am-ի վիճակագրական տվյալներն էին: Ինչ դիտարկումներ եք արել այս մեկ ուկես տարվա ընթացքում օրենսդրի գործունեությանը հետևելով:

-Նկատեմ, որ նախորդ գումարումների ընթացքում էլ ԱԺ-ի աշխատանքին հետևելու առիթներ ունեցել եմ, բայց այն ժամանակ ոչ թե որպես պատգամավոր, այլ կառավարության ներկայացուցիչ: Հիմա ուզում եմ հատուկ ուշադրություն հրավիրել պատգամավորների ու կառավարության նախաձեռնությունների քննարկման ընթացիքն` և Աժ հանձնաժողովներում, և լիագումար նիստերում: Կարող եմ արձանագրել, որ Աժ-ն իր լիազորությունների ամբողջ ծավալը չէ, որ իրականացնում է: Դա նախ վերաբերում է օրենսդրական քաղաքականության մշակմանը, որովհետև օրենսդիրը պետք է մշակի այն քաղաքականությունը, որը գործադրվում է նաև կառավարության կողմից: Ես չեմ բացառում գործադրի օրենսդրական գործունեությունը, որովհետև անմիջականորեն շփվելով իրավական դաշտի խութերի հետ, բնական է,պիտի ծագեն նման նախաձեռնություններ, բայց մեզ մոտ ստացվում է, որ օրենսդիր իշխանությունը այդ դաշտում լիովին մեկուսացված է, դաշտը թողնված է գործադրին:

-Ըստ Ձեզ` ԱԺ-ն ունի՞ բավարար ռեսուրս` առանց կառավարության օրենքներ, օրենսգրքեր գրելու, առավելևս, որ ԱԺ-ի կողմից գրված որևէ օրենսգիրք կարծեք չկա էլ:

-ԱԺ-ի 94-99 թվականների գործունեության ժամանակ ես Արդարադատության նախարարությունում վարչության պետ էի, հետո նախարարի տեղակալ ու համակարգում էի օրենսդրական աշխատանքը: ԱԺ մշտական հանձնաժողովները աշխատում էին տարբեր ուղղություններով` իրավական, տնտեսական, սոցիալական, նույնիսկ արտաքին հարաբերությունների հանձնաժողովը քաղաքականություն էր մշակում ու իրականացնում: Պետաիրավական հանձնաժողովը հսկայական աշխատանք էր կատարում, օրերով նստած էինք Քրեական օրենսգրքի վրա:

-Գուցե պատճառն այն է, որ այն ժամանակ օրենսդրական դաշտը դեռ ամբողջացած չէր, ու անելու շա՞տ բան կար:

-Այնպես չէ, թե այսօր անելու բան չկա: Հիմա էլ նախագահի կարգադրությամբ դատաիրավական բարեփոխումների հայեցակարգ է հաստատվել, դրա հիման վրա բազմաթիվ օրենսդրական ակտեր պետք է ընդունվեն, բայց այդ հայեցակարգի և նրա հիմնավոր փաստաթղթերի մեջ ԱԺ-ի հանձնաժողովի, պատգամավորների վրա օրենսդրական ծանրաբեռնվածություն դրված չէ: Ես կարծում եմ` շատ պատգամավորների, օբյեկտիվ ու սուբյեկտիվ շարժառիթներով, ձեռնտու է օրենք գրելու բեռը դնել միայն կառավարության վրա:

-Այսինքն, ռեսուրս կա, բայց պատգամավորները ծո՞ւյլ են:

-Չեմ ասում, թե ես լիարժեք ռեսուրս եմ տեսնում, բայց կարելի է փորձել ու ինչ-որ բաներ անել, վստահ եմ: Վերջերս պետաիրավական հանձնաժողովում խոսում էինք օրինագծերի վերաբերյալ առաջինից երկրորդ ընթերցման ընթացքում եղած բոլոր առաջարկություններն ու դիտողությունները լիագումար նիստում ներկայացնելու ու առանձին քվեարկելու մասին: Սա, գուցե բարդացնում է աշխատանքը, բայց իրական քննակում կապահովի, կքննարկվեն այն առաջարկությունները, որոնք հանձնաժողովներում մերժվում են, իսկ դրանք հիմնականում ընդդիմության առաջարկություններն են լինում: Սա ավելի հետաքրքիր կդարձնի աշխատանքը:

-Իսկ ո՞ւմ է պետք, որ ԱԺ-ի աշխատանքը ավելի հետաքրքիր լինի:

-Պետք է Հայաստանի Հանրապետությանը, որովհետև օրենքները գրվում են ոչ միայն այսօրվա իշխանությունների, այլև վաղվա համար: Օրենսդրական կայունության խնդիր կա: Եթե մենք օրենք ու օրենսգիրք ենք ընդունում, այն պետք է աշխատի, որոշ ժամանակ գործադրվի, որպեսի ի հայտ գան բացերը: Դժվա՞ր է մի քանի գերատեսչությունների նկատառումները, ասենք Վարչական օրենսգրքի վերաբերյալ, համախմբել , համակարգել և մեկ անգամ ներկայացնել Ազգային ժողով ու ոչ թե մի գումարման ժամանակ 5 անգամ: Քրեական դատավարության օրենսգրքի վերաբերյալ ինչ-որ խմբագրական լրամշակումները այնքան կարևո՞ր են, որ մենք հիմա մի կողմ ենք թողել Քրդատ նոր օրենսգրքի նախագիծը ու ընթացիկ փոփոխություններ ենք անում գործողի վրա:

-Նախորդ նստաշրջանում ԱԺ-ում պատգամավորների հեղինակած ընդամենը 1մայր օրենք է ընդունվել` Սեդրակ Սարոյանի, Մանվել Գրիգորյանի ու Սամվել Ֆարմանյանի հեղինակությամբ: Ստացվում է` ամենաարդյունավետը նրա՞նց օրենսդրական գործունեությունն է:

-Նախ մի քիչ ծայրահեղություն է դա մայր օրենք համարելը, որովհետև բովանդակային առումով այն ընդամենը «Զինծառայողների մասին» օրենքում փոփոխություն էր: Չնայած ձևով, այո, օրենք էր, բայց 3 հոդվածից կազմված մայր օրենք չի լինում, բայց չեմ ուզում թերագնահատել: Վատն այն է, որ պատգամավորների նախաձեռնությունները քանակով քիչ են, իսկ բովանդակությամբ` միայն խմբագրային: Որոշ դեպքերում էլ կառավարությունն է մեծամասնությանը նախագծեր նվիրում, որ պատգամավորների նախաձեռնության թիվը աճի: Ընդհանուր առմամբ` ԱԺ-ն օրենսդրական գործունեություն է իրականացում ավելի շատ «գալչկայի» համար:

Քվեարկության պատմություն

Ջհանգիրյան Գագիկ Վրեժի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Ջհանգիրյան Գագիկ «Հայ ազգային կոնգրես» 393 154 196 73 148 84 61
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները