Parliamnet Monitoring

  • Facebook
  • Twitter

News

Քառյակը հնգյակ դարձնելու նախաձեռնություն չկա

Քառյակը հնգյակ դարձնելու նախաձեռնություն չկա
Հարցազրույց ՀՅԴ խմբակցության քարտուղար Աղվան Վարդանյանի հետ:

- Պարոն Վարդանյան, ինչո՞վ առանձնացավ Ազգային ժողովի գարնանային նստաշրջանը, Ձեր կարծիքով՝ որոնք էին այս նստաշրջանի կարևոր իրադարձությունները:

- Բավականին լարված և ծանրաբեռնված նստաշրջան էր: Քաղաքական մեծամասնության և ընդդիմության հարաբերություններն ավելի հստակացան: Եղավ կառավարության փոփոխություն: Ես ինքս զբաղված էի նաև մի քանի այլ` գազի, Էթիկայի հանձնաժողովի աշխատանքներով: Այս իմաստով բավականին լարված էր և մյուսներից տարբերվում էր իր բովանդակությամբ:
Մանրամասն
11/07/2014

ԱԺ դահլիճը ոչ իշխանական ուժերի և կառավարության բանավեճի հարթակն է

ԱԺ դահլիճը ոչ իշխանական ուժերի և կառավարության բանավեճի հարթակն է
Հարցազրույց ՀՀԿ խմբակցության պատգամավոր Սամվել Նիկոյանի հետ:

- Պարոն Նիկոյան, ԱԺ գարնանային նստաշրջանի վերջին նիստերը, հատկապես արտահերթ նստաշրջանը, անցան լարված մթնոլորտում: Չե՞ք կարծում, որ խորհրդարանում միայնակ մնացած Հանրապետական խմբակցությունն իր համար ցանկալի որոշումներ կայացնելու, երբեմն նաև քվորում ապահովելու հարցում արդեն խնդիր ունի:

- ՀՀԿ-ն քվորում ապահովելու խնդիր չունի: Արտահերթի ժամանակ էլ կազմակերպեցին բոլոր քվեարկությունները, մեր օգտին քվեարկեցին նաև երկու անկախ պատգամավորները: Առաջին դեպքը չէ, որ քաղաքական մեծամասնությունը կարողանում է քվորում ապահովել մի քանի ձայնի առավելությամբ: Դա բնական երևույթ է, շատ խորհրդարաններում են նման իրավիճակներ ստեղծվում, նույնն է նաև մեզ մոտ:
Մանրամասն
03/07/2014

Եթե բոլոր ուժերը երես են թեքում իշխող կուսակցությունից, ուրեմն այն հաստատ հիվանդ է

Եթե բոլոր ուժերը երես են թեքում իշխող կուսակցությունից, ուրեմն այն հաստատ հիվանդ է
Հարցազրույց ՀԱԿ խմբակցության քարտուղար, ՀՀ գազամատակարարման ոլորտն ուսումնասիրող խորհրդարանական հանձնաժողովի անդամ Արամ Մանուկյանի հետ:

- Պարոն Մանուկյան, ինչպե՞ս եք գնահատում ԱԺ գարնանային նստաշրջանը, հատկապես արտահերթ նստաշրջանը, որի թե քննարկումները, թե քվեարկությունները դուք` ոչ իշխանական ուժերը բոյկոտեցին: 

- Երբեք նման նախադեպ չի եղել: Իսկ ի՞նչը զայրացրեց բոլոր պատգամավորներին: Կառավարության առաջարկությամբ հրավիրված այդ արտահերթ նստաշրջանի օրակարգում կար 39 նախագիծ, որի կեսը ոչ իշխանական ուժին, ոչ էլ ընդդիմադիրներին ծանոթ չէր: Դրանցից մոտ մեկ տասնյակը ծանր և կարևոր օրենքներ էին, մի քանիսը ծավալուն նախագծեր էին, փաթեթներ` կազմված հարյուրավոր էջերից: Դրանց թվում էր նաև «Կուտակային կենսաթոշակների մասին օրենքում փոփոխություններ և լրացումներ կատարելու մասին» նախագիծը, որը արտահերթի մեխն էր: Եվ մենք ավելի շատ ըմբոստանում էինք այն բանի համար, որ չի կարելի պատգամավորին վիրավորել` կանչել նստաշրջանի և նիստերի դահլիճում դեմ տալ այդքան օրինագիծ: Ու այդ ծավալուն փաթեթները պիտի կարդաս ու քննարկես: Ավելին` կուտակայինը ներառել էին օրակարգ, բայց մինչև կեսօր նախագիծը չկար: Մինչդեռ այդ նախագիծը պետք է հանրային քննարկման ենթարկվեր, ՍԴ ապրիլի 2-ի որոշումն էլ դա էր պահանջում: Եվ իրենք խախտեցին մարդկային, կանոնակարգային օրենքներն ու պատգամավորին ոչնչի տեղ դնելով` առաջարկեցին քննարկել այն նախագծերը, որոնց մասին նրանք տեղյակ չէին: 
Մանրամասն
26/06/2014

Սա գործող օրենք չէ

Սա գործող օրենք չէ
Հարցազրույց Ազգային ժողովի ՀՅԴ խմբակցության պատգամավոր Արծվիկ Մինասյանի հետ:

-Շա՞տ մեծ է Ձեր հիասթափությունը նախագահից, վարչապետից, ովքեր ինչ-որ պահի, թվում էր, թե ընդառաջ են գնում ընդդիմության, հանրության բողոքներին:


-Իմ հիասթափությունը այլ բանով է պայմանավորված: Խորությամբ չի գիտակցվում իրավիճակի սոցիալ-հոգեբանական ազդեցությունը: Բազմահազար քաղաքացիների ոգևորությունը, որ կար ՍԴ-ի որոշումից հետո, այս մեկ քայլով կոտրվում է: Սա նշանակում է ոչնչացնել այն ջանքը, որը կարող էր գործադրվել երկրի զարգացման ուղղությամբ: Անկախ նրանից` ես ՍԴ –ում պայքարել եմ նախորդ օրենքի դեմ թե ոչ, յուրաքանչյուր քաղաքացու նման հիասթափություն կունենայի: Ես վախ եմ զգում, որ հանկարծ այն երիտասարդները չհիասթափվեն, ովքեր տեսնում էին թունելի վերջի լույսը: Այո, ես նաև հանդիպել եմ նախագահին, ներկայացրել մեր տեսակետը, նախագահը ըմբռնումով մոտեցել է այդ տեսակետին, չի առարկել դրա դեմ: 
Մանրամասն
20/06/2014

ՀՀԿ-ական լինելը չի կաշկանդում

ՀՀԿ-ական լինելը չի կաշկանդում
Հարցազրույց ԱԺ էթիկայի հանձնաժողովի նախագահ, ՀՀԿ-ական Հովհաննես Սահակյանի հետ:

-Ազգային ժողովի կանոնակարգ-օրենքով սահմանվում է, որ էթիկայի հանձնաժողովի նախագահը հանձնաժողովի որոշումներն ու եզրակացությունները հրապարակում է ԱԺ առաջիկա քառօրյա նիստերի ընթացքում: Հունիսի 9-ին մեկնարկած քառօրյայում Դուք ինչո՞ւ ԱԺ ամբիոնից չհրապարակվեիք հանձնաժողովի եզրակացությունն այն մասին, որ պատգամավոր Առաքել Մովսիսյանը խախտել է պատգամավորի էթիկայի կանոնները:

-Մենք որոշումը բաժանում ենք Ազգային ժողովի նիստերի դահլիճում, պատգամավորներին, հետևաբար, մենք այն հրապարակել ենք: 

Մանրամասն
14/06/2014

ՀՀ պատվիրակությունն ակնհայտ նվաստացվում է

ՀՀ պատվիրակությունն ակնհայտ նվաստացվում է

Հարցազրույց ԱԺ «Ժառանգություն» խմբակցության պատգամավոր Ալեքսանդր Արզումանյանի հետ:


-Սեպտեմբերի 3-ից մեկնարկել է Մաքսային միությանն անդամակցելու գործընթացը, որի հերթական փուլը մասնակից երկրների նախագահների հանդիպումն էր Աստանայում: Այն դարձավ հանրային քննարկման առարկա ու շրջանցվեց ԱԺ-ի կողմից: Չկա՞ր այս հանդիպման բովանդակությունը խորհրդարանում քննարկելու անհրաժեշտությունը:


-Մաքսային միությանն անդամակցելու ողջ գործընթացն ընդհանրապես պետք է դառնար խորհրդարանական քննարկման առարկա, առավել ևս, որ ՄՄ գնալու մասին հայտարարությունը անակնկալի էր բերել ոչ միայն հանրությանն ու ընդդիմությանը, այլև՝ իշխանության մեծ մասին: Մատների վրա կարելի է հաշվել այն պաշտոնյաներին, ովքեր գիտեն, թե ինչ է կատարվում, բայց իրականում նրանք էլ լավ չեն պատկերացնում ամբողջ ընթացքը: Ու քանի դեռ չկա հստակություն, քննարկումները պիտի շարունակական լինեին հենց խորհրդարանում:

Մանրամասն
06/06/2014

Բյուջետային եկամուտներն ապահովվել են ստվերի կրճատման արդյունքում

Բյուջետային եկամուտներն ապահովվել են ստվերի կրճատման արդյունքում

Հարցազրույց Հանրապետական խմբակցության քարտուղար Գագիկ Մելիքյանի հետ:

- Պարոն Մելիքյան, 2013-ի բյուջեով նախատեսված մի շարք ցուցանիշներ, այդ թվում՝ տնտեսական աճի ապահովումը, չեն կատարվել. նախատեսված 6,2 տոկոս աճի փոխարեն գրանցվեց ընդամենը 3,5 տոկոսանոց աճ: Ինչո՞ւ կառավարությունն այդքան մեծ անհաջողություն գրանցեց:

- Կարծում եմ, որ դա ամբողջ աշխարհում ֆինանսատնտեսական ճգնաժամի արդյունք էր, որը սկսվել էր դեռևս 2008-2009 թվականներին և իր հետևանքները դեռևս զգացնել է տալիս ոչ միայն Հայաստանում, այլ նաև ամբողջ աշխարհում: Նույնիսկ ցանկացած գերտերություն այսօր լուրջ խնդիր ունի տնտեսական աճի ցուցանիշներն ապահովելու հարցում: Մենք նույնպես բացառություն չէինք:

Մանրամասն
31/05/2014

Հրանտ Բագրատյանը կառավարությանը մի քանի ամիս ժամանակ է տալիս

Հրանտ Բագրատյանը կառավարությանը մի քանի ամիս ժամանակ է տալիս
Հարցազրույց ՀԱԿ խմբակցության պատգամավոր Հրանտ Բագրատյանի հետ:

- Նոր ծրագրում ընդամենը մի քանի թվային ցուցանիշ կա՝ առաջիկա երեք տարիներին նվազագույն աշխատավարձը դարձնել 65 հազար  դրամ, աղքատությունը կրճատել 10 տոկոսով և տարեկան 5 տոկոս աճ ապահովել, որոնք առանձնապես բարձր ցուցանիշներ չեն: Այնուամենայնիվ, Ձեր կարծիքով Հայաստանում գոյություն ունեցող իրավիճակը կամ նույն կառավարության ծրագրի մնացած բոլոր դրույթները թույլ կտա՞ն, որ այդ ցուցանիշները կատարվեն:


- 5 տոկոս աճը հասանելի է, 65 հազար դրամ նվազագույն աշխատավարձը կիրագործվի, բայց 10 տոկոս աղքատության նվազեցումը խնդիր է, որովհետև իմ հաշվարկներով դրա համար մեզ պետք է 7,5 տոկոս տնտեսական աճ: Ծրագիրը 3 տարվա համար է, իսկ 10 տոկոսը նշանակում է յուրաքանչյուր տարվա համար 3 տոկոս աղքատության կրճատում: Վերջին 20 տարիների վերլուծությունը ցույց տալիս, որ մինչև 3-4 տոկոս տնտեսական աճը թույլ չի տալիս աղքատությունը կրճատել: Կրճատելը հնարավոր է 4 տոկոսից հետո: Հնարավոր է, որ տնտեսական աճը 5 տոկոսից ավելի կլինի, պարզապես ծրագրում գրված էր առնվազն 5 տոկոս:
Մանրամասն
23/05/2014

Օրինակելի կլինի, երբ Հովիկ Աբրահամյանը սկսի իրենից

Օրինակելի կլինի, երբ Հովիկ Աբրահամյանը սկսի իրենից
Հարցազրույց ԱԺ ՀՀԿ խմբակցության ղեկավար Վահրամ Բաղդասարյանի հետ:

-Ապրիլին, երբ Հովիկ Աբրահամյանը դեռ ԱԺ նախագահ էր, մի քանի նստաշրջան տեղափոխեց այն պատճառով, որ այդ ժամանակահատվածում  գործուղումներ կային , որոնք կարող էին ազդել օրինագծերի ընդունումն ապահովելու վրա: Հիմա, երբ ՕԵԿ-ն արդեն ընդդիմություն է, մի՞գուցե ԱԺ ղեկավարությունը մտահոգություն ունի, որ ՀՀԿ-ն միայնակ չի կարողանա օրինագծեր անցկացնել:


-Պետք չէ խուսափել որևէ խնդրից, կա նաև այդ հարցը: Այսօր, գիտեք, խորհրդարանում միայն ՀՀԿ խմբակցությունն է իշխանության ներկայացուցիչը: Մենք, իհարկե, համախմբված ենք, բայց կարող է նաև նման խնդիր ծագել: Ճիշտ եք նկատել՝ մենք կատարեցինք քառօրյաների տեղափոխումներ, քանի որ այդ ժամանակահատվածում խիստ անհրաժեշտ, անհետաձգելի գործուղումներ կային: Եվ կար լուրջ խնդիր, որ քվորում չի ապահովվի: Կարող են ընթացքում լինել նաև այլ տեղափոխություններ, որպեսզի չվնասվի ԱԺ բնականոն աշխատանքը:
Մանրամասն
16/05/2014

Իշխանությունը ոչ մեկի կարիքը չունի

Իշխանությունը ոչ մեկի կարիքը չունի
Հարցազրույց ԱԺ ՀԱԿ խմբակցության ղեկավար Լևոն Զուրաբյանի հետ:

-Վերջին օրերին, երբ խորհրդարանում քննարկվում էր կուտակային կենսաթոշակի պարտադիր բաղադրիչի հարցը, տպավորությունն այնպիսին էր, թե քառյակի ներսում այս հարցի շուրջ  հակասություններ կան: Նկատի ունեմ դիրքորոշումների տարբերությունը. ՀՅԴ-ն, օրինակ, դրական շատ բան է տեսնում կառավարության նոր նախագծում, իսկ ՀԱԿ-ը այն մերժում է ընդհանրապես: Ձեր ելույթից հետո էլ Աղվան Վարդանյանը հորդորեց իրենց խրատներ չտալ: Ինչպե՞ս կազդեն այդ հակասությունները քառյակի գործունեության վրա:
 

-Կուտակայինի շուրջ տարաձայնություններ կան, բայց ես չեմ հասկանում այն համառությունը, որով քառյակի ամեն մի տարաձայնություն հռչակվում է քառյակի վերջ կամ թաղում: Տարաձայնություններ կան ու միշտ էլ կլինեն: Մենք հավաքվել ենք տարբեր խնդիրներ լուծելու համար, որոշները դրանցից կարողացել ենք լուծել, բայց նաև կարող են լինել տարաձայնություններ: Իսկ Դաշնակցությանը ոչ մի խրատ ՀԱԿ-ը չի տվել, բայց մենք ունենք մեր դիրքորոշումը ու այն հիմնավորում ենք:
Մանրամասն
12/05/2014
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter