Parliamnet Monitoring

  • Facebook
  • Twitter

News

Արամ Մանուկյան. «Կարող է ունենանք զրո արդյունք, բայց մեր խիղճը հանգիստ է»

Արամ Մանուկյան. «Կարող է ունենանք զրո արդյունք, բայց մեր խիղճը հանգիստ է»
Հարցազրույց Ազգային ժողովի ՀԱԿ խմբակցության քարտուղար Արամ Մանուկյանի հետ:

-Պարոն Մանուկյանը, ՀԱԿ-ը դեռ հույս ունի, որ նոր Ընտրական օրենսգիրքը առաջիկայում կփոփոխվի՞

-Այո, հույս ունեմ: Աշխատանքներ տարվում են, հատկապե միջազգային կառույցների հետ, և քննարկումները շարունակվում են: Գուցե լավատեսույթունս շատ է, բայց կարծում եմ, որ 4+4+4 ձևաչափը դեռ ամբողջոււթյամբ չի փակվել: 

-Լավատեսության հիմքը ո՞րն է:

-Այն, որ հանդիպումներ ենք անցկացնում դեսպանների, միջազգային կառույցների հետ, ներկայացնում մեր պահանջները, հանդիպում ենք քաղհասարակության ներկայացուցիչներին, և ես դեռ գործընթացը ավարտված չեմ համարում: Այս պահին կոնկրետ պայմանավորվածություն չկա, բայց բանակցությունները շարունակվում են:
Մանրամասն
09/06/2016

Ընտրական օրենսգիրքն ընդունվեց առանց կոնսենսուսի, բայց՝ դրա հույսով

Ընտրական օրենսգիրքն ընդունվեց առանց կոնսենսուսի, բայց՝ դրա հույսով
Ազգային ժողովը մայիսի 25-ին կառավարության նախաձեռնությամբ ու սահմանած օրակարգով հրավիրված արտահերթ նիստում ձայների 102 կողմ 17 դեմ և 3 ձեռնպահ հարաբերակցությամբ երրորդ ընթերցմամբ և ամբողջությամբ ընդունեց ՀՀ ընտրական օրենսգրքը` կից օրենսդրական փաթեթով:

Կողմ քվեարկեցին Հանրապետական և «Դաշնակցություն» խմբակցությունները, «Բարգավաճ Հայաստան» խմբակցության անդամների ճնշող մեծամասնությունը: ԲՀԿ-ից դեմ էին միայն Ստեփան Մարգարյանը, Վահե Հովհաննիսյանն ու Էլինար Վարդանյանը: Կողմ քվեարկեցին նաև ՀԱԿ խմբակցության պատգամավոր Լյուդմիլա Սարգսյանը , «Ժառանգությունից» Ալեքսանդր Արզումանյանն ու Ռուբիկ Հակոբյանը: ՀԱԿ-ի մյուս վեց պատգամավորներն ու «Օրինաց երկիր» խմբակցությունը դեմ էին: 

Քվեարկության ավարտին պարզվեց, որ ԸՕ փաթեթին կողմ է քվեարկել նաև գեներալ Մանվել Գրիգորյանը, ով արդեն տևական ժամանակ Արցախում է և խորհրդարան չի գալիս: Պարզապես նշենք, որ նրա կողքը նստում է մեկ այլ գեներալ` Սեյրան Սարոյանը, ով նույնպես Արցախում էր, բայց արդեն վերադարձել է և մասնակցում էր ԱԺ նիստին:
Մանրամասն
26/05/2016

Ընտրական օրենսգրքի նախագիծը՝ օրենք դառնալու ճանապարհին

Ընտրական օրենսգրքի նախագիծը՝ օրենք դառնալու ճանապարհին
«Ուրեմն, մեր առաջարկությունը ընդունվել է»,-այսպես պատասխանեց ՀԱԿ խմբակցության քարտուղար Արամ Մանուկյանը հարցին, թե ինչու է կառավարությունը որոշել Ընտրական օրենսգրքի նախագծի երրորդ ընթերցումը ընթացիկ քառօրյայից տեղափոխել մայիսի 25-ի արտահերթ նիստ: Քառօրյայի առաջին օրը Ընտրական օրենսգրքի նախագիծը առանց շտապողականության քննարկելու, կոնսենսուսի հասնելու մասին խոսեցին ՀԱԿ խմբակցության անդամները: Լևոն Զուրաբյանը դարձյալ հայտարարեց, որ իրենց 5 առաջարկությունները չեն ընդունվել, մինչդեռ երկուստեք խոսվում է համաձայնությունների գալու անհրաժեշտության մասին: «Առաջարկում ենք հենց հիմա հրապարակային երաշխիքներ տրվեն, որ օրենքի երկրորդ ընթերցմամբ ընդունումից հետո անցկացվի արտահերթ նիստ, որտեղ կքննարկվեն կոնսենսուսի հարցերը և բազմաթիվ այլ առաջարկություններ: Եթե չեք հրավիրում անմիջապես արտահերթ նիստ մեր առաջարկությունները քննարկելու համար, մենք չենք մասնակցվի նաև երկրորդ ընթերցմամբ հարցի քննարկմանը»,-հայտարարեց ՀԱԿ խմբակցության ղեկավարը: 
Մանրամասն
24/05/2016

Ընտրական օրենսգրքից մինչև ԼՂ հակամարտություն. ԵԽԽՎ համազեկուցողները խորհրդարանում

Ընտրական օրենսգրքից մինչև ԼՂ հակամարտություն. ԵԽԽՎ համազեկուցողները խորհրդարանում
Փաստահավաք առաքելությամբ Հայաստանում են ԵԽԽՎ մոնիտորինգի հանձնաժողովի` Հայաստանի պարտավորությունների կատարման հարցով համազեկուցողներ Ալան Միլը եւ Ջուզեպպե Գալատին: Նրանց ուշադրության կենտրոնում սահմանադրական փոփոխություններին հաջորդած քայլերն են, մասնավորապես`ընտրական բարեփոխումները: 

ԵԽԽՎ-ն ՀՀ իշխանություններին կոչ էր արել Ընտրական նոր օրենսգրքի ընդունման ժամանակ ապահովել քաղաքական լայն կոնսենսուս: «Մենք հորդորել ենք ՀՀ իշխանություններին ապահովել այդ կոնսենսուսը, բայց դա կախված է նաեւ ընդդիմությունից: Պատրաստ ենք աջակցել երկու կողմերին, որպեսզի ընդդիմություն-իշխանություն արդար մրցակցություն ապահովվի ընդդիմության` իշխանության հասնելու համար»,- ապրիլի վերջին տեղի ունեցած ԵԽԽՎ նստաշրջանի ժամանակ հայտարարել էր ԵԽ գլխավոր քարտուղար Թյորբորն Յագլանդը: 

Համազեկուցողներն Ազգային ժողովում հանդիպել են խորհրդարանական բոլոր խմբակցությունների ներկայացուցիչների, այնուհետև՝ ԵԽԽՎ-ում ՀՀ պատվիրակության անդամների հետ:
Մանրամասն
12/05/2016

Ընտրական օրենսգրքի նախագիծն ընդունվեց առաջին ընթերցմամբ

Ընտրական օրենսգրքի նախագիծն ընդունվեց առաջին ընթերցմամբ
Ազգային ժողովը ապրիլի 28-ին նիստի ավարտին ձայների 98 «կողմ», 9 «դեմ» և 5 «ձեռնպահ» հարաբերակցությամբ առաջին ընթերցմամբ ընդունեց Ընտրական օրենսգրքի նախագիծը՝ հարակից փաթեթով: Դեմ են քվեարկել ՀԱԿ խմբակցության պատգամավորները՝ բացի Լյուդմիլա Սարգսյանից, նաև՝ Վարդան Օսկանյանը, Էդմոն Մարուքյանը, Տիգրան Ուրիխանյանը, Զարուհի Փոստանջյանը: 

Նախագծի քվեարկությունը բավական «խայտաբղետ» էր: ԲՀԿ անդամներն ու խմբակցության ղեկավարը թեև քննադատեցին օրինագիծը, բայց քվեարկեցին ազատ՝ եղան թե կողմ, թե դեմ, թե ձեռնպահ քվեարկողներ ու քվեարկությանը չմասնակցողներ: «Ժառանգությունից» Ռուբիկ Հակոբյանը և Ալեքսանդր Արզումանյանը «կողմ» քվեարկեցին, Զարուհի Փոստանջյանը դեմ էր: Հանրապետական խմբակցության հետ միասին «կողմ» էր «Դաշնակցություն» խմբակցությունը: «Օրինաց երկիր»-ը քվեարկությանը չմասնակցեց:
Մանրամասն
28/04/2016

Մեկ ամիս՝ Ընտրական օրենսգիրքը ավարտին հասցնելու համար

Մեկ ամիս՝ Ընտրական օրենսգիրքը ավարտին հասցնելու համար
Ապրիլի 25-28-ի խորհրդարանական քառօրյան սկսվելու է Ընտրական օրենսգրքի նախագծի քննարկմամբ: Ապրիլի 22-ին ԱԺ պետաիրավական հարցերի մշտական հանձնաժողովը դրական եզրակացություն տվեց դրան: 6 ՀՀԿ-ական պատգամավորները կողմ էին, 4-ը՝ ՕԵԿ-ի, ՀԱԿ-ի, «Ժառանգության» ներկայացուցիչնեըն ու անկախ պատգամավոր Էդմոն Մարուքյանը՝ դեմ: 

Մարտի սկզբից Ընտրական օրենսգրքի նախագիծը խորհրդարանում է. դրա շուրջ լսումներ են կազմակերպվել, քննարկումներ անցկացվել, և, վերջապես, նախագծով առաջարկվող հիմնական բովանդակային փոփոխությունները մոտ 1 ամիս քննարկվել են 4+4+4 ձևաչափով: Ընտրական օրենսգրքի ընդունման վերջնաժամկետը հունիսի 1-ն է:
Մանրամասն
24/04/2016

Բոլորս դեպի ընտրություններ

Բոլորս դեպի ընտրություններ
Հայաստանում ընտրությունների նկատմամբ բուն հասարակության վերաբերմունքն աստիճանաբար նմանվում է կոմունիստական շրջանին։ Միակ տարբերությունը երեւի այն է, որ մարդիկ այժմ գնում են ընտրատեղամաս։ Գնում են ոչ թե սպասումով, թե ինչ- որ բան է փոխվելու, այլ՝ որ մի փոքր «գունավորեն» իրենց մոխրագույն առօրյան, կամ... ընտրակաշառք ստանան։

Հայաստանում ընտրական օրենսդրությունը վերջին 10 տարում փոփոխվել է 8 անգամ, եւ սրան ավելացված նաեւ 2011- ին ընդունված ընտրական հերթական օրենսգիրքը։ Երեւի ընտրականից ավելի շատ մեր երկրում փոփոխվում է հարկա- մաքսային օրենսդրությունը։ Երկուսն էլ հասարակությանը լավ բան չեն խոստանում։
Մանրամասն
04/04/2016

Այլանդակ ընտրություններ անցկացնելու իշխանության լիմիտը սպառվել է

Այլանդակ ընտրություններ անցկացնելու իշխանության լիմիտը սպառվել է
Հարցազրույց ԱԺ ԲՀԿ խմբակցության ղեկավար Նաիրա Զոհրաբյանի հետ: 

-ՀԱԿ խմբակցության ղեկավար Լևոն Զուրաբյանի առաջարկով ձևավորված 4+4+4 ձևաչափը 2 նիստ է գումարել: Կարծում եք՝ այս հանդիպումները կնպաստե՞ն, որ ունենանք բարեփոխված, ընտրակեղծքիները կանխող Ընտրական օրենսգիրք: 

-Գիտե՞ք, եթե անգամ ընդդիմադիր բոլոր քաղաքական ուժերի առաջարկությունները ընդունվեն, և ստեղծվի ամենաիդեալական Ընտրական օրենսգիրքը, առանց արդար ընտրություններ անցկացնելու քաղաքական կամքի 2017-ին կունենանք նույն վատ ընտրությունները, ինչպես մինչև այսօր: Առանց այդ կամքի իշխանությունը, ցանկացած օրենսգրքով, կգտնի կեղծիքների գնալու մեխանիզմներ:
Մանրամասն
03/04/2016

6+4+3. Դժվար մեկնարկ՝ առանց ավելորդ լավատեսության

6+4+3. Դժվար մեկնարկ՝ առանց ավելորդ լավատեսության
Մարտի 30-ին Ազգային ժողովում տեղի ունեցավ Ընտրական օրենսգրքի նախագծի քննարկումը՝ իշխանության-ընդդիմության-քաղհասարակության մասնակցությամբ: Քննարկման կազմակերպչական հատվածը լրագրողների համար բաց էր, բովանդակայինը՝ փակ: Դեռևս չձևավորված՝ այս ձևաչափը արդեն ստացել էր 4+4+4 անունը, բայց դրա մասնակիցները 13-ն էին՝ սպասելի 12-ի փոխարեն: Իշխանությունը եկել էր 6 ներկայացուցչով՝ 4-ը՝ ՀՀԿ-ից, 2-ը՝ ՀՅԴ-ց: Ընդդիմությունից 4-ի փոխարեն 3-ն էին՝ ՀԱԿ, ԲՀԿ, ՕԵԿ: Ամբողջական էր ՀԿ-ների կազմը, բայց նրանք էլ քննարկման մասնակիցներին միացան 45 րոպե ուշացումով:
Մանրամասն
30/03/2016

Իշխանությունները քննարկելու են բոլոր առաջարկները, բայց չեն ընդունելու կարևորները

Իշխանությունները քննարկելու են բոլոր առաջարկները, բայց չեն ընդունելու կարևորները
Մարտի 22-ին Ազգային ժողովում տեղի ունեցան Ընտրական օրենսգրքի նախագծի շուրջ խորհրդարանական լսումներ, որին մասնակցում էին մոտ 60 հասարակական կազմակերպությունների, տասնյակից ավելի խորhրդարանական ու արտախորհրդարանական կուսակցությունների ներկայացուցիչներ: Նախագիծը ներկայացնում, մասնակիցների հարցերին պատասխանում էր կառավարության աշխատակազմի ղեկավար-նախարար Դավիթ Հարությունյանը, ով փաստաթղթի հեղինակներից է: 

Հիշեցնենք, որ ԸՕ նախագիծը հեղինակել է կառավարությունը: Այն մշակող աշխատանքային խմբում Դ.Հարությունյանից բացի ներգրավված էին նաև ԱԺ աշխատակազմի ղեկավար Հրայր Թովմասյանը և սահմանադրագետ Վարդան Պողոսյանը: Նախագիծը խորհրդարան է ներկայացվել մարտի 9-ին՝ նախագահ Սերժ Սարգսյանի հրամանագրով սահմանված վերջնաժամկետից 8 օր ուշացումով:
Մանրամասն
22/03/2016
1 2 3
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter