Parliamnet Monitoring

  • Facebook
  • Twitter

News

«Համախմբումը» այլընտրանք է դառնալու. ԲՀԿ-ի նման

«Համախմբումը» այլընտրանք է դառնալու. ԲՀԿ-ի նման

Հարցազրույց Ազգային ժողովի «Բարգավաճ Հայաստան» խմբակցության անդամ Ստեփան Մարգարյանի հետ:

-Կուսակցությունը դեռ չստեղծված՝ ամենաշատը խոսվում է Ռոբերտ Քոչարյանի հետ կապի մասին: Կա՞ այդ կապը:

-Մաշված հարց է արդեն:

-Բայց ամենաքննարկվող հարցն է:

-Ի՞նչ նշանակություն ունի, թե ով ում հետ է կապված: Դուք նախաձեռնողների ցուցակում տեսա՞ք Ռոբերտ Քոչարյանի անունը-ազգանունը: Վսհահ եմ, որ չտեսաք:

-ԲՀԿ-ում էլ չկար Ռոբերտ Քոչարյանի անուն-ազգանունը, բայց նրա անունը միշտ ուղեկցել է ԲՀԿ-ին:

-Ես դրա մասին միայն մամուլից եմ իմացել: Եղել եմ ԲՀԿ-ի քաղաքական թիմի անդամ ու այդ կապը չեմ նկատել: Կնկատեի, չէ՞, թե լիներ: Չեմ տեսել, վստահ եմ՝ չի եղել: Հիմա էլ, լինելով «Համախմբում» կուսակցության նախաձեռնող խմբի անդամ, որևէ կապ, խոսքը քաղաքական կապի մասին է, չեմ տեսնում: Մենք գնում ենք մեր ճանապարհով ու մեր գործելակերպով ցույց կտանք, թե ով ում հետ կապ ունի կամ չունի:

-Հնարավո՞ր է, այնուամենայնիվ, «Համախմբումի» նախընտրական ցուցակում լինի Ռոբերտ Քոչարյանի անուն-ազգանունը:

-Ինչո՞ւ ուրիշ անուն չեք ասում, Ռոբերտ Քոչարյան եք ասում: Իսկ ես կլինե՞մ թե ոչ:
Քոչարյանի՝ ցուցակում լինելու մասին որևէ քննարկում, պայմանավորվածություն չկա: Հիմա վերցնել ասել՝ կլինի թե չէ՝ անիմաստ է:

-Կուսակցություն ստեղծելու նպատակը ընտրություններին մասնակցելն ու խորհրդարան մտնե՞լն է:

-Միայն ընտրություններին մասնակցելը կլիներ ինքնանպատակ և որևէ քաղաքական ուժի համար վիրավորական: Նպատակը ընտության միջոցով որոշակի լծակներ ունենալը և քաղաքական օրակարգի, երկրում իրավիճակի վրա ազդելն է, որևէ բան դեպի լավը փոխելը:

-«Համախմբումի» կորիզը իրավիճակ փոխելու մի չստացված փորձ ոչ վաղ անցյալում արդեն ունի: Կարծում եք՝ երկրորդ փորձը կհաջողվի՞:

-Ժողովուրդը 20-25 տարի է փորձում երկրում իրավիճակ փոխել: Որ չի ստացվում, ասենք՝ պարտվեցի՞նք: Եթե մի անգամ մի բան չի ստացել, ու դրա պատճառով հիմա չգնալ այդ խնդիրների լուծմանը, ճիշտ չի, կնշանակի երկիրն ու ժողովուրդը պարտվեցին: Ստացվել-չստացվելն էլ հարաբերական է: Պետք է հասկանանք՝ ի՞նչն ենք ուզում ստացվի:

-Իսկ ի՞նչն եք ուզում, որ ստացվի:

-Ուզում ենք ասել՝ այնպես չի, որ երկրում միայն մեկ բևեռ կա: Քաղաքացիներին, հասարակությանը, քաղաքական ուժերին ասում ենք՝ եկեք միասնական համախմբման միջոցով դառնանք այլընտրանք:

-Վերջես կազմավորած «Ազգային վերածնունդն» էլ է դա ասում, ինչո՞ւ նրանց հետ չհամախմբվեցիք:

-Նրանք ունեն իրենց առանձնահատկությունը, մենք՝ մերը: Տարբերություններ կան՝ գործելակերպի, գաղափարների, ծրագրի, չնայած մեր ծրագիրը դեռ չի գրվել:

-Ձեր մի քանի տարբերություն կասե՞ք:

-Պետք է կարդալ մեր հիմնադրությները: Մեկ-երկու նախադասությամբ հնարավոր չէ ասել:

-Կարդացել եմ: Գրված է, որ դառնալու ենք այլընտրանք: Սա նույն ԲՀԿ-ի տեսակի այլընտրանքն է, թե ուրիշ մի այլընտրանք:

-Այլընտրանք ասելով՝ պետք չէ նկատի ունենալ կազմակերպություն: Համախմբման գաղափարը, որը ԲՀԿ-ում մենք դնում էինք, հիմա ընդհանուր առմամբ փորձում ենք գլուխ բերել: Այլընտրանքի տեսակը ո՞րն է. գոյություն ունի իշխանական բևեռ, պետք է լինի նաև ոչ իշխանական բևեռ:

-Ընդդիմությունը հենց ոչ իշխանական բևեռն է:

-Ո՞վ է բան ասում: Այդ բևեռի մեջ թող լինեն և՛ ընդդիմությունը, և հասարակական կառույցները: Դա ինչ-որ իմաստով ընդդիմադիր բևեռ կդառնա:

Քվեարկության պատմություն

Մարգարյան Ստեփան Գրիգորի

Անուն Խմբակցություն Կողմ Դեմ Ձեռնապահ Չի քվեարկել Բացակա Հարցեր Ելույթներ
Մարգարյան Ստեփան «Բարգավաճ Հայաստան» 504 78 183 120 79 80 28
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները