Parliamnet Monitoring

  • Facebook
  • Twitter

News

Օբաման ինչ անի, իր համար է անելու

Օբաման ինչ անի, իր համար է անելու

Հարցազրույց ԱԺ «Ժառանգություն» խմբակցության պատգամավոր Թևան Պողոսյանի հետ:

-ՀՀ ԱԺ-ն ապրիլի 21-ին, 24-ից հազիվ 2 օր առաջ արտահերթ նիստում ընդունեց Հայոց Ցեղասպանության 100-րդ տարելիցին վերաբերող հայտարարություն: Ուշացած չէ՞ր այն, եթե նկատի ունենանք, որ ԵԽ-ում նույնաբովանդակ մի բանաձևն ավելի շուտ արդեն ընդունվել էր, իսկ դրան նախորդել էր Հռոմի Պապի ելույթը, որը մեծ արձագանք էր գտել աշխարհում:

-Իհարկե, ճիշտ կլիներ, որ այն օրը, երբ մենք քննարկում էինք այդ հայտարարության նախագիծը, ամեն ինչ անեինք, որ նաև քվեարկեինք և ընդունեինք: Հիմա էլ չասեմ՝ ուշ լինի, նուշ լինի, բայց լավ է, որ գոնե մինչև ապրիլի 24-ը հայտարարությունը ընդունվեց:

-Ընդունվող հայտարարություններն ու բանաձևերը շոշափելի ի՞նչ արդյունք կարող են տալ:

-Կոնկերտ մեր ընդունած հայտարարությունը կոչ է բոլոր այն երկրներին, որոնց խորհրդարանների հետ մենք շփվում ենք: Այդ հարաբերություններում նրանք պետք է հաշվի առնեն, որ մեր օրակարգում, ի թիվս տարբեր այլ հարցերի, դրված է նաև իրենց կողմից Ցեղասպանության ճանաչման խնդիրը: Այս նույն կոչը դրված է ԵԽ-ի բանաձևում և ուղղված է ԵՄ անդամ 28 երկրներին:

-Ակնհայտ է, որ ցեղասպանության 100-րդ տարելիցի ալիքով մի մեծ ալիք է բարձրացել նաև աշխարում: Ո՞ւմ շնորհիվ եղավ դա. սփյուռքի՞, իշխանությունների ճիշտ դիվանագիտությա՞ն, թե՞ միայն 100-ամյակն արդեն իսկ բավարար առիթ է:

-Սա միասնական աշխատանքի արդյունքն է: Դիվանագետները իրենց բաժինն ունեն,ԱԺ-ն՝ իրենը, Սփյուռքը, Հայ դատի լոբբիստական աշխատանքը՝ իրենը: Այն երկրները, որոնք բանաձևեր են ընդունել, իրենցը: Ի վերջո. բոլոր պետություններն են ուզում, որ աշխարհում բարիդրացիական հարաբերություններ լինեն, անվտանգություն լինի: Արդյունքը մասերի պետք չէ բաժանել: Մեր արևմտյան աստղերն էլ, որ եկան, իրենց հերթին PR արեցին: Ինձ չի հետաքրքրում, թե ով է ավելի մեծ գործ արել՝ նա՝ իր գալով, թե՞ մարդը, ով ասել է՝ արի, լավ կլինի: Փաստ է, որ տարիների հետևողական աշխատանքը արդյունք տալիս է, ու աշխարհն էլ ընդառաջ է գալիս մեզ:

-Իսկ 100-ամյա տարելիցը նշելուց հետո ի՞նչ է լինելու:

-Լինելու է շարունակությունը: Աշխատելու ենք, որ հաջորդ տարիներին Ցեղասպանությունը ընդունած ավելի շատ երկրներ անուններ հնչեցնենք:

-Մեր նպատակը շատ անուններ հնչեցնե՞լն է:

-Նպատակը այն է, որ Թուրքիայն առերեսվի իր պատմության հետ, գիտակցի,թե ինչ է եղել: Խնդիրը դա է. ինքը ճանաչի, դատապարտի, որ չլինի անվտսահելի հարևան: Այսօրվա հարաբերություններում դա չի ստացվում: Իհարկե, ես ունեմ թուրք ընկերներ, ում հետ սուրճ խմելիս խոսում ենք Ցեղասպանության մասին, և նրանք դա ընդունում են: Բայց սա չէ նպատակը. խնդիրը նույն Թուրքիան պետք է լուծի իր ապագա սերունդների համար:

-Ի՞նչ է ենթադրում Թուրքիայի առերեսումը պատմության հետ:

-Ճանաչում, դատապարտում և բանակցություններ, որի արդյունքում տուժողները կստանան փոխհատուցում: Ու հիմա էական չեն խոսակցություններն այն մասին, թե ինչպիսն է լինելու այդ փոխհատուցումը՝ նյութակա՞ն, թե՞ բարոյական: Դա արդեն ապագայի հարց է, որը կորոշվի բանակցություններիմիջոցով:

-ԱՄՆ նախագահ Օբաման կարտասանի՞ «Ցեղասպանություն» բառը, կամ այսքանից հետո էլ այդ հարցը նույնքան կարևո՞ր է:

-Իհարկե, կարևոր է: Եթե Օբաման ուզում է հիշվել պատմության մեջ յուրահատուկ մի քայլով, պետք է արտասանի: Եթե ոչ, իր քաղաքական կենսագրության վրա ավելացնելու է խոստումը չկատարածի բիծը: Ես ինչպիսի գնահատական էլ տամ նրա արտասելուն կամ չարտասանելուն, այդ քայլը նա նախ անում էիր ընտրողների առաջ՝ որպես մեկը, ով կատարում է նրանց տված խոստումը: Օբաման ինչ անի, իր համար է անելու: Հռոմի Պապի ելույթից, ԵԽ-ի բանաձևից հետո էլի՞ ապացուցենք, թե ցեղասպանություն է եղել: Մենք արդեն դաշտը փոխել ենք: Այսօր արդեն խոսքը «եղել է-չի եղել» հարթությունում չէ: Այլ տեղում է. ի՞նչն ես կարևորում՝ մարդկային արժեքնե՞րը, թե՞ աշխարհաքաղաքական խաղերը:

Քվեարկության պատմություն

Պողոսյան Թեւան Ժիրայրի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Պողոսյան Թեւան «Ժառանգություն» 325 243 97 28 249 151 114
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները