Parliamnet Monitoring

  • Facebook
  • Twitter

News

Եթե ցուցակները հրապարակվեն, 60-70%-ով կեղծիքները կնվազեն

Եթե ցուցակները հրապարակվեն, 60-70%-ով կեղծիքները կնվազեն

«Որոշ ընդդիմադիր ուժեր և ՀԿ ներկայացուցիչներ ԸՕ նախագծին վերաբերող 5 առաջարկությունների շուրջ ստեղծել են միասնական պլատֆորմ»,-այս մասին խորհրդարանում հրավիրված լսումների ժամանակ հայտարարեց ՀԱԿ խմբակցության ղեկավար Լևոն Զուրաբյանը: «Ովքեր են ծանոթ այդ միասնական պլատֆորմի ձևավորմանը, թող ձեռք բարձրացնի». դահլիճում ներկա քաղհասարակության ներկայցուցիչներին ուղղած Դավիթ Հարությունյանի հարցը մնաց անարձագանք:

-Պարոն Զուրաբյան, Դուք հայտարարեցիք, թե ՀԿ սեկտորի հետ ԸՕ-ի առաջարկությունների շուրջ միասնական պլատֆորմ եք ձևավորել, բայց ՀԿ որևէ ներկայացուցիչ դահլիճում դրան տեղյակ չէր, ամեն դեպքում՝ այդ մասին չհայտարարեց: Ինչո՞ւ:

-Դա Դավիթ Հարությունյանի շատ էժանագին հնարքն էր: Դահլիճում կային մարդիկ, որ մասնակցել էին մեր քննարկումներին, բայց ձեռք չբարձրացրեցին, որովհետև դա կնշանակեր ենթարկվել էժանագին հնարաքների: Պատահական չէ, որ երբ ես Դավիթ Հարությունյանի հարցրեցի՝ իսկ Դուք ծանո՞թ եք մեզ միացած ՀԿ-ների ցանկին, նա խուսափեց պատասխանից:

-Ի՞նչ է անելու միասնական պլատֆորմը, եթե իշխանությունը չընդունի 5 առաջարկությունները:

-Պետք է պայքարենք բոլոր մեթոդներով, ինչը թույլ է տալիս Սահմանադրությունը: Այդ 5 պահանջը հենց այնպես չեն ձևավորվել: Դրանք արտահայտում են մեր հասարակության և քաղաքական ուժերի դժգոհությունը ընտրակեղծիքների դեմ: Մենք ասում ենք՝ պետք է պատմական քայլ կատարել դեպի ազատ ընտրություններ:

-5 պահանջներից մեկը վերաբերում է ստորագրացուցակների հրապարակմանը. եթե 4-ն ընդունվեն, բացի սրանից, սա ընդդիմությանը կբավարարի՞:

-Ամենակարևորը հենց ընտրացուցակները հրապարակելու առաջարկն է: Եթե այն լուծվի, 60-70%-ով կեղծիքների դեմը կառնվի: Ես որևէ պատրաստակամություն չունեմ զիջելու այդ հարցում: Սա ամենակոնսեսուսային ու առաջնային կետն է, ու ամեն ինչ պետք է անենք, որ անցկացնենք:

-Բայց իշխանությունն ասում է, որ վերջնագրերով խոսելը արդյունք չի տա:

-Սա այն իշխանությունը չէ, որ կարողանա մեզ հետ այդ լեզվով խոսել: Ընտրություններ են կեղծել, վստահություն չեն վայելում: Այս պահին նրանք ասում են, որ ցուցակները չեն հրապարակում, բայց սա դեռ վերջը չէ, պետք չէ բացառել զիջումները:

-Դուք իշխանությանն առաջարկել էիք ԸՕ-ի նախագիծը կոնսեսուսային ձևաչափով քննարկելու համար ձևավորել 4+4+4 ձևաչափ: Ինչո՞ւ այն դեռ չի ձևավորվել:

-Այդ ձևաչափի առաջին երկու քառյակների հետ խնդիր չկա: Խնդիրը առաջանում է 3-րդի՝ քաղհասարակության ներկայացուցիչների դեպքում: Դա էլ պետք է թողնենք, որ ՀԿ-ները իրենք որոշեն: Այդ քառյակում պետք է ընդգրկվեն այն կազմակերպությունները, որոնք ժողովրդավարության սկզբունքները պաշտպանելու բազմամյա փորձ ունեն ու մասնակցել են ընտրությունները վերահսկելու գործընթացին: Այդ կազմակերպությունները շատ չեն, թող որոշեն:

-ՀԿ-ներն ասում են, որ դա անլուծելի խնդիր է:

-Մեզ էլ են այդ մասին ասել: Եթե պարզվի, որ իրոք այդպես է, շտկումներ կմտցնենք, կվերաձևակերպենք մեր առաջարկը:

-Ասացիք, որ ընդդիմադիր քառյակի հարցըլուծված է, բոլոր 4-ի հետ խոսել եք, համաձայն են: «Ժառանգություն» խմբակցությունից ո՞ւմ հետ եք խոսել:

-Մենք խոսել ենք կուսակցության ղեկավարության հետ: Խմբակցությունը ղեկավար չունի: Դա կուսակցության խմբակցությունն է, և նման դեպքերում կուսակցությունն է որոշում: Խոսել ենք, համաձայնել են:

Քվեարկության պատմություն

Զուրաբյան Լեւոն Արամի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Զուրաբյան Լեւոն «Հայ ազգային կոնգրես» 269 159 152 82 302 69 78
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները