Parliamnet Monitoring

  • Facebook
  • Twitter

News

Հայտարարենք, որ փոխում ենք Սահմանադրությունն ու Ընտրական օրենսգիքրը

Հայտարարենք, որ փոխում ենք Սահմանադրությունն ու Ընտրական օրենսգիքրը
Հարցազրույց ԱԺ ՀՀԿ խմբակցության ղեկավար Գալուստ Սահակյանի հետ: 

-Կառավարության հետ վերջին հարց ու պատասխանի ժամանակ ԲՀԿ-ական պատգամավորները չկարողացան իրենց հարցերը հնչեցնել ու հայտարարեցին, որ մեծամասնությունը ներկայացնող պատգամավորները միտումնավոր  էին հնչեցնում իրենց գրավոր հարցերը, որպեսզի ԲՀԿ-ականները չհասցնեն իրենց հարցերով վարչապետին «նեղը գցել»: Իսկապե՞ս ՀՀԿ-ն որոշել էր պաշտպանել Տիգրան Սարգսյանին ԲՀԿ-ականներից:  

-Երբեք մտքներովս այդպիսի բան չի անցել: Պարզապես մի քանի ջահելներ կան, ամբիցիաներ ունեն ու այդպես են մտածում: Եթե վարչապետին բան ունեն ասելու, ցանկացած պատգամավոր կարող է հենց այսօր բրիֆինգ հրավիրել ու ասել իր ուզածը: Ջահելները կարծում են, թե իրենք մի լուրջ քաղաքական  իրադարձություն են ստեղծել, ու «Հանրապետականն» էլ պատասխան քաղաքական ակցիան է անում: Նման բան չկա:
  
-Ո՞ւմ նկատի ունեք` ամբիցիոզ ջահելներ ասելով:
-Անուններով չեմ կարող ասել:  

-Խոսքը հարց տալու համար հերթագրված ԲՀԿ-ի երիտասարդ պատգամավորների՞ մասին է:  
-Չեմ էլ նկատել, որ հերթագրվել են: Պարզապես պետք է երիտասարդներին նախապատրաստել, որ քաղաքական ակցիաները ճիշտ ժամանակին անեն:

-Բայց արդյոք այսօր կառավարության դեմ ակցիա անելու ճիշտ ժամանակը չէ՞. նախագահը վերընտրվել է, և շատ է խոսվում կառավարության կազմում փոփոխություններ անելու, վարչապետին փոխելու մասին:
-Եթե անգամ պահն է, ապա թող հիշեն, որ քաղաքական թիմը բավական լուրջ զինանոց ունի դրա համար, կարող է քաղաքական որոշումներ կայացնել և իրերը կոչել իրենց անուններով:  Եվ վերջապես. եթե մենք վարչապետին պաշտպանելու խնդիր ունենանք, հենց այսօր բրիֆինգ կանենք, բոլորի պատասխանները կտանք, կպաշտպանենք: Չենք անում, որովհետև դրա կարիքը չենք տեսնում: Իսկ գրավոր հարցերը և հարցերն ընդհանրապես, որ մենք ենք բարձրացնում, անհատական չեն, ուղղված չեն որևէ կուսակցության կամ չինովնիկի, մեր բարձրացրած հարցերը գլոբալ են ու երկրի համար են լուծումներ առաջարկում:

-Շաբաթվա սկզբում պարզ դարձավ, որ  հետընտրական իրավիճակը քննարկելու համար այս անգամ էլ ՀՀԿ-ն է որոշակի հարցեր առաջ քաշում: Որո՞նք են դրանք:
-Խնդիրը վերաբերում է Ընտրական օրենսգրքի և Սահմանադրության բարեփոխումներին: Մենք վճռական ենք այլ քաղաքական ուժերի հետ երկխոսելու և փոփոխություններ անելու հարցում:

-
Բայց ՀԱԿ-ից Լևոն Զուրաբյանը օրերս հայտարարեց, որ երկխոսության մասին մեծամասնության հայտարարությունը ընդամենը երկխոսելու իմիտացիա է, «Ժառանգությունից» Ռուբեն Հակոբյանն էլ ասաց, թե իրենք այլևս չեն մասնակցելու բանակցություններին:     

-Դա էլ կլինի: Մեր նպատակն այն է, որ բոլոր ուժերը մասնակցեն այդ քննարկումներին: Սահմանադրության փոփոխությունը դա է նշանակում: Որոշ ուժեր ասում են հենց հիմիկվանից գրեք, որ կառավարման ձևը փոխվում է: Ես ասում եմ` կարծում եք, որ Գալուստ Սահակյանը ստորագրեց, ուրեմն, փոխվե՞ց: Դա պիտի քննարկվի: Ասում են` 100 տոկոսանոց համամասնական, ասում եմ` հա, քննարկենք, բայց հո միայն մենք չենք: Մենք համաձայն ենք, որ հայտարարենք ու գնանք Սահմանադրությունն ու Ընտրական օրենսգիրքը բարեփոխելու ճանապարհով: Իրենք ասում են` սա էլ գրենք, սա էլ գրենք, սա էլ գրենք: Մենք ընդդիմությանը հակադարձում ենք, որ ձեր մի մասը մի բան է ասում, մի մասը` մի ուրիշ բան, չենք կարող այսպես միանգամից որոշել, պետք է քննարկել և խորհրդարանական, և արտախորհրդարանական ուժերի հետ:   

-
Բայց առանց «Ժառանգության»:
-Դա իրենց որոշելիք խնդիրն է, կարող են գալ և մասնակցել:

-Լրագրողների հետ հանդիպման ժամանակ Սերժ Սարգսյանը ասաց, որ ինչ-որ պահի Ազատության հրապարակում տեղի ունեցող իրադարձություններին կարող են միջամտել նաև իրավապահ մարմինները: Ձեր կարծիքով,  իշխանությունը ե՞րբ կտեսնի դրա անհրաժեշտությունը:
-Այն ժամանակ, երբ Րաֆֆի Հովհաննիսյանի առողջությանը ծայրահեղ վտանգ սպառնա, ոչ միայն իրավապահները, այլև բոլորս կմիջամտենք:
Compare
 

Ով է քեզ ներկայացնում

  • Արխիվ

    • Facebook
    • Twitter
  • Ամենաընթերցվածները