Parliamnet Monitoring

  • Facebook
  • Twitter

News

Եթե միլիոն անգամ փորձեն, մի բան կստացվի

Եթե միլիոն անգամ փորձեն, մի բան կստացվի

Հարցազրույց Ազգային ժողովի տնտեսական հարցերի մշտական հանձնաժողովի նախագահ, ՀՀԿ խմբակցության անդամ Վարդան Այվազյանի հետ:

-Գազի հանձնաժողովն արդեն սկսել է աշխատել. Ձեր կարծիքով՝ հաջողվելո՞ւ է հանձնաժողովին ինչ-որ բացահայտումներ անել:

-Մի բան կարող եմ հաստատ ասել. ԱԺ որոշման մեջ նշված բոլոր խնդիրների պատասխանները մենք պետք է ստանանք, և չի լինի որևէ ապօրինություն կամ չարաշահում, որը կկոծկվի:

-Պարոն Այվազյան, այն, որ գազի հանձնաժողովն ստեղծվեց, նշանակու՞մ է, որ մեծամասնությունն էլ ունի կասկածներ, որ այս ոլորտում չարաշահումներ ու խախտումներ են եղել:

-Եթե մենք նպատակ ունենք ուսումնասիրել գազմատակարարման ոլորտի խնդիրները, կարևոր չէ, թե որ քաղաքական թիմի ժամանակ են այդ խնդիրները ձևավորվել: Այս հանձնաժողովի աշխատանքը և բարդ է լինելու, և հեշտ, որովհետև մենք գործ ունենք կազմակերպված, խոշոր դերակատարւմ ունեցող կազմակերպության հետ:

-Որ ասում եք կազմակերպված, խոշոր, սպասվում էր, թե հաջորդ բառը պիտի լիներ հանցագործություն:

-Ոչ: Ես առայժմ ձեռնպահ կմնամ որևէ հայտարարություն անելուց և որևէ մեկին կասկածելու կամ սրբագրելու կարիք չունեմ:

-Հատկապես ո՞ր ոլորտում կարող են բացահայտումներ արվել:

-Սակագների ոլորտում: Օրենքը սահմանում է, թե ինչպես են ձևավորվում սակագները:

-Այսինքն, Հանրային ծառայությունների կարգավորման հանձնաժողովի՞ գործունեության մեջ:

-Ոչ միայն այդ հանձնաժողովում: Բոլորինս է մեղքը՝ և՛ կառավարությանը, և՛ Ազգային ժողովինը. չմոռանանք, որ այդ հանձնաժողովը իր տարեկան ծրագրերը Ազգային ժողովին է ներկայացնում:

-Պարոն Այվազյան, խոսենք նաև մեկ այլ, «Նաիրիտի» չստեղծված հանձնաժողովի մասին: Հնարավո՞ր է՝ ընդդիմության այս նախաձեռնությանն էլ մեծամասնությունը տեր դառնա ու հանձնաժողով ստեղծի:

-Որոշում իրականացնողը մեծամասնությունն է, հենց դրա համար է մեծամասնություն: Ընդդիմությունը աում է՝ թող ես անեմ, մենք էլ ասում ենք՝ երբ կլինես մեծամասնություն, այն ժամանակ էլ կանես: Եթե վաղը կամ մյուս օրը հանրապետության որևէ քաղաքացի մի լավ բան ասի, ու մենք իրականացնենք, ինչ տարբերություն: Ընդհանրապես, ինչ տարբերություն՝ ընդդիմություն է թե դիմություն. բոլորն էլ մերոնք են: Ես, որպես հանձնաժողովի նախագահ, ասացի՝ 3 ամիս ժամանակ տվեք, մինչև «Նաիրիտի» բանակցությունները ավարտվեն: Չհամաձայնեցին: Հիմա, եթե հարցի կարգավորումից հետո մեծամասնությունը այդ հանձնաժողովը ստեղծի, պիտի ասեն՝ վայ, սրա տերը մենք ենք: Տերը նա է, ով որոշում է ընդունում:

-Ոչ իշխանական 4 խմբակցությունները քննարկում են կառավարությանը անվստահություն հայտնելու հարցը.: Կարծում եք՝ հաջողության կհասնե՞ն:

-Բացառվում է, որովհետև միայն քաղաքական մեծամասնությունը կարող է կառավարության հրաժարականը պահանջել ու հասցել ավարտին: Եթե նրանց ուզելով այսօր նման բան լինի, կնշանակի, տեղի է ունենում իշխանափոխություն:

-Դա՞ էլ եք բացառում:

-Կյանքի ընթացքում ամեն բան կարող է լինել, բայց տվյալ պահին բացառում եմ: Իշխանությունը փոխվում է ընտրությունների միջոցով:

-Բայց Ուկրաինայում առանց ընտրության փոխվեց:

-Ուկրաինայում եղավ բռնի ուժի միջոցով, այսօր էլ այնտեղ կեսը ասում է՝ նրանք են գյուլել, մյուս կես էլ, թե՝ նրանք: Եթե վերցնենք հավանակության տեսությունը, անվերջ կամ մի միլիոն անգամ փորձելու դեպքում կարող է մի բան ստացվի, այսօր՝ ոչ:

Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները