Parliamnet Monitoring

  • Facebook
  • Twitter

News

ՕԵԿ-ը սպասում է քառյակի մեսիջին

ՕԵԿ-ը սպասում է քառյակի մեսիջին

Հարցազրույց ԱԺ «Օրինաց երկիր» խմբակցության ղեկավար Հեղինե Բիշարյանի հետ:

-Ազգային ժողովի նախագահի պաշտոնում Գալուստ Սահակյանն ընտրվեց 101 կողմ, 3 դեմ ձայնով, ինչը նշանակում է, որ ՀՀԿ-ից բացի կողմ քվեարկածների մեջ եղել են նաև ԲՀԿ և ՕԵԿ խմբակցությունների պատգամավորներ: Այս պատկերը Ձեզ համար անակնկալ չէ ՞ր:

-Փակ գաղտնի քվեարկությունը յուրաքանչյուր պատգամավոր կատարում է իր խղճի մտոք, ու քվեարկության արդյունքները մեկնաբանելը իմ կողմից ճիշտ չէր լինի:

-Քվեարկությունը գաղտնի էր, բայց թվային պատկերը շատ խոսուն է:

-Ես պատկերի մասին ոչինչ ասել չեմ կարող, որովհետև հանձնաժողովի անդամ չունեմ, ու իմ մեկնաբանությունը կարող է լինել սուբյեկտիվ: Մենք մեր խմբակցության անդամներին թողել ենք ազատ, հետևաբար, չեմ կարող ասել, թե ով ինչպես է քվեարկել:
Իսկ ինչո ՞ւ ՕԵԿ-ը մյուս ընդդիմադիր խմբակցությունների նման չհրաժարվեց քվեարկությանը մասնակցելուց ընդհանրապես:
Որովհետև մենք կարծում ենք, որ պետք է ընտրական գործընթացներին մասնակից լինել, եթե անգամ արդյունքները կանխորոշված են: Ինքներս ենք քաղաքացիներին կոչ անում մասնակցել ընտրություններին, ու քաղաքական ուժերը պետք է նաև օրինակ լինեն հանրության համար:

-Կարծում եք քաղաքական ուժերը և կոնկրետ ՕԵԿ-ը այսօր այնքան հեղինակություն ունեն, որ կարող են հասարակության համար օրինա ՞կ ծառայել:

-Դուք Ձեր սուբյեկտիվ կարծիքով հարցադրում եք ձևակերպում: ՕԵԿ-ի հեղինակությունն այնքան է, որքան ինքը ձայն է հավաքում: ՕԵԿ-ը 17 տարի ձայն է հավաքել:

-Բայց այսօր ընդամենը 6 պատգամավոր ունի:

-Խորհրդարանում մեզ նման 4 քաղաքական ուժ կա:

-Խոսքը ՕԵԿ-ի մասին է:

-Ներողութուն, չի կարելի որևէ քաղաքական ուժի մասին խոսել առանց համեմատությունների: ՀՅԴ-ն այսօր մեզնից մեկ մանդատ պակաս ունի, «Ժառանգությունը»` նույնպես, ՀԱԿ դաշինքն ընդամենը 7 պատգամավոր ունի: Ավելին ունեն միայն երկուսը: Ուրեմն, սա նշանակում է այս 4 քաղաքական ուժերից ոչ մեկը երկրում հեղինակություն չունի՞, ունեն միայն նրանք, որոնք շա ՞տ մանդատ են ստացել: Իսկ ես իմ կարծիքն ունեմ այն մասին, թե ինչպես են նրանք ձայն հավաքում: Շատ քաղաքական ուժեր հեղինակության վրա չէ, որ այդքան շատ ձայն են հավաքում: ՕԵԿ-ը ունի իր հստակ զանգվածը, ու եթե 70-80.000 մարդ էլ մեզանից օրինակ վերցնի, քիչ չէ:

-Բայց ՕԵԿ-ը հայտարարեց, որ մտնելով կոալիցիա` վարկանիշային անկում է ունեցել, այսինքն, հեղինակազրկվել է:

-Այո, մենք ունեցել ենք վարկանիշի անկում:

-Մե ՞ծ:

-Դե, 2003-ին հավաքել ենք 12% ձայն, հետո ունեցանք 7% տոկոս:

-Տիկին Բիշարյան, խոսենք ՕԵԿ-ի ընդդիմադիր գործունեության մասին: Առանց ՕԵԿ-ի էլ ՀՀԿ-ն կարողանում է օրինագծերի քվեարկություն կազմակերպել, բայց առանց ՕԵԿ-ի, պարզվեց, հաշվիչ հանձնաժողովը չի կարող որոշումներ ընդունել: Մինչև ՀՀԿ-ին այս ծանր հարվածը հասցնելը երկա ՞ր էիք մտածել:

-Երկար մտածելու խնդիր չկար: Որոշումը առաջ եկավ, երբ ԱԺ նախագահին 2-րդ պաշտոնից տարան 3-րդ պաշտոնի, ու հաշվիչ հանձնաժողովի գործունեության հերթական առիթը ստեղծվեց: Մենք, գիտակցելով, որ ՀՀԿ-ն բացարձակ մեծամասնություն է ու կարող է առանց մեզ նաև այդ խնդիրը շտկել, դուրս եկանք հանձնաժողովից: Հարված հասցնելու նպատակ չունեինք, իրենք գտան իրենց լուծումը:

-Շատ արագ ՀՀԿ-ն արտահերթ նիստ հրավիրեց ու հաշվիչ հանձնաժողովում իր անդամների քանակը 5-ից դարձրեց 7. լուծում գտնելու այս եղանակը Ձեր կարծիքով ճի ՞շտ է:

-Ես չեմ կարող ասել: Մեր խմբակցությունը չի մասնակցել այդ նիստին:

-Ընդդիմադիրները նիստի ժամանակ ասում էին, որ ՀՀԿ-ն օգտվում է իր բացարձայկ մեծամասնություն լինելու հանգամանքից ու խախտում է ԱԺ կանոնակարգը. նրանց ասածի մեջ ճշմարտություն կար:

-Ես կարծում եմ, որ կար, բայց իրենք գտել են լուծում, որով կարգավորել են խնդիրը: Վերջը պիտի գնային մի ճանապարհով, որպեսզի կարողանային ընտրել ԱԺ նախագահ: Գնացել են:

-Լևոն Զուրաբյանը ասում էր, որ ՀՀԿ-ն դաղալություն է անում: Կա ՞ր ՀՀԿ-ի քայլի մեջ դաղալություն Ձեր կարծիքով:

-Կարող է և դաղալություն էլ կար մեջը:

-Տիկին Բիշարյան, «Օրինաց երկիրը» ուզո ՞ւմ է մտնել քառյակի մեջ:

-Քառյակը ի ՞նչ է, որ մենք մտնենք այնտեղ. կարո ՞ղ եք ինձ բացատրել:

-Ոչ իշխանական 4 խմբակցությունների միասնություն:

-ԱԺ նախագահի ընտրությունները ցույց տվեցին, որ քառյակը միասնական չէ, ուրեմն, այնտեղ մտնել-չմտնելու խնդիր չկա: Ընդդիմադիր դաշտում մենք գործում ենք ու բաց ենք և պատրաստ` աշխատել բոլոր ուժերի հետ:

-Քառյակը պարբերաբար նիստեր է հրավիրում: ՕԵԿ-ը սպասո ՞ւմ է, որ իրեն էլ հրավիրեն այդ նիստերին:

-Եթե ոչ իշխանական ուժերը քննարկում են այնպիսի հարցեր, որոնք հուզում են հասարակությանը, կարող են մեզ էլ ասել` հանդիպում ունենք, մասնակցեք: Մենք չգիտենք` իրենք որտեղ և երբ են հանդիպում: Իրենց գրաֆիկից տեղյակ չենք: Եթե կա այդպիսի գրաֆիկ, որպես ընդդիմադիր քաղաքական ուժեր, պետք է մեսիջ տան, հայտարարություն անեն: Կլինի այդպիսի հայտարարություն, կմասնակցենք:

-Այսինքն, ՕԵԿ-ը սպասում է քառյակի մեսիջի ՞ն:

-Քաղաքակիրթ իրականությունը թույլ է տալիս, որ լինեն այդպիսի բաներ: Օրինակ, Ռուբեն Հակոբյանը ԱԺ-ում հրապարակային բոլոր ուժերին հրավիրեց քննարկման, ու և ՀՀԿ-ն գնաց, և մենք գնացինք:

-Խոսքը քառյակի փակ նիստերի մասին է:

-Փակ նիստի իմաստը ես չեմ հասկանում: Այդպիսի նիստերի արդյունքում քառյակը պիտի միասնական դիրքորոշում ունենար նաև ԱԺ նախագահի ընտրության հարցում, բայց չունեցավ:

-Թերագնահատո ՞ւմ եք քառյակի գործունեության արդյունավետությունը:

-Ես դժվարանում եմ ասել, թե քառյակը ինչ կենսունակություն կունենա: Ժամանակը թող գնահատականը տա:

-Դուք Ձեր խոսքում պարբերաբար ասում եք` ՕԵԿ-ը ընդդիմություն է: Իրականում ՕԵԿ-ը գիտակցո ՞ւմ է, որ հանրությունը միայն հայտարարություններին չի հավատում, ու ընդդիմադիր լինելը ապացուցելու համար պետք է շատ ջանք թափել:

-Այո, գիտակցում ենք, որովհետև մենք ընդդիմություն եղել ենք: Բայց մենք որևէ մեկին ապացուցելու բան չունենք: Մեր գործելաոճը, աշխատանքը ամեն ինչ ցույց կտա:

-Ե՞րբ, մինչև հաջորդ ընտրություննե ՞ր:

-Ժամանակը ցույց կտա:

Քվեարկության պատմություն

Բիշարյան Հեղինե Վաչեի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Բիշարյան Հեղինե «Օրինաց երկիր» 558 74 163 104 63 156 124
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները