Parliamnet Monitoring

  • Facebook
  • Twitter

News

Քառյակը հնգյակ դարձնելու նախաձեռնություն չկա

Քառյակը հնգյակ դարձնելու նախաձեռնություն չկա

Հարցազրույց ՀՅԴ խմբակցության քարտուղար Աղվան Վարդանյանի հետ:

- Պարոն Վարդանյան, ինչո՞վ առանձնացավ Ազգային ժողովի գարնանային նստաշրջանը, Ձեր կարծիքով՝ որոնք էին այս նստաշրջանի կարևոր իրադարձությունները:

- Բավականին լարված և ծանրաբեռնված նստաշրջան էր: Քաղաքական մեծամասնության և ընդդիմության հարաբերություններն ավելի հստակացան: Եղավ կառավարության փոփոխություն: Ես ինքս զբաղված էի նաև մի քանի այլ` գազի, Էթիկայի հանձնաժողովի աշխատանքներով: Այս իմաստով բավականին լարված էր և մյուսներից տարբերվում էր իր բովանդակությամբ:

- Գարնանային նստաշրջանի ավարտին կառավարությունն արտահերթ նստաշրջան հրավիրեց, ոչ իշխանական քառյակը բոյկոտեց այն՝ նորից դժգոհելով գործադիրի այն գործելաոճից, որ բազմաթիվ նախածեր քննարկման էին ներկայացվել ընդունման 24 ժամյա ընթացակարգով: Քառյակն ի՞նչ գործողություններ է նախատեսում այս գործելաոճը առաջիկայում բացառելու համար:

- Այո, դա մեր կառավարության և քաղաքական մեծամասնության բարի ավանդույթն է, որը շարունակելի է: Նրանք այլ ելք չունեն և ակնհայտորեն գնում են նույնիսկ իրավական նորմերի խախտմանը, միայն թե «լուծեն» իրենց առջև դրված խնդիրները: ՀՅԴ խմբակցությունը ԱԺ նախագահին ուղղված 12 էջանոց նամակ-գրություն է պատրաստում, որտեղ մանրամասն շարադրված են այն բոլոր օրենքների խախտումները, որոնցով նրանք քառօրյան, արտահերթը անցկացրեցին: Բնականաբար մեծամասնությունից չենք ակնկալում որևէ արմատական լուծում, դա արվում է զուտ իրավական հիմքեր ստեղծելու, այդ խախտումները փաստաթղթավորելու համար: Մյուս խմբակցությունների հետ նաև կքննարկենք հատկապես կուտակայինի մասին նոր օրենքի սահմանադրականությունը վիճարկելու հարցը, և եթե համադրելիություն եղավ, կօգտագործենք այդ փաստարկները:

- Ոչ իշխանական քառյակի նիստերից մեկից հետո հայտարարվեց, որ ուրիշի փոխարեն քվեարկելու համար պատասխանատվություն սահմանող նախագիծ կներկայացվի:

- Ընդհանրապես մենք մտածում ենք ԱԺ կանոնակարգ օրենքում մի շարք փոփոխություններ անելու մասին: Կան որոշ հարցեր, որոնք հստակորեն չեն կանոնակարգվում, կամ եթե կանոնակարգվում են, ապա մեծամասնությունը փորձում է այլ մեկնաբանություններով շրջանցել օրենքը: Այս առումով մենք հստակեցումների անհրաժեշտություն տեսնում ենք և առաջիկայում աշխատելու ենք կանոնակարգ օրենքի վրա: Կփորձենք առաջարկություններ անել նաև այդ հրատապ գործելաոճի դեմ: Իհարկե, արտահերթությունն ընդհանրապես շրջանցելը հնարավոր չէ, բայց անթույլատրելի է օրենքի խախտումներով նման բաներ անել:

- Իսկ ընդհանրապես քաղաքական գարունն ինչպիսի՞ն էր, հատկապես որ տեղի ունեցավ վարչապետի ու կառավարության հրաժարականը, ինչը քառյակը համարում է իր աշխատանքի արդյունքը:

- Ես հակված չեմ ամեն ինչ վերագրել քառյակի գործունեությանը: Ակնհայտ էր, որ նախկին վարչապետը 6 տարի ղեկավարել էր կառավարությունը, և արդյունքները, մեղմ ասած, մխիթարական չէին բոլոր առումներով: Եվ բնական է, որ նրա հրաժարականի դեպքում քառյակի գործունեությունը ևս էական դերակատարություն ունեցավ: Գարունը բուռն էր նաև այլ` Հայաստանի Եվրասիական տնտեսական միությանը միանալու առումով: Այստեղ կարծես թե որոշ չերևացող զարգացումներ կան, և սա դրամատիկացնում է նաև ամառը: Դատելով վերջին օրերին քաղաքական մեծամասնության պատասխանատուների որոշ հայտարարություններից` թվում է, թե խորքում ինչ-որ բաներ են կատարվում: Նրանք ասում են, որ մենք կմիանանք այդ կառույցին միայն իրավահավասարության սկզբունքով, եթե նախկին պայմանավորվածությունները պահպանվեն: Դա վերաբերում է հիմնադիր անդամ լինելուն և որոշ այլ պայմաններին:

- Հայտնի է, որ քառյակի գործունեության մեջ տարաձայնություններ կամ մոտեցումների տարբերություններ կան. ՀԱԿ-ն ու «Ժառանգությունն» ավելի արմատական են, «Բարգավաճ Հայաստանն» ու Դաշնակցությունը` ոչ այնքան: Այս տարաձայնությունները չե՞ն խանգարում համագործակցությանը:

- Ամենասկզբում մենք չորս ուժերով հստակ պայմանավորվել ենք, որ սա համագործակցություն է այն հարցերի շուրջ, որոնցում ունենք ընդհանուր համաձայնություն: Դրանից դուրս ամեն քաղաքական ուժ իր արտահայտությունների, արմատականության կամ այլ բաների մեջ ազատ է: Այն, ինչ անում ենք քառյակով, անում ենք քառյակով, մնացած հարցերում ազատ ենք: Եվ կարծում եմ՝ դրական է, որ խորհրդարանում հնարավոր է եղել ստեղծել նման ձևաչափ, ու կարծես թե այդ աշխատանքը նաև արդյունավորվում է: Իհարկե, երբ քաղաքական մեծամասնությունն իր դիրքորոշումներով, քարոզչամիջոցներով փորձում է նսեմացնել այդ ձևաչափը, դա երկրորդական է: Կարևորն այն է, որ համատեղ աշխատանք կա:

- Իսկ ամռան այս ամիսներին քառյակն արձակուրդայի՞ն վիճակում է, նախկինի նման ակտիվ հանդիպումներ, նիստեր չե՞ն նախատեսվում:

- Կյանքը կթելադրի իր հարցերը: Գիտեք, որ մենք նախատեսում ենք սեպտեմբերի վերջին ամփոփել կառավարությանը ներկայացրած առաջարկությունների իրականացումը: Կապրենք կտեսնենք:

- «Օրինաց երկիրը» հայտարարեց ընդդիմություն դառնալու մասին, բայց քառյակը դեռ չի պատրաստվում այդ կուսակցությանն ընդունել իր դաշտում:

- Մեզ մոտ նման խնդիր ընդհանրապես չի քննարկվել: Էլեկտրաէներգիայի սակագների բարձրացման հետ կապված քառյակն իր հայտարարությունը տրամադրեց ՕԵԿ-ին, նրանք բանավոր հայտարարեցին, որ միանում են և նույն պահանջները դնում են: Այսքանը, բայց քառյակը հնգյակ դարձնելու կամ համատեղ աշխատելու որևէ նախաձեռնություն չկա:

- Բայց չէ որ ՕԵԿ-ն էլ ձեր`ՀՅԴ-ի ու ԲՀԿ-ի նման դուրս է եկել կոալիցիայից: Հետո ի՞նչ, որ այդ քայլին գնացել է ձեզանից ավելի ուշ:

-Դժվարանում եմ ասել, գուցե քառյակում կլինեն ուժեր, որոնք այլ կերպ են մտածում: Բոլոր դեպքերում մեր խմբակցությունը հանդիպեց ՕԵԿ-ին Ընտրական օրենսգրքի վրա աշխատելու համար: Եվ ունենք նախնական պայմանավորվածություն, որ աշնանը համատեղ աշխատենք այդ հարցի շուրջ:
- Իսկ քառյակը կմասնակցի՞ ՕԵԿ-ի հանրահավաքին, էլեկտրաէներգիայի սակագնի դեմ ուղղված դատական գործընթացին:
- Եթե որևէ հարց մենք համատեղ ենք քննարկում և որոշում ենք դրա լուծումը միասին հետապնդել, դա անում ենք միասին, բայց եթե նման քննարկում չի եղել, բնականաբար ամեն մեկն ազատ է իր դիրքորոշումներում: Ավելին ասեմ, ես ենթադրում եմ, որ ՕԵԿ-ն ինքը ընդդիմության դաշտ վերադառնալու, ընդդիմադիր դաշտում նոր դրսևորումներով հանդես գալու խնդիր ունի: Եվ թերևս իրենց համար առանձին աշխատելն ավելի հարմար է:

Քվեարկության պատմություն

Վարդանյան Աղվան Արշավիրի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Վարդանյան Աղվան «Հայ Յեղափոխական Դաշնակցություն» 393 73 245 83 170 32 23
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները