Parliamnet Monitoring

  • Facebook
  • Twitter

News

12 կետերի փուլն անցել ենք, հետդարձ չկա

12 կետերի փուլն անցել ենք, հետդարձ չկա

Հարցազրույց ԱԺ ՀԱԿ խմբակցության քարտուղար Արամ Մանուկյանի հետ:

-Պարոն Մանուկյան, կմասնակցի՞ ոչ իշխանական եռյակը 12 կետերի քննարկմանը, որը վարչապետը, նախագահի հորդորով, նախատեսում է անցկացնել շաբաթվա վերջին:

-Մեր միասնական պաշտոնական մոտեցումը կհայտնենք նոյեմբերի 13-ին: Հակված ենք չմասնակցելուն: Մեր պահանջները մենք 6 ամիս առաջ ենք ներկայացրել, ինչո՞ւ կառավարությունը դրա մասին ոչինչ չէր ասել Սերժ Սարգսյանին: Տպավորություն է, թե Սերժ Սարգսյանը նոր է իմացել:

-Բայց եռյակը վերջին հանդիպման ժամանակ սեփական պայմանն է առաջ քաշել. 12 կետերի քննարկումը սկսել 10-րդ կետից, որը վերաբերում է Ընտրական օրենսգրքին: Ինչո՞ւ հենց այս կետը:

-Շատ պարզ է. եթե ասում են՝ վերաբերմունք է փոխվել, երկխոսել են ուզում, ուրեմն, թող դրանից սկսեն: Ընտրությունների հետ կապված մեր պահանջը ամենամշակվածն է: Ոչ քարտեզի կարիք կա, ոչ լրացուցիչ ֆինանսավորման: Մեկ ժամվա ընթացքում կարող են այդ կետը ընդունել: Դե, թող 100% համամասնականի անցնեն, տեսնենք:

-Վարչապետը առաջարկում է քննարկումները սկսել առաջին կետից, որը վերաբերում է կուտակային կենսաթոշակային համակարգին: Իրենք, գուցե, մտածում են այսպես հերթով կատարել բոլո՞ր պահանջները:

-Մենք երեխաներ չենք, որ հիմա էլ ամիսներ շարունակ քննարկումներ սկսենք: Ուզում են մեզ քաշել ճահճի մեջ, ձգձգել, ժամանակ շահել: Չենք գնա այդ քննարկումներին: Մենք 6 ամիս շարժումը, ժողովրդին պահել ենք այդ 12 կետի վրա, ոչ մի բան մինչև սեպտեմբերի 30-ը իշխանությունից չկար, ինչ գնահատական ասես՝ 12 կետերին չտվեցին: Հիմա ասում են՝ քննարկե՞նք:

-Ասում եք՝ 6 ամիս պահեցինք 12 կետերի վրա, բայց վերջին 1-2ամիսներին այդ կետերը հետին պլան էին մղվել:

-Մենք պայքարի մեթոդը փոխեցինք, գրավեցինք հրապարակը, որովհետև սենյակային ու խորհրդարանային ճանապարհով նրանք չուզեցին գնալ: Հիմա մենք այդ փուլը անցել ենք, հետդարձ չկա:

-Բայց այսօր Ձեր ասած հրապարակային պայքարն էլ է փակուղի մտել, ու նախագահը, առաջարկելով անդրադառնալ 12 կետերին, գուցե օգնում է հենց եռյակին:

-Ի՞նչ եք ասում, Սերժ Սարգսյանը էլ բան ու գործ չունի, եռյակի մասի՞ն է մտածում: Հուզվեցի: Եռյակը, դժվարություններով հանդերձ, նիստեր է անում, համատեղ դիրքորշումներ հստակեցնում, շտաբների ձևավորման խնդիրներ լուծում:

-Այդ շտաբները չե՞ն բացառելու հրապարակային պայքարը:

-Ոչ:

-Ուրեմն, ՀԱԿ-ի անհանգստությունը՝ կապված ԲՀԿ քաղխորհրդի հայտարարության հետ, իզո՞ւր էր:

-Մենք չենք թաքցնում, որ մոտեցումների տարբերություններ կան: Մենք առաջնային համարում ենք հանրահավաքային պայքարը, իրենք՝ շտաբների ձևավորումը: Հիմա մեր խնդիրը այդ դիրքորոշումները մոտեցնելն է:

-Չե՞ք կարծում, որ տարբերությունները ընդգծվեցին Ծառուկյան-Սարգսյան հանդիպումից հետո:

-Ես այդ հանդիպումից մանրամասներ չգիտեմ:

-Ծառուկյանից չե՞ք հարցրել: Չկա՞ այստեղ գործընկերային վստահության խնդիր:

-Ես եռյակում ներկայացնում եմ այն, ինչ մենք՝ ՀԱԿ-ն է հարմար գտնում, նրանք՝ ինչն իրենք են հարմար գտնում: Մեզ հետաքրքրում է իշխանափոխության համատեղ ծրագիրը: Դրանից դուրս՝ ով ում հետ է հանդիպում երեկոյան, ինչ է քննարկում, ում հետ է հաց ուտում, ինձ չի հետաքրքրում:

-Հաջորդ հանրային միջոցառումը ե՞րբ է լինելու:

-Հենց վաղն էլ երիտասարդները հանրային միջոցառում ունեն:

-Խոսքը մեծ հանրահավաքի մասին է:

-Որոշում չկա, չկայացրած որոշման մասին ես ի՞նչ ասեմ: Գիտեմ միայն, որ առանց դրա շարժումը կարող է սառել:

Քվեարկության պատմություն

Մանուկյան Արամ Վիգենի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Մանուկյան Արամ «Հայ ազգային կոնգրես» 279 157 142 56 330 74 88
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները