Parliamnet Monitoring

  • Facebook
  • Twitter

News

Ես իմ ելույթների վրա տանջվում եմ

Ես իմ ելույթների վրա տանջվում եմ
Հարցազրույց Ազգային ժողովի ՀԱԿ խմբակցության քարտուղար Արամ Մանուկյանի հետ

-Ըստ Parliamentmonitoring.am կայքի վիճակագրական տվյալների` նախորդ` գարնանային նստաշրջանի ընթացքում ամենաակտիվ խմբակցությունը եղել է ՀԱԿ-ը: Սպասվա՞ծ էր այս արդյունքը: 

-Չասեմ, թե սպասված էր, բայց շատ հաճելի էր, որ այն աշխատանքը, որ կատարում ես, արձանագրվում է, բարձրաձայնվում է: Ես ավելին ասեմ. եթե խմբակցությունը ունենար ավելի մեծ աշխատակազմ, իրավաբաններ, տնտեսագետներ, մենք ավելի ակտիվ կլինեինք: Բայց քանի որ կառավարությունը կարճ ժամկետներում մեծ քանակությամբ օրինագծեր է բերում, մենք ուղղակի չենք հասցնում դրանց հետևից գնալ: Օրինակը արտահերթի ժամանակ մի շնչով, առանց կարդալու ընդունված 60 օրենքներն են: 
Մանրամասն
09/09/2014

Եթե բոլոր ուժերը երես են թեքում իշխող կուսակցությունից, ուրեմն այն հաստատ հիվանդ է

Եթե բոլոր ուժերը երես են թեքում իշխող կուսակցությունից, ուրեմն այն հաստատ հիվանդ է
Հարցազրույց ՀԱԿ խմբակցության քարտուղար, ՀՀ գազամատակարարման ոլորտն ուսումնասիրող խորհրդարանական հանձնաժողովի անդամ Արամ Մանուկյանի հետ:

- Պարոն Մանուկյան, ինչպե՞ս եք գնահատում ԱԺ գարնանային նստաշրջանը, հատկապես արտահերթ նստաշրջանը, որի թե քննարկումները, թե քվեարկությունները դուք` ոչ իշխանական ուժերը բոյկոտեցին: 

- Երբեք նման նախադեպ չի եղել: Իսկ ի՞նչը զայրացրեց բոլոր պատգամավորներին: Կառավարության առաջարկությամբ հրավիրված այդ արտահերթ նստաշրջանի օրակարգում կար 39 նախագիծ, որի կեսը ոչ իշխանական ուժին, ոչ էլ ընդդիմադիրներին ծանոթ չէր: Դրանցից մոտ մեկ տասնյակը ծանր և կարևոր օրենքներ էին, մի քանիսը ծավալուն նախագծեր էին, փաթեթներ` կազմված հարյուրավոր էջերից: Դրանց թվում էր նաև «Կուտակային կենսաթոշակների մասին օրենքում փոփոխություններ և լրացումներ կատարելու մասին» նախագիծը, որը արտահերթի մեխն էր: Եվ մենք ավելի շատ ըմբոստանում էինք այն բանի համար, որ չի կարելի պատգամավորին վիրավորել` կանչել նստաշրջանի և նիստերի դահլիճում դեմ տալ այդքան օրինագիծ: Ու այդ ծավալուն փաթեթները պիտի կարդաս ու քննարկես: Ավելին` կուտակայինը ներառել էին օրակարգ, բայց մինչև կեսօր նախագիծը չկար: Մինչդեռ այդ նախագիծը պետք է հանրային քննարկման ենթարկվեր, ՍԴ ապրիլի 2-ի որոշումն էլ դա էր պահանջում: Եվ իրենք խախտեցին մարդկային, կանոնակարգային օրենքներն ու պատգամավորին ոչնչի տեղ դնելով` առաջարկեցին քննարկել այն նախագծերը, որոնց մասին նրանք տեղյակ չէին: 
Մանրամասն
26/06/2014

Հրանտ Բագրատյանը կառավարությանը մի քանի ամիս ժամանակ է տալիս

Հրանտ Բագրատյանը կառավարությանը մի քանի ամիս ժամանակ է տալիս
Հարցազրույց ՀԱԿ խմբակցության պատգամավոր Հրանտ Բագրատյանի հետ:

- Նոր ծրագրում ընդամենը մի քանի թվային ցուցանիշ կա՝ առաջիկա երեք տարիներին նվազագույն աշխատավարձը դարձնել 65 հազար  դրամ, աղքատությունը կրճատել 10 տոկոսով և տարեկան 5 տոկոս աճ ապահովել, որոնք առանձնապես բարձր ցուցանիշներ չեն: Այնուամենայնիվ, Ձեր կարծիքով Հայաստանում գոյություն ունեցող իրավիճակը կամ նույն կառավարության ծրագրի մնացած բոլոր դրույթները թույլ կտա՞ն, որ այդ ցուցանիշները կատարվեն:


- 5 տոկոս աճը հասանելի է, 65 հազար դրամ նվազագույն աշխատավարձը կիրագործվի, բայց 10 տոկոս աղքատության նվազեցումը խնդիր է, որովհետև իմ հաշվարկներով դրա համար մեզ պետք է 7,5 տոկոս տնտեսական աճ: Ծրագիրը 3 տարվա համար է, իսկ 10 տոկոսը նշանակում է յուրաքանչյուր տարվա համար 3 տոկոս աղքատության կրճատում: Վերջին 20 տարիների վերլուծությունը ցույց տալիս, որ մինչև 3-4 տոկոս տնտեսական աճը թույլ չի տալիս աղքատությունը կրճատել: Կրճատելը հնարավոր է 4 տոկոսից հետո: Հնարավոր է, որ տնտեսական աճը 5 տոկոսից ավելի կլինի, պարզապես ծրագրում գրված էր առնվազն 5 տոկոս:
Մանրամասն
23/05/2014

Իշխանությունը ոչ մեկի կարիքը չունի

Իշխանությունը ոչ մեկի կարիքը չունի
Հարցազրույց ԱԺ ՀԱԿ խմբակցության ղեկավար Լևոն Զուրաբյանի հետ:

-Վերջին օրերին, երբ խորհրդարանում քննարկվում էր կուտակային կենսաթոշակի պարտադիր բաղադրիչի հարցը, տպավորությունն այնպիսին էր, թե քառյակի ներսում այս հարցի շուրջ  հակասություններ կան: Նկատի ունեմ դիրքորոշումների տարբերությունը. ՀՅԴ-ն, օրինակ, դրական շատ բան է տեսնում կառավարության նոր նախագծում, իսկ ՀԱԿ-ը այն մերժում է ընդհանրապես: Ձեր ելույթից հետո էլ Աղվան Վարդանյանը հորդորեց իրենց խրատներ չտալ: Ինչպե՞ս կազդեն այդ հակասությունները քառյակի գործունեության վրա:
 

-Կուտակայինի շուրջ տարաձայնություններ կան, բայց ես չեմ հասկանում այն համառությունը, որով քառյակի ամեն մի տարաձայնություն հռչակվում է քառյակի վերջ կամ թաղում: Տարաձայնություններ կան ու միշտ էլ կլինեն: Մենք հավաքվել ենք տարբեր խնդիրներ լուծելու համար, որոշները դրանցից կարողացել ենք լուծել, բայց նաև կարող են լինել տարաձայնություններ: Իսկ Դաշնակցությանը ոչ մի խրատ ՀԱԿ-ը չի տվել, բայց մենք ունենք մեր դիրքորոշումը ու այն հիմնավորում ենք:
Մանրամասն
12/05/2014

Տնտեսական հարցերի մշտական հանձնաժողովն անակնկալ է մատուցել Հրանտ Բագրատյանին

Տնտեսական հարցերի մշտական հանձնաժողովն անակնկալ է մատուցել Հրանտ Բագրատյանին
Հարցազրույց ԱԺ ՀԱԿ խմբակցության պատգամավոր Հրանտ Բագրատյանի հետ:

- Տնտեսական հարցերի մշտական հանձնաժողովն առաջին անգամ դրական եզրակացություն տվեց Ձեր հեղինակած նախագծին, և այն ընդգրկվեց ԱԺ լիագումար նիստերի օրակարգ: Ինչպե՞ս եք մեկնաբանում այս որոշումը, հատկապես այն դեպքում, երբ կառավարությունը Ձեզ առաջարկել էր առայժմ ձեռնպահ մնալ դրա քննարկումից:

- Չեմ կարող որևէ կերպ բացատրել, որովհետև եթե տրամաբանությամբ դիտարկենք, ապա նման օրինագծերը մերժելը հեշտ չէ: Սա ակնհայտ կարևոր ու օգտակար օրինագիծ է և նշում է այն թերությունը, բացթողումը, որն առաջացել էր 2004թ. այդ օրենքը ընդունելուց հետո: Ընդունել են օրենք, որով երաշխավորում են միայն ֆիզիկական անձանց ավանդները, իսկ իրավաբանական անձինք մնացել էին գործընթացից դուրս: Սա առաջացրել էր դժգոհություն, որոշակի առումով առաջացրել էր նաև երկրից կապիտալի արտահոսք:
Մանրամասն
22/03/2014

Կառավարության հարցը՝ ապրիլի 28-ին

Կառավարության հարցը՝ ապրիլի 28-ին
Հարցազրույց ԱԺ ՀԱԿ խմբակցության ղեկավար Լևոն Զուրաբյանի հետ:

-ԲՀԿ-ն, ՀՅԴ-ն, ՀԱԿ-ն ու «Ժառանգությունը» մոտ երկու ամիս հանդիպում էին, բայց միայն այսօր կառավարությանը անվստահություն հայտնելու միասնական որոշում կայացվեց: Կարելի՞ է ենթադրել, որ ԲՀԿ նախագահ Գագիկ Ծառուկյանի մոտ տեղի ունեցած հանդիպումները նպաստեցին որոշման կայացմանը:

-Ես ոչ կուզեմ նսեմացնել, ոչ էլ չափազանցնել Գագիկ Ծառուկյանի դերակատարումը: Բոլոր քաղաքական ուժերն էլ հավասար ներդրում ունեցան, բոլորն էլ կառուցողական մոտեցում դրսևորեցին, և ունեցանք այսօրվա որոշումը: 
Մանրամասն
19/03/2014

ՀՀ կառավարությունը չի սիրում ՀՀ Սահմանադրությունը

ՀՀ կառավարությունը չի սիրում ՀՀ Սահմանադրությունը
Հարցազրույց ԱԺ ՀԱԿ խմբակցության պատգամավոր Գագիկ Ջհանգիրյանի հետ: 

- Այս քառօրյայում առաջին ընթերցմամբ ընդունվեց  դատարանների նախագահների նշանակման կարգում փոփոխություն նախատեսող օրենսդրական փաթեթը: Առաջարկվում է, որ դատարանների նախագահները պաշտոնավարեն ոչ թե ցմահ, այլ նշանակեն 5 տարին մեկ : Դա ընդունելի՞ տարբերակ է:

- Այդ օրինագծերում ինձ համար ամենամտահոգիչն այն է, որ ցմահ նշանակված դատարանների նախագահներին ցանկանում են օրենքով ազատել զբաղեցրած պաշտոններից այն դեպքում, երբ սահմանադրական նորմի ուժով նրանք նշանակվել են մինչև իրենց 65 տարին լրանալը: Այսինքն օրենքով ուզում են փորձել ի չիք դարձնել Սահմանադրական նորմերից մեկը:ստացվում է՝ գործադիրը ցանկություն ունի մեծ թվով դատարանի նախագահներ նշանակել: Ճիշտ է՝ օրինագծի ընդունումը պատճառաբանում են կոռուպցիոն ռիսկերի նվազեցման նպատակով, բայց իրականում մեծ թվով դատարանների նախագահների նշանակումը իր մեջ  մեծ կոռուպցիոն ռիսկ է պարունակում:
Մանրամասն
14/03/2014

ՀՀԿ-ի միասնական քվեարկության վերջը գալու է

ՀՀԿ-ի միասնական քվեարկության վերջը գալու է

Հարցազրույց Ազգային ժողովի ՀԱԿ խմբակցության քարտուղար Արամ Մանուկյանի հետ:


-ՀԱԿ խմբակցությունը հայտարարել է մեծամասնության նախաձեռնած գազի հանձնաժողովը բոյկոտելու մտադրության մասին: Տպավորություն է, թե ՀԱԿ-ը չի ուզում միանալ ՀՀԿ-ի նախաձեռնությանը, որովհետև նրանք էլ մերժեցին ձերը: Այս ինքնանպատակ հակադրությունը կարո՞ղ է արդյունավետ լինել:
 

-Սա չի կարող ինքնանպատակ հակադրություն կոչվել, որովհետև մենք շատ կոնկրետ առաջարկ ենք ներկայացրել` հանձնաժողովը պետք է գործի բաց ու հրապարակային: Մեծամասնությունը ասում է, որ նիստերը պետք է լինեն փակ, իսկ փաստաթղթերը պիտի չհրապարակվեն: Նման գաղտնիության պայմաններում են ծնվել աննորմալ պայմանագրերը ու գները: Մենք այդ գաղտնիության դեմ ենք պայքարել ու հիմա խայծը կուլ տանք և գնանք փակ գործունեությա՞մբ զբաղվենք: 

Մանրամասն
22/02/2014

Մեծամասնությունը մինչև քվեարկությունը մտածելու բան ունի

Մեծամասնությունը մինչև քվեարկությունը  մտածելու բան ունի
Հարցազրույց ԱԺ ՀԱԿ խմբակցության քարտուղար Արամ Մանուկյանի հետ:

-Կարծում եք, որ որևէ բան կփոխի՞ մեծամասնության դիրքորոշման մեջ: Գալուստ Սահակյանը բառացիորեն հայտարարեց՝ համաձայնագիրը «պիտի ընդունվի»:

-Գալուստ Սահակյանն արդեն նյարդայնացած էր: Կարծում եմ՝ անզորությունից էր ոչ պառլամենտական լեզվով խոսում: Դա իրավիճակին չտիրապետելուց է գալիս: Եթե մի քիչ արժանապատվության գիտակցում  կա, որ պառլամենտը պետք է իր իրավունքները պահի, գոնե միջազգային պայմանագրերը քվեաիկելուց առաջ  տեղեկացված լինի,  ապա կարծում եմ, որ մինչև երկուշաբթի իրենք մտածելու խնդիր ունեն:
Մանրամասն
21/12/2013

Կառավարությունը պատգամավորներին նախագծեր է նվիրում

Կառավարությունը պատգամավորներին նախագծեր է նվիրում
Հարցազրույց ԱԺ ՀԱԿ խմբակցության անդամ Գագիկ Ջհանգիրյանի հետ: 

-Ըստ Ձեզ` ԱԺ-ն ունի՞ բավարար ռեսուրս` առանց կառավարության օրենքներ, օրենսգրքեր գրելու, առավելևս, որ ԱԺ-ի կողմից գրված որևէ օրենսգիրք կարծեք չկա էլ:

-ԱԺ-ի 94-99 թվականների գործունեության ժամանակ ես Արդարադատության նախարարությունում վարչության պետ էի, հետո նախարարի տեղակալ ու համակարգում էի օրենսդրական աշխատանքը: ԱԺ մշտական հանձնաժողովները աշխատում էին տարբեր ուղղություններով` իրավական, տնտեսական, սոցիալական, նույնիսկ արտաքին հարաբերությունների հանձնաժողովը քաղաքականություն էր մշակում ու իրականացնում: Պետաիրավական հանձնաժողովը հսկայական աշխատանք էր կատարում, օրերով նստած էինք Քրեական օրենսգրքի վրա:
Մանրամասն
14/11/2013
1 2 3 4
Compare
 

Ով է քեզ ներկայացնում

  • Ամենաընթերցվածները

  • Արխիվ

    • Facebook
    • Twitter